నార్మన్‌ బోర్లాగ్‌

ఈయన అమెరికాకు చెందిన ప్రఖ్యాత వ్యవసాయ శాస్త్రవేత్త, వృక్ష వ్యాధి నిపుణుడు

ఈయన అమెరికాకు చెందిన ప్రఖ్యాత వ్యవసాయ శాస్త్రవేత్త, వృక్ష వ్యాధి నిపుణుడు (plant pathologist). ప్రపంచ ఆకలి సమస్యను తీర్చడంలో భాగంగా అధిక దిగుబడి ఇచ్చే వ్యవసాయ వంగడాల రూపకల్పన, అభివృద్ధిలో ముఖ్యభూమిక పోషించారు. ఫలితంగా హరిత విప్లవం అనే భావనకు నాంది పలికారు. ప్రపంచానికి అధిక ఆహారాన్ని అందించేందుకు ఆయన చేసిన కృషికి నోబెల్‌ శాంతి బహుమతి అందుకున్నారు. ప్రస్తుత వ్యవసాయ రంగంలో పొందుతోన్న అధిక ఉత్పాదకతకు బోర్లాగ్‌ పరిశోధనలే కారణం. ప్రపంచ హరిత విప్లవ పితామహుడిగా పేరొందిన నార్మన్‌ బోర్లాగ్‌ వర్ధంతి సెప్టెంబరు 12న. ఈ సందర్భంగా పోటీపరీక్షల కోణంలో ఆయన జీవితంలోని ముఖ్య విశేషాలు తెలుసుకుందాం!

• నార్మన్‌ బోర్లాగ్‌ 1914, మార్చి 25న అమెరికాలోని అయోవా రాష్ట్రంలో ఉన్న సౌడే (Saude) ప్రాంతంలో జన్మించారు. అవిసె మొక్కల వేర్లపై దాడి చేసి, నీటి ప్రసరణను అడ్డుకునే ‘ఫ్లాక్స్‌ విల్ట్‌’ శిలీంధ్ర వ్యాధి కారకాన్ని గుర్తించారు. అది ఫ్యూసేరియం ఆక్సిస్పోరమ్‌ ఎఫ్‌.ఎస్‌.పి.లిని (Fusarium oxysporum f.sp. lini) అనే శిలీంధ్రం ద్వారా వస్తుందని కనిపెట్టారు.
• 1942లో విల్మింగ్టన్‌లోని డ్యూపాంట్‌లో మైక్రోబయాలజిస్ట్‌గా చేరిన బోర్లాగ్‌ అక్కడ పారిశ్రామిక, వ్యవసాయ బ్యాక్టీరియోసైడ్లు, శిలీంధ్రాలు, ప్రిజర్వేటివ్స్‌పై పరిశోధనలు చేశారు. మెక్సికోలోని రాక్‌ఫెల్లర్‌ ఫౌండేషన్‌కి చెందిన సహకార వ్యవసాయ కార్యక్రమంలో రిసెర్చ్‌ సైంటిస్ట్‌గా పని చేస్తున్న సమయంలో గోధుమ వంగడాలపై పరిశోధనలు చేశారు. తెగుళ్లను తట్టుకుని, అధిక దిగుబడి ఇచ్చే మొక్కల సృష్టికి ప్రాధాన్యం ఇచ్చారు.  
• 1960-63 వరకు ఇంటర్‌ అమెరికన్‌ ఫుడ్‌ క్రాప్‌ ప్రోగ్రాం డైరెక్టర్‌గా వ్యవహరించారు. లాటిన్‌ అమెరికా అంతటా అధిక దిగుబడి ఇచ్చే వ్యవసాయ పరిశోధనలకు నాయకత్వం వహించారు. 1964లో మెక్సికోలో కొత్తగా ఏర్పాటు చేసిన అంతర్జాతీయ మొక్కజొన్న, గోధుమల అభివృద్ధి కేంద్రం (International Maize and Wheat Improvement Center)లో గోధుమ పరిశోధన, ఉత్పత్తి కార్యక్రమానికి డైరెక్టర్‌గా పనిచేశారు.
• గోధుమ తుప్పు తెగులు (wheat rusts) అని పిలిచే శిలీంధ్ర వ్యాధుల నుంచి గోధుమ పంటను రక్షించడానికి ఆయన 2005లో బోర్లాగ్‌ గ్లోబల్‌ రస్ట్‌ ఇనీషియేటివ్‌ అనే అంతర్జాతీయ సంస్థను నెలకొల్పారు. 2008లో బిల్‌ అండ్‌ మిలిందా గేట్స్‌ ఫౌండేషన్‌ నుంచి దీనికి భారీ మద్దతు లభించింది. అదే ఏడాది ఆయన ‘డ్యూరబుల్‌ రస్ట్‌ రెసిస్టెన్స్‌ వీట్‌’ ప్రాజెక్టును ప్రారంభించారు.
• బోర్లాగ్‌ బహుముఖ ప్రజ్ఞాశాలి. వ్యవసాయం, ఆహార ఉత్పత్తికి చేసిన కృషికి గానూ నోబెల్‌ బహుమతి అందుకున్న ఏకైక వ్యక్తి నార్మన్‌ బోర్లాగ్‌. మన దేశంలో హరిత విప్లవానికి కూడా ఆయన సూచనలు చోదక శక్తిగా నిలిచాయి. 1986లో వరల్డ్‌ ఫుడ్‌ ప్రైజ్‌ను ఏర్పాటు చేయడంలోనూ ఆయన కృషి చేశారు. నార్మన్‌ బోర్లాగ్‌ 2009, సెప్టెంబరు 12న అమెరికాలోని టెక్సాస్‌లో మరణించారు. 

