ఆల్బర్ట్ ఐన్‌స్టీన్

సర్‌ రొనాల్డ్‌ రాస్‌

ఈయన భారత్‌లో జన్మించిన బ్రిటిష్‌ వైద్యుడు, శాస్త్రవేత్త. బ్యాక్టీరియాలజీపై అనేక పరిశోధనలు చేశారు. ముఖ్యంగా మలేరియాపై అధ్యయనం చేసి, దోమల ద్వారా ఆ వ్యాధి సంక్రమిస్తుందని కనిపెట్టారు. ఇది వైద్యశాస్త్రంలోనే గొప్ప పరిణామం. అప్పటి వరకు ఎందరినో బలితీసుకున్న మలేరియాకు అడ్డుకట్ట వేసేందుకు ఇది తోడ్పడింది. ఇందుకు రాస్‌కు ఫిజియాలజీ/ మెడిసిన్‌లో నోబెల్‌ బహుమతి లభించింది. మే 13న రొనాల్డ్‌ రాస్‌ జయంతి సందర్భంగా ఆయన జీవితంలోని ముఖ్య విశేషాలు తెలుసుకుందాం..!

బాల్యం - వృత్తి జీవితం

రొనాల్డ్‌ రాస్‌ 1857, మే 13న బ్రిటిష్‌ ఇండియాలోని వాయవ్య ప్రావిన్స్‌లో ఉన్న అల్మోరా (ప్రస్తుతం ఉత్తరాఖండ్‌లో ఉంది)లో జన్మించారు. తండ్రి కాంప్‌బెల్‌ క్లే గ్రాంట్‌ రాస్‌ బ్రిటిష్‌ ఇండియన్‌ ఆర్మీలో జనరల్‌గా పని చేసేవారు.
ఎనిమిదేళ్ల వయసులో విద్యాభ్యాసం కోసం ఇంగ్లండ్‌ వెళ్లిన రొనాల్డ్‌ అక్కడ రైడ్‌ ప్రాథమిక పాఠశాలలో చదివారు. మాధ్యమిక విద్య కోసం 1869లో సౌతాంప్టన్‌లోని స్ప్రింగ్‌హిల్‌ బోర్డింగ్‌ స్కూల్‌లో చేరారు.
చిన్నతనంలో రొనాల్డ్‌కి రచయిత కావాలని ఉండేది. అయితే తండ్రి కోరిక మేరకు వైద్య విద్యను అభ్యసించాల్సి వచ్చింది. ఇందుకోసం 1874లో లండన్‌లోని సెయింట్‌ బార్తోలోమ్యూస్‌ హాస్పిటల్‌ మెడికల్‌ కాలేజీలో (St Bartholomew's Hospital Medical College) చేరారు. అయిష్టంగానే మెడిసిన్‌లో చేరినప్పటికీ రానురాను దానిపై ఆసక్తి పెంచుకున్నారు. శరీర నిర్మాణశాస్త్రం (anatomy) కంటే శరీరధర్మశాస్త్రం (physiology), కణజాల శాస్త్రం (histology) శాస్త్రీయమైనవని ఆయన విశ్వసించారు. వాటిపైనే ఎక్కువగా దృష్టిసారించారు. అందులో భాగంగా ప్రాక్టికల్‌ మెడిసిన్, పారాసైటాలజీ (పరాన్నజీవిశాస్త్రం) గురించి అధ్యయనం చేయాలని భావించారు.
మలేరియాపై రొనాల్డ్‌ చేసిన కృషికి గుర్తుగా 1926లో లండన్‌లో రాస్‌ ఇన్‌స్టిట్యూట్‌ అండ్‌ హాస్పిటల్‌ ఫర్‌ ట్రాపికల్‌ డిసీజెస్‌ ఏర్పాటైంది. దీనికి ఆయన డైరెక్టర్‌ ఇన్‌ చీఫ్‌గా పనిచేశారు. రొనాల్డ్‌ మరణానంతరం 1934లో ఈ సంస్థ లండన్‌ స్కూల్‌ ఆఫ్‌ హైజీన్‌ అండ్‌ ట్రాపికల్‌ మెడిసిన్‌ (ఎల్‌ఎస్‌హెచ్‌టీఎం)లో విలీనమైంది.

మలేరియాపై రొనాల్డ్‌ రాస్‌ పరిశోధనలు సాగిన తీరు, ఆయన పొందిన అవార్డులు - గౌరవాలు, గత పోటీ పరీక్షల్లో ఈ టాపిక్‌ నుంచి అడిగిన ప్రశ్నలు - జవాబులతో రూపొందించిన ఈబుక్‌తో పాటు జనరల్‌ నాలెడ్జ్‌కి సంబంధించి పోటీపరీక్షల్లో వచ్చే జీకే, మంత్లీ కరెంట్‌ అఫైర్స్‌ ఈబుక్స్, ప్రాక్టీస్‌ టెస్ట్స్‌ ఈనాడు ఈప్రతిభ వెబ్‌సైట్‌లో ‘జనరల్‌ నాలెడ్జ్‌ & కరెంట్‌ అఫైర్స్‌ కోర్సు’లో అందుబాటులో ఉన్నాయి. వివరాల కోసం లింక్ పై క్లిక్ చేయండి.https://hov.to/69b00978

గత పరీక్షల్లో అడిగిన ప్రశ్నలు

1. దోమలు మలేరియాను వ్యాప్తి చేస్తాయని కనుక్కుంది?

1) సర్‌ రొనాల్డ్‌ రాస్‌ 2) సర్‌ ఐజాక్‌ న్యూటన్‌

3) మైఖేల్‌ ఎస్‌ బ్రౌన్‌ 4) హోమీ భాభా

సమాధానం: 1

2. మలేరియా పరాన్నజీవిని మొదటిసారి కనుక్కుంది?

(ఎస్‌ఎస్‌సీ సీజీఎల్, 2017),(ఎంపీ పోలీస్‌ కానిస్టేబుల్, 2022)

1) క్రిస్టియన్‌ బెర్నార్డ్‌ 2) చార్లెస్‌ లావిరన్‌

3) డిమిత్రీ ఇవనోస్కీ 4) మార్టినస్‌ విలియం

సమాధానం: 2

3. In December 1902, Ronald Ross got the highest award in the field of medicine, the 'Nobel Prize'. His discovery was related to which disease?
(KVS PRT, 2023)
1) Chicken Pox 2) Plague
3) Malaria 4) Cholera
Ans: 3
4. The scientist who discovered that female Anopheles mosquito is the carrier of malarial parasite
(APTET, 2018)
1) Dr. Ronald Ross 2) Louis Pasteur
3) Dr. Edward Jenner 4) J. C. Bose
Ans: 1
5. Who discovered the parasite of Malaria?
(CTET, 2023)
1) Dr. Ronald Ross 2) Dr. Beaumont
3) Dr. Hargobind Khurana 4) Dr. Sarabhai
Ans: 1