ఆల్బర్ట్ ఐన్‌స్టీన్

మేరీ క్యూరీ

మేరీ క్యూరీ సుప్రసిద్ధ భౌతిక, రసాయన శాస్త్రవేత్త. ఈమెను మేడం క్యూరీ అని కూడా పిలుస్తారు. రేడియోధార్మికతపై ఆమె చేసిన పరిశోధనలు ఎంతోమందికి మార్గదర్శకంగా నిలిచాయి.


మేరీ క్యూరీ సుప్రసిద్ధ భౌతిక, రసాయన శాస్త్రవేత్త. ఈమెను మేడం క్యూరీ అని కూడా పిలుస్తారు. రేడియోధార్మికతపై ఆమె చేసిన పరిశోధనలు ఎంతోమందికి మార్గదర్శకంగా నిలిచాయి. ప్రస్తుతం దీన్ని అనేక రంగాల్లో వినియోగిస్తున్నారు. ముఖ్యంగా క్యాన్సర్‌ చికిత్సలో ఇది కీలకంగా ఉంది. క్యూరీ రేడియం, పొలోనియం అనే మూలకాలను కనుక్కున్నారు. ఈమె భౌతిక, రసాయన శాస్త్రాల్లో నోబెల్‌ బహుమతి పొందారు. నోబెల్‌ పొందిన మొదటి మహిళగా, రెండు వేర్వేరు శాస్త్రాల్లో ఈ పురస్కారం అందుకున్న తొలి వ్యక్తిగా కీర్తి గడించారు. ఈమె ఒక్కరే కాదు, భర్త పియరీ క్యూరీ, కూతురు ఇరీన్‌ జోలియట్‌ క్యూరీ, అల్లుడు ఫ్రెడరిక్‌ జోలియట్‌ క్యూరీ కూడా సైన్స్‌ విభాగంలో నోబెల్‌ పొందారు. పోటీ పరీక్షల కోణంలో మేరీ క్యూరీ జీవితంలోని ముఖ్య విషయాలను తెలుసుకుందాం..!

  • మేరీ క్యూరీ 1867, నవంబరు 7న పోలండ్‌లోని వార్సాలో జన్మించారు. 1891లో ఫెలోషిప్‌ సాయంతో పారిస్‌లోని సోర్బోన్‌ విశ్వవిద్యాలయంలో చదివేందుకు ఫ్రాన్స్‌ వెళ్లారు. 1894లో ఆమె పియరీ క్యూరీని కలుసుకున్నారు. అప్పటికే ఆయన క్రిస్టలోగ్రఫీ, అయస్కాంతత్వంపై పరిశోధనలు చేసి పేరు గడించారు. వారిద్దరూ పారిస్‌లోని స్కూల్‌ ఆఫ్‌ కెమిస్ట్రీ అండ్‌ ఫిజిక్స్‌లో అనేక పరిశోధనలు చేశారు.  
  • 1896లో హెన్రీ బెక్వెరెల్‌ యురేనియం కిరణాలను కనుక్కున్నారు. దీని నుంచి ప్రేరణ పొందిన మేరీ ఆ కిరణాలను విశ్లేషించడం ప్రారంభించారు. 1897లో యురేనియం కిరణాలను కొలవడంపై ఆమె ప్రయోగాలు చేశారు. రేడియేషన్‌ అనేది ఒక రసాయన చర్య కాదని, ఆ మూలక పరమాణు ధర్మమని ప్రకటించారు. బెక్వెరెల్‌ యురేనియం కిరణాలను కనుక్కున్నా రేడియోధార్మికతను అణు లక్షణంగా గుర్తించింది మాత్రం క్యూరీనే.
  • మేరీ క్యూరీ తన భర్తతో కలిసి 1898లో ‘రేడియోధార్మికత’పై విస్తృత ప్రయోగాలు చేశారు. ఆ సమయంలో స్వచ్ఛమైన యురేనియం కంటే పిచ్‌బ్లెండ్‌ చాలా ఎక్కువ రేడియోధార్మికతను కలిగి ఉందని ఆమె గుర్తించారు. ఎక్కువ మొత్తంలో ముడి పిచ్‌బ్లెండ్‌ను వివిధ రసాయన విభజనల ద్వారా శుద్ధి చేసి, రెండు రేడియోధార్మిక మూలకాలను కనుక్కున్నారు. అవే: పొలోనియం, రేడియం.  
  • 1903లో క్యూరీ దంపతులు రేడియేషన్‌ వైద్యపరమైన లక్షణాలపై దృష్టి సారించారు. రేడియం కిరణాలు ఆరోగ్యకరమైన కణాల కంటే వ్యాధిగ్రస్తమైన కణితి కణాలను వేగంగా నాశనం చేస్తాయని నిరూపించడం ద్వారా క్యాన్సర్‌ రేడియోథెరపీకి పునాది వేశారు. మేరీ 1906లో విద్యుద్విశ్లేషణ (electrolysis) ప్రక్రియ ద్వారా స్వచ్ఛమైన రేడియం లోహాన్ని వేరు చేశారు.  
  • ఆర్థిక ఇబ్బందులతో కళాశాల విద్యకు దూరమైనా చదువును కొనసాగించాలనే లక్ష్యంతో ముందుకు సాగిన మేరీ క్యూరీ తన ప్రతిభ, పట్టుదలతో అందరితో ‘మేడం’ క్యూరీగా ప్రశంసలందుకున్నారు. తాను చేస్తోన్న ప్రయోగాల కారణంగా ఆరోగ్య సమస్యలు ఎదురైనా లెక్క చేయక, వాటిని సమర్థవంతంగా ఎదుర్కొన్నారు. రేడియోధార్మిక కిరణాల కారణంగా ఆమె శరీరం అనేక ప్రభావాలకు గురైంది. దీంతో లుకేమియాకు గురై 1934, జులై 4న ఫ్రాన్స్‌లో మరణించారు.
మేడం క్యూరీ ఇతర పరిశోధనలు, ముఖ్య రచనలు, ఆమె పొందిన పురస్కారాలు - గౌరవాలతోపాటు గతంలో ఆర్‌ఆర్‌బీ, ఎస్‌ఎస్‌సీ, యూజీసీ నెట్‌ తదితర పోటీపరీక్షల్లో ఈ అంశంపై అడిగిన ప్రశ్నలు - జవాబులతో రూపొందించిన ఈబుక్‌ కోసం ‘ఈనాడు ఈప్రతిభ జనరల్‌ నాలెడ్జ్‌ & కరెంట్‌ అఫైర్స్‌ కాంబో కోర్సు’కి సబ్‌స్క్రైబ్‌ చేసుకోండి. ఇప్పుడు దసరా పండుగ సందర్భంగా ప్రత్యేక ఆఫర్‌ మీ కోసం..! వివరాల కోసం లింక్ పై క్లిక్ చేయండి. https://hov.to/69b00978

గత పరీక్షల్లో అడిగిన ప్రశ్నలు

1. మేరీ క్యూరీ కింది ఏ విభాగాల్లో నోబెల్‌ బహుమతి గెలుచుకున్నారు? (ఆర్‌ఆర్‌బీ ఎన్‌టీపీసీ, 2021)

1) భౌతికశాస్త్రం, ఖగోళశాస్త్రం            2) భౌతికశాస్త్రం, వాతావరణశాస్త్రం

3) రసాయనశాస్త్రం, జీవశాస్త్రం            4) భౌతికశాస్త్రం, రసాయనశాస్త్రం

సమాధానం: 4

2. మేడం క్యూరీ కింది దేన్ని కనుక్కున్నారు? (యూజీసీ నెట్, 2025)

1) అనేక లోహాలు            2) రేడియం

3) అణువు                 4) పరమాణువు

సమాధానం: 2

3. మేడం క్యూరీకి కింది ఏ సంవత్సరాల్లో రెండుసార్లు నోబెల్‌ బహుమతి లభించింది? (కర్ణాటక పోలీస్‌ కానిస్టేబుల్, 2016)

1) 1900, 1934             2) 1867, 1934

3) 1903, 1911             4) 1900, 1911

సమాధానం: 3

4. మేరీ క్యూరీ కింది ఏ విద్యా విభాగంలో డాక్టరేట్‌ పొందారు? (ఎస్‌ఎస్‌సీ సీజీఎల్‌ టైర్‌ 2, 2016)

1) వైద్యశాస్త్రం             2) క్యాన్సర్‌ అధ్యయనం

3) రేడియేషన్‌ కెమిస్ట్రీ        4) భౌతికశాస్త్రం

సమాధానం: 4

5. Which element was isolated by Marie Curie in 1898 by extracting the remaining radioactive components of pitchblende after removing Uranium?
(SSC GD Constable, 2025)

1) Cesium                2) Thorium

3) Strontium              4) Polonium

Ans: 4

6. The radioactive elements radium and polonium were discovered by:
(RPF Constable, 2024)

1) John Dalton            2) Irene Joliot-Curie

3) Marie Curie            4) Avogadro

Ans: 3

7. How did Marie Curie die?
(RRB Technician Grade III, 2024)

1) By science                        2) Suicide

3) Fatal illness due to radium exposure        4) Natural illness

Ans: 3

8. Which of the following physicists is renowned for their groundbreaking research on natural radioactivity?
(RPF Constable, 2024 )

1) Niels Bohr        2) JJ Thomson

3) Marie Curie        4) Enrico Fermi

Ans: 3 


Copyright © 2026 Ushodaya Enterprises Pvt Ltd All Rights Reserved

  • Facebook
  • Twitter
  • YouTube
  • Instagram
  • Telegram