ఆల్బర్ట్ ఐన్‌స్టీన్

జయంత్‌ విష్ణు నార్లికర్‌ (జేవీ నార్లికర్‌)

ఈయన ప్రముఖ భారతీయ ఖగోళ భౌతిక శాస్త్రవేత్త . సైద్ధాంతిక విశ్వశాస్త్రంలో ప్రపంచవ్యాప్తంగా పేరుగాంచారు

ఈయన ప్రముఖ భారతీయ ఖగోళ భౌతిక శాస్త్రవేత్త (astrophysicist). సైద్ధాంతిక విశ్వశాస్త్రం (theoretical cosmology)లో ప్రపంచవ్యాప్తంగా పేరుగాంచారు. విజ్ఞాన శాస్త్రాన్ని ప్రజానీకానికి విస్తృతంగా అందుబాటులోకి తెచ్చేందుకు కృషి చేశారు. ఫ్రెడ్‌ హాయ్ల్‌తో కలిసి హాయ్ల్‌-నార్లికర్‌ గురుత్వాకర్షణ సిద్ధాంతాన్ని కనుక్కున్నారు. అది బిగ్‌ బ్యాంగ్‌ నమూనాకు ప్రత్యామ్నాయమైన స్టెడీ - స్టేట్‌ థియరీకి మద్దతు ఇచ్చింది. ఆయన గొప్ప రచయిత కూడా. సైన్స్‌ గురించి సామాన్య ప్రజలకు అర్థమయ్యే రీతిలో అనేక పుస్తకాలు, వ్యాసాలు రాశారు. పోటీ పరీక్షల కోణంలో ఆయన గురించి ముఖ్య విషయాలు తెలుసుకుందాం..!

జేవీ నార్లికర్‌ మహారాష్ట్రలోని కొల్హాపూర్‌లో 1938, జులై 19న జన్మించారు. ఉన్నత విద్య కోసం బ్రిటన్‌లోని కేంబ్రిడ్జ్‌ యూనివర్సిటీలోని ఫిట్జ్‌విలియం కాలేజీలో చేరారు. నార్లికర్‌ కేంబ్రిడ్జ్‌ యూనివర్సిటీ ప్రొఫెసర్, ప్రముఖ బ్రిటిష్‌ ఖగోళ శాస్త్రవేత్త ఫ్రెడ్‌ హాయ్ల్‌ను కలిశారు. ఆయన మార్గదర్శకత్వంలో నార్లికర్‌ థియరిటికల్‌ కాస్మోలజీలో పరిశోధనలు ప్రారంభించారు.
1966లో హాయ్ల్‌ కేంబ్రిడ్జ్‌లో ఇన్‌స్టిట్యూట్‌ ఆఫ్‌ థియరిటికల్‌ ఆస్ట్రానమీని స్థాపించారు. దాని వ్యవస్థాపక సభ్యుల్లో నార్లికర్‌ ఒకరు. 1972లో ఆ సంస్థను కేంబ్రిడ్జ్‌ యూనివర్సిటీలోని ఇన్‌స్టిట్యూట్‌ ఆఫ్‌ ఆస్ట్రానమీలో విలీనం చేశారు. అదే ఏడాది భారత్‌కు తిరిగి వచ్చిన నార్లికర్‌ టాటా ఇన్‌స్టిట్యూట్‌ ఆఫ్‌ ఫండమెంటల్‌ రిసెర్చ్‌లో (టీఐఎఫ్‌ఆర్‌) ప్రొఫెసర్‌గా చేరారు. 1989 వరకు టీఐఎఫ్‌ఆర్‌లోనే ఉన్నారు.
యూనివర్సిటీ గ్రాంట్స్‌ కమిషన్‌ (యూజీసీ) సూచన మేరకు నార్లికర్‌ 1988లో పుణెలో ఇంటర్‌ - యూనివర్సిటీ సెంటర్‌ ఫర్‌ ఆస్ట్రానమీ అండ్‌ ఆస్ట్రోఫిజిక్స్‌ (ఐయూసీఏఏ)ను స్థాపించారు. సావిత్రిబాయి ఫూలే పుణె యూనివర్సిటీ క్యాంపస్‌లో ఇది ఏర్పాటైంది. ఐయూసీఏఏ వ్యవస్థాపక డైరెక్టర్‌గా వ్యవహరించిన ఆయన 2003లో రిటైర్‌ అయ్యేంత వరకూ ఆ పదవిలో కొనసాగారు.
భారతీయ విశ్వవిద్యాలయాల మధ్య ఉన్నత - నాణ్యతతో కూడిన పరిశోధన, సహకారాన్ని ప్రోత్సహించడం ఐయూసీఏఏ లక్ష్యం. నార్లికర్‌ నాయకత్వంలో ఇది సైద్ధాంతిక, పరిశీలనాత్మక ఖగోళశాస్త్రానికి ప్రధాన సంస్థగా మారింది. నేషనల్‌ కౌన్సిల్‌ ఆఫ్‌ ఎడ్యుకేషనల్‌ రిసెర్చ్‌ అండ్‌ ట్రైనింగ్‌ (ఎన్‌సీఈఆర్‌టీ) 2005లో నార్లికర్‌ను సైన్స్, మ్యాథమెటిక్స్‌ పాఠ్యపుస్తకాల పునఃరూపకల్పన (redesign) చేసే కమిటీకి అధ్యక్షుడిగా నియమించింది.
ఖగోళశాస్త్రంలో పరిశోధన, శిక్షణ కోసం నార్లికర్‌ స్థాపించిన ఇంటర్‌ - యూనివర్సిటీ సెంటర్‌ ఫర్‌ ఆస్ట్రానమీ అండ్‌ ఆస్ట్రోఫిజిక్స్‌ (ఐయూసీఏఏ) సంస్థ అన్ని వర్గాల వారికి విజ్ఞానశాస్త్ర ప్రచారం, విద్యను అందించడానికి ఉపయోగపడింది. ప్రపంచవ్యాప్తంగా విస్తృత ఆమోదం పొందిన బిగ్‌ బ్యాంగ్‌ సిద్ధాంతానికి ప్రత్యామ్నాయాన్ని ప్రతిపాదించినందుకు ఆయన చాలా ప్రసిద్ధికెక్కారు. జయంత్‌ విష్ణు నార్లికర్‌ 2025, మే 20న పుణెలో మరణించారు.

