ఆల్బర్ట్ ఐన్‌స్టీన్

శకుంతలా దేవి

ఈమె ప్రముఖ గణిత, ఖగోళ, జ్యోతిష శాస్త్రవేత్త. క్లిష్టమైన గణిత గణనలకు అతివేగంగా సమాధానాలు చెప్పడంలో దిట్ట


ఈమె ప్రముఖ గణిత, ఖగోళ, జ్యోతిష శాస్త్రవేత్త. క్లిష్టమైన గణిత గణనలకు అతివేగంగా సమాధానాలు చెప్పడంలో దిట్ట. ఈమె ప్రపంచవ్యాప్తంగా అనేక గణిత అవధానాలు నిర్వహించారు. కంప్యూటర్‌ కంటే ముందుగా అంకెలు గుణించి గిన్నిస్‌ బుక్‌లో చోటు సంపాదించారు. ఆమెకు చదువు లేకున్నా, తనకున్న అంకగణిత నైపుణ్యాలతో విద్యార్థులకు సంఖ్యా గణనలను సరళీకృతం చేయడానికి కృషిచేశారు. హ్యూమన్‌ కంప్యూటర్‌గా పేరొందిన శకుంతల నవంబరు 4న జన్మించారు. ఈ సందర్భంగా పోటీ పరీక్షల కోణంలో ఆమె జీవితంలోని ముఖ్య సంఘటనలు తెలుసుకుందాం..!          

  • శకుంతలా దేవి 1929, నవంబరు 4న బెంగళూరులో జన్మించారు. తండ్రి సి.వి.సుందరరాజ రావు సర్కస్‌లో పనిచేసేవారు. శకుంతలకు మూడేళ్లున్నప్పుడు తండ్రి పేక ముక్కల్లో ట్రిక్స్‌ నేర్పించారు. ఆ సమయంలో ఆమె అసాధారణ రీతిలో సంఖ్యలను గుర్తుంచుకోవడం, క్లిష్టమైన గణనను మానసికంగా చేయడంలో అద్భుతమైన సామర్థ్యాన్ని ప్రదర్శించడం ఆయన గమనించారు. అప్పటి నుంచి ఆయన ఆమెతో గణిత ప్రదర్శనలు ఇప్పించడం ప్రారంభించారు.
  • ఆరేళ్ల వయసులో శకుంతల యూనివర్సిటీ ఆఫ్‌ మైసూర్‌లో గణిత ప్రదర్శన ఇచ్చారు. కాలిక్యులేటర్లు, పెన్ను - పేపర్‌పై ఆధారపడకుండా సంకిష్టమైన గణిత సమస్యలను ఆమె పరిష్కరించారు. దీంతో ఆమె పేరు దేశవ్యాప్తంగా మారుమోగింది. సంప్రదాయ విద్యను అభ్యసించకుండానే చిన్నతనం నుంచే తన అంకగణిత ప్రతిభను దేశవిదేశాల్లో చాటారు. 1936లో ఆమె తమిళనాడులోని అన్నామలై యూనివర్సిటీలో ప్రదర్శన ఇచ్చి, బాల మేధావిగా పేరొందారు.
  • 1944లో గణిత ప్రదర్శనలు ఇచ్చేందుకు ఆమె తండ్రితో కలిసి లండన్‌ వెళ్లారు. 1950 నాటికి  ఆమె యూరప్‌ అంతటా ప్రదర్శనలు ఇచ్చారు. ఆమె ప్రతిభ ప్రపంచవ్యాప్తంగా తెలిసింది. 1977లో టెక్సాస్‌ సదరన్‌ మెథడిస్ట్‌ యూనివర్సిటీలో 201 అంకెలున్న సంఖ్యకు 23వ వర్గమూలాన్ని చకచకా చెప్పేశారు. కేవలం 50 సెకన్లలో ఆమె దీన్ని పూర్తి చేశారు. ఇది చేసేందుకు కంప్యూటర్‌కు 60 సెకన్ల సమయం పట్టింది.
  • 1980, జూన్‌ 18న లండన్‌లోని ఇంపీరియల్‌ కాలేజీలో ఇచ్చిన ప్రదర్శన శకుంతల జీవితానికి మైలురాయి. అప్పటికప్పుడు కంప్యూటర్‌ ఇచ్చిన రెండు 13 అంకెల సంఖ్యలను గణించి కేవలం 28 సెకన్లలో సమాధానం ఇచ్చారు. దీంతో ఆమె పేరు గిన్నిస్‌ బుక్‌ ఆఫ్‌ వరల్డ్‌ రికార్డ్స్‌లోకి ఎక్కింది. ఈ ఘనతను ఫాస్టెస్ట్‌ హ్యూమన్‌ కంప్యూటేషన్‌ అనే పేరుతో గుర్తించారు. ఇప్పటికీ ఆ రికార్డు అలాగే ఉంది.
  • శకుంతల మ్యాథ్స్‌ అంటే భయాన్ని పోగొట్టేలా అనేక రచనలు చేశారు. గణితవేత్త అయిన ఆమె జ్యోతిషశాస్త్రంలోనూ ప్రావీణ్యం పొందారు. అపారమైన వేగంతో కచ్చితత్వంతో లెక్కించడం ఆమె ప్రత్యేకత. అసాధారణ నైపుణ్యాలు, మేధస్సుతో ఆమె ప్రపంచవ్యాప్తంగా ఎందరో గణిత అభ్యాసకులకు స్ఫూర్తినిచ్చారు. భారతదేశ మేధో, శాస్త్రీయ వారసత్వానికి కృషి చేసిన శకుంతల 2013 ఏప్రిల్‌ 21న బెంగళూరులో మరణించారు.

