భారత్‌ని సందర్శించిన విదేశీ యాత్రికులు/ రాయబారులు (పార్ట్‌-2) 

భారత్‌ని సందర్శించిన విదేశీ యాత్రికులు/ రాయబారులు (పార్ట్‌-2) 

భారతదేశ ప్రాచీన నాగరికతలు, విశాల భౌగోళిక స్వరూపం, సాంస్కృతిక వైవిధ్యం ప్రపంచవ్యాప్తంగా అనేకమంది యాత్రికులను ఆకర్షించాయి. వారు ఇక్కడి గొప్ప చరిత్ర, సంస్కృతిపై లోతైన అవగాహన అందించే అమూల్యమైన రాతప్రతులను అందించారు. ఇవి భారతదేశ చరిత్ర పునర్నిర్మాణానికి అత్యంత కీలకమైన సాహిత్య ఆధారాల్లో ఒకటిగా ఉన్నాయి. దేశీయ గ్రంథాలు మతపరమైన లేదా సాహిత్యపరమైన ఇతివృత్తాలపై దృష్టిసారించగా, యాత్రికుల రచనలు నాటి పరిపాలన, ఆర్థిక వ్యవస్థ, సమాజం, సంస్కృతిపై ప్రత్యక్ష దృక్పథాలను అందించాయి. పార్ట్‌ - 1లో యాత్రికులు, రాయబారుల సందర్శనకు కారణాలు, వర్గీకరణ, ప్రాచీన కాలంలో మన దేశాన్ని సందర్శించిన విదేశీ యాత్రికుల గురించి తెలుసుకున్నాం. ఈ భాగంలో మధ్యయుగ; తొలి ఆధునిక/ వలస కాలం నాటి విదేశీ యాత్రికుల వివరాలు చూద్దాం. 

మధ్యయుగ విదేశీ యాత్రికులు
 
అల్‌-మసూదీ
 
ఇరాక్‌లోని బాగ్దాద్‌లో జన్మించిన ఈయన ప్రతిహార వంశ రాజైన ఒకటో మహిపాల పాలనా కాలంలో క్రీ.శ.915లో భారత్‌కి వచ్చారు. భారతదేశ సామాజిక, సాంస్కృతిక పరిస్థితుల అధ్యయనం; భౌగోళిక అన్వేషణ, చారిత్రక పరిశోధనల కోసం మన దేశానికి వచ్చిన మసూదీ క్రీ.శ.957 వరకు భారత్‌లోనే ఉన్నారు. మసూదీ తన ప్రయాణాలన్నింటినీ ‘మురుజ్‌-ఉల్‌ జహాబ్‌’ (మెడోస్‌ ఆఫ్‌ గోల్డ్‌) అనే గ్రంథంలో పేర్కొన్నాడు.
 
అల్‌ బెరూని
 
ఇతడు మధ్య ఆసియా (ఉజ్బెకిస్థాన్‌)లోని ఖిజా ప్రాంతంలో జన్మించాడు. క్రీ.శ. 11వ శతాబ్దంలో గజనీ మహమూద్‌తో కలసి భారతదేశానికి వచ్చాడు. ఇక్కడి సంస్కృతి - సంప్రదాయాలపై ఆసక్తితో సంస్కృతం, భారతీయ తత్వశాస్త్రం, సామాజిక-ఆర్థిక స్థితిని నేర్చుకున్నాడు. క్రీ.శ.1017 నుంచి 1030 మధ్యకాలంలో భారత్‌లో ఉండి, తన పరిశీలన ఆధారంగా కితాబ్‌-ఉల్‌-హింద్‌/ తహ్కిక్‌-ఇ-హింద్‌ అనే గ్రంథాన్ని రాశాడు.  
 
ఇబన్‌ బటూటా 
 
పూర్తి పేరు ‘ముహమ్మద్‌ ఇబన్‌ బటూటా’. మొరాకోలోని టాంగీర్స్‌కు చెందిన ఇతడు క్రీ.శ. 1333లో ఆఫ్గనిస్థాన్‌లోని హిందూకుష్‌ పర్వతాలు, సింధూ నది ద్వారా భారత్‌కి వచ్చాడు. తుగ్లక్‌ వంశానికి చెందిన మహ్మద్‌ బిన్‌ తుగ్లక్‌ ఆస్థానంలో ఖాజీ (న్యాయమూర్తి)గా ఆరేళ్లు పనిచేశాడు. ఇతడు తన ప్రయాణ విశేషాలన్నింటినీ ‘రిహ్లా’ అనే గ్రంథంలో పొందుపరిచాడు. దీన్నే ‘రిహ్లా - ది ట్రావెల్స్‌’ అని కూడా పిలుస్తారు.  
 