హాయ్ల్‌ - నార్లికర్‌ గురుత్వాకర్షణ సిద్ధాంతం, నార్లికర్‌ అందుకున్న పురస్కారాలు - గౌరవాలు, ప్రముఖ రచనలతోపాటు ఈ అంశంపై గతంలో తెలంగాణ పోలీస్‌ ఎస్‌ఐ మెయిన్స్, యూపీఎస్సీ సివిల్స్, ఆర్‌ఆర్‌బీ గ్రూప్‌-డి, ఎస్‌ఎస్‌సీ తదితర పోటీపరీక్షల్లో అడిగిన ప్రశ్నలు - జవాబులతో రూపొందించిన ఈబుక్‌ ‘ఈనాడు ఈప్రతిభ జనరల్‌ నాలెడ్జ్‌ & కరెంట్‌ అఫైర్స్‌ కోర్సుII’లో అందుబాటులో ఉంది. వివరాల కోసం లింక్ పై క్లిక్ చేయండి. https://hov.to/69b00978

గత పరీక్షల్లో అడిగిన ప్రశ్నలు

1. బిగ్‌ బ్యాంగ్‌ సిద్ధాంతాన్ని ప్రతిపాదించింది?

(ఎన్‌టీపీసీ, 2020)

1) థామస్‌ గోల్డ్‌ 2) అల్‌ బెరూనీ

3) అలెన్‌ సుండేస్‌ 4) జార్ట్‌ లమైట్రే

సమాధానం: 4

2. ఐయూసీఏఏ విద్యాసంస్థ ఎక్కడ ఉంది?

(ఎంపీఎస్సీ మెయిన్స్, 2021)

1) పుణె 2) ముంబయి 3) థానే 4) నాగ్‌పుర్‌

సమాధానం: 1

3. భౌతికశాస్త్రంలో హాయ్ల్‌-నార్లికర్‌ సిద్ధాంతం కింది దేనిపై ఆధారపడింది?

(డీఎస్‌ఎస్‌ఎస్‌బీ పట్వారీ, 2019)

1) అణు విచ్ఛిత్తి 2) అణు సంలీనం

3) గురుత్వాకర్షణ 4) విద్యుదయస్కాంతత్వం

సమాధానం: 3

4. జేవీ నార్లికర్‌ ప్రకారం కిందివాటిలో దేన్ని సైన్స్‌గా పరిగణించకూడదు?

(యూపీపీఎస్సీ సివిల్‌ సర్వీసెస్, 2018)

1) జ్యోతిషం 2) ఖగోళశాస్త్రం

3) కాస్మోలజీ 4) నానోటెక్నాలజీ

సమాధానం: 1

5. Who among the following was posthumously awarded the Rashtriya Vigyan Puraskar 2025 in 'Vigyan Ratna' category?
(RRB Group D, 2026)
1) Jayant Vishnu Narlikar 2) Prakash Kumar
3) Pavannan 4) Vidya Subramanian
Ans: 1
6. Name the author of the book 'The Scientific Edge: The Indian Scientist from Vedic to Modern Times'.
(Punjab And Haryana High Court Clerk, 2022)
1) Jayant Narlikar 2) APJ Abdul Kalam
3) Vikram Sampath 4) Randeep Sisodia
Ans: 1
7. Which scientist thought of the concept of steady state of the universe?
(SSC CGL, 2023)
1) Harold Jeffrey 2) Edwin Hubble
3) Fred Hoyle 4) Pierre-Simon Laplace
Ans: 3
8. What evidence supports the Big Bang theory of universe origin?
(SSC Stenographer, 2025)
1) Sunspot cycles 2) Redshift of galaxies
3) Solar wind 4) Volcanic eruptions on Earth
Ans: 2