గత పరీక్షల్లో అడిగిన ప్రశ్నలు

1. నార్మన్‌ బోర్లాగ్‌కు కింది ఏ రంగంలో నోబెల్‌ బహుమతి లభించింది?

(యూపీఎస్సీ సివిల్‌ సర్వీసెస్, 2018)

1) వ్యవసాయం     2) అర్థశాస్త్రం

3) వైద్యం         4) శాంతి

సమాధానం: 4

2. ట్రిటికేల్‌ వంగడం కింది వేటి సంకరణం?

(అలహాబాద్‌ హైకోర్టు ఆర్‌ఓ, 2021)

1) గోధుమ, వరి     2) గోధుమ, మొక్కజొన్న

3) వరి, జొన్న       4) గోధుమ, రై

సమాధానం: 4

3. ప్రపంచ హరిత విప్లవ పితామహుడిగా కింది ఎవర్ని పేర్కొంటారు?

(ఎస్‌ఎస్‌సీ జీడీ, 2021)

1) నార్మన్‌ బోర్లాగ్‌                 2) వి కురియన్‌

3) ఎంఎస్‌ స్వామినాథన్‌             4) ఎవరూకాదు

సమాధానం: 1

4. నార్మన్‌ బోర్లాగ్‌ కింది ఏ దేశానికి చెందినవారు?

(ఎస్‌ఎస్‌సీ సీఎస్‌/ ఐటీ, 2022)

1) అమెరికా         2) ఫ్రాన్స్‌        3) జర్మనీ       4) పోలండ్‌

సమాధానం: 1

5. The Norman Borlaug National Excellence Award is given for excellence in which research field?
(RRB Group D, 2022)
1) Agricultural Sciences        2) Physical Sciences
3) Chemical Sciences        4) Energy Sciences
Ans: 1
6. Which seed scientist's work laid the foundation of the Green Revolution globally?
(IB ACIO Grade-II (Executive), 2025)
1) GK Chadha        2) Norman Borlaug
3) MS Swaminathan    4) V Kurien
Ans: 2
7. Norman Ernest Borlaug was awarded the _____ in 1970 for his contributions to the green revolution.  
(SSC CHSL, Tier-I, 2024)
1) Nobel Prize in Chemistry    2) Nobel Prize in Physiology 
3) Nobel Prize in Physics        4) Nobel Peace Prize
Ans: 4
8. Who is known as the father of the green revolution in the world? 
(SSC CGL Tier-I, 2023)
1) Ralph Bunche         2) Linus Pauling 
3) MS Swaminathan     4) Norman Borlaug 
Ans: 4 

Link copied to clipboard!