శకుంతల రచనలు, అందుకున్న పురస్కారాలు - గౌరవాలు, ఇతర విశేషాలతోపాటు గతంలో పలు పోటీపరీక్షల్లో ఈ అంశంపై అడిగిన ప్రశ్నలు - జవాబులతో రూపొందించిన ఈబుక్‌ కోసం ‘ఈనాడు ఈప్రతిభ జనరల్‌ నాలెడ్జ్‌ & కరెంట్‌ అఫైర్స్‌ కాంబో కోర్సు’కి సబ్‌స్క్రైబ్‌ చేసుకోండి! వివరాల కోసం లింక్ పై క్లిక్ చేయండి. https://hov.to/69b00978

గత పరీక్షల్లో అడిగిన ప్రశ్నలు

1. శకుంతలా దేవి ఒక భారతీయ...

(ఓఎస్‌ఎస్‌ఎస్‌సీ ఎల్‌ఎస్‌ఐ, ఫారెస్టర్‌ అండ్‌ ఫారెస్ట్‌ గార్డ్, 2024)

1) వైద్యురాలు                      2) భౌతిక శాస్త్రవేత్త

3) ఖగోళ శాస్త్రవేత్త                   4) గణిత శాస్త్రవేత్త

సమాధానం: 4

2. శకుంతలాదేవి ఎప్పుడు జన్మించారు?

(ఎస్‌ఎస్‌సీ సీజీఎల్‌ టైర్‌-1, 2023)

1) 1929, అక్టోబరు 4                2) 1929, సెప్టెంబరు 3

3) 1929, నవంబరు 4                4) 1929, డిసెంబరు 14

సమాధానం: 3

3. గణనలో కంప్యూటర్‌ను ఓడించిన మొదటి భారతీయురాలు ఎవరు?

(ఎయిమ్స్‌ ఎన్‌ఓఆర్‌సీఈటీ - ప్రిలిమ్స్, 2024)

1) శకుంతలా దేవి                      2) సి.వి.రామన్‌

3) రామానుజన్‌                        4) హోమీ జె.భాభా

సమాధానం: 1

4. 2020, జులై 30న గిన్నిస్‌ వరల్డ్‌ రికార్డ్స్‌ నుంచి ‘అత్యంత వేగవంతమైన మానవ గణన (ఫాస్టెస్ట్‌ హ్యూమన్‌ కంప్యూటేషన్‌) రికార్డుతో సత్కారం పొందిన వ్యక్తి ఎవరు?

(ఎస్‌ఎస్‌సీ సీహెచ్‌ఎస్‌ఎల్, 2021)

1) శకుంతలా దేవి                2) వశిష్ఠ నారాయణ్‌ సింగ్‌

3) శ్రీరామ్‌ శంకర్‌ అభ్యంకర్‌            4) విజయ్‌ కుమార్‌ పటోడి

సమాధానం: 1

5. Who among the following played the role of Shakuntala Devi in the biopic movie based on the life of the famous mathematician?
(CDS GK, 2020)
1) Madhuri Dixit        2) Rani Mukherjee        3) Tabu        4) Vidya Balan
Ans: 4
6. In July 2020, who among the following was honoured by the Guinness World Records as the 'Fastest Human Computer', having achieved the feat four decades ago?
(Delhi Police Constable, 2020)
1) Rajshree Sahu        2) Uma Chakraborty
3) Kusum Kumari        4) Shakuntala Devi
Ans: 4
7. Which of the following does not belong to the given group?
(RRC Group D, 2018)
1) C V Raman                2) Shakuntala Devi
3) Satyendra Nath Bose            4) Sudha Chandran
Ans: 4
8. Which of the following books did Shakuntala Devi write to spark children's interest and remove fear surrounding numbers?
(Telangana High Court Record Assistant, 2025)
1) In the Wonderland of Numbers
2) The Calculus Companion for Kids
3) Alice’s Adventures in Arithmetic
4) The Number Devil's Handbook
Ans: 1


Copyright © 2026 Ushodaya Enterprises Pvt Ltd All Rights Reserved

  • Facebook
  • Twitter
  • YouTube
  • Instagram
  • Telegram