మార్కో పోలో 
 
ఇటలీలోని వెనిస్‌కి చెందిన ఇతడు మంగోల్‌ రాజైన కుబ్లాయ్‌ ఖాన్‌ రాయబారి హోదాలో బర్మా, భారత్, ఇండోనేసియా, శ్రీలంక, వియత్నాం మొదలైన దేశాల్లో పర్యటించాడు. పోలో క్రీ.శ. 1292లో భారతదేశంలోని కోరమండల్‌ తీరానికి చేరుకున్నాడు. కాకతీయ వంశానికి చెందిన రుద్రమదేవి హయాంలో దక్షిణ భారతదేశాన్ని సందర్శించాడు. ఇతడు తన ప్రయాణాల గురించి ‘ద ట్రావెల్స్‌ ఆఫ్‌ మార్కో పోలో’ గ్రంథంలో వివరించారు.
 
తొలి ఆధునిక/ వలస కాలంనాటి విదేశీ యాత్రికులు
 
నికోలో డీ కాంటి  
 
ఈయన ఇటలీలోని వెనిస్‌కు చెందిన వ్యాపారి, యాత్రికుడు. సంగం వంశ రాజైన మొదటి దేవరాయల కాలంలో క్రీ.శ.1420లో భారతదేశానికి వచ్చారు. నికోలో మన దేశంలో సందర్శించిన మొదటి నగరం గుజరాత్‌లోని కాంబే. అక్కడి నుంచి తుంగభద్ర నది ఒడ్డున ఉన్న విజయనగరం చేరుకున్నారు. తర్వాత ఆంధ్రప్రదేశ్‌లోని పెనుగొండను సందర్శించారు. ఈయన హిస్టోరియా డి వెరిటేట్‌ ఫార్చునే అనే గ్రంథం రాశారు.
 
అబ్దుల్‌ రజాక్, అథనాసియన్‌ నికిటిన్, డువార్టే బార్బోసా, డొమింగో పేస్, విలియం హాకిన్స్, ఫ్రాంకోయిస్‌ బెర్నియర్‌ల యాత్రా విశేషాలు, రచనలు తదితర ముఖ్యాంశాలతోపాటు ఈ అంశంపై గతంలో ఏపీపీఎస్సీ గ్రూప్‌-1 ప్రిలిమ్స్, ఏపీ పోలీస్‌ ఎస్‌ఐ ప్రిలిమ్స్, తెలంగాణ హైకోర్ట్‌ రికార్డ్‌ అసిస్టెంట్, తెలంగాణ పోలీస్‌ ఎస్‌ఐ మెయిన్స్, ఆర్‌ఆర్‌బీ, ఎస్‌ఎస్‌సీ, యూజీసీ నెట్‌ తదితర పోటీపరీక్షల్లో అడిగిన 145కి పైగా ప్రశ్నలు - జవాబులతో రూపొందించిన ఈబుక్‌ కోసం ‘ఈనాడు ఈప్రతిభ జనరల్‌ నాలెడ్జ్‌ & కరెంట్‌ అఫైర్స్‌ కాంబో కోర్సు’కి సబ్‌స్క్రైబ్‌ చేసుకోండి! వివరాల కోసం లింక్ పై క్లిక్ చేయండి. https://hov.to/69b00978
 
గత పరీక్షల్లో అడిగిన ప్రశ్నలు
 
1. అల్‌ బెరూని ఏ దేశానికి చెందినవారు?
 
(సీటెట్, 2012)
 
1) ఆఫ్గనిస్థాన్‌      2) బంగ్లాదేశ్‌
 
3) ఉజ్బెకిస్థాన్‌    4) ఒమన్‌
 
సమాధానం: 3
 
2. బాగ్దాద్‌కు చెందిన అల్‌ మసూదీ ఎవరి పాలనా కాలంలో భారతదేశానికి వచ్చారు?
 
(ఎస్‌ఎస్‌సీ సీహెచ్‌ఎస్‌ఎల్, 2018)
 
1) మహేంద్రపాల      2) మహిపాల
 
3) మిహిర భోజ        4) రాంభద్ర
 
సమాధానం: 2
 
3. మహమ్మద్‌ బిన్‌ తుగ్లక్‌ కాలంలో భారతదేశానికి వచ్చిన ప్రముఖ ముస్లిం యాత్రికుడు ఇబన్‌ బటూటా ఏ దేశానికి చెందిన వారు?
 
(పంజాబ్‌ సివిల్‌ సర్వీసెస్, 2018)
 
1) ఈజిప్ట్‌      2) గ్రీస్‌ 3) ఇరాన్‌      4) మొరాకో
 
సమాధానం: 4
 
4. నికోలో కాంటి కింది ఏ సంవత్సరంలో విజయనగర సామ్రాజ్యాన్ని సందర్శించాడు?
 
(ఆర్‌ఆర్‌సీ గ్రూప్‌ డి, 2018)
 
1) 1420    2) 1424    3) 1418    4) 1419
 
సమాధానం: 1
 
5. The foreign Travellar of Persia, Abdul Razzaq visited Vijayanagara empire, in the period of?
(AP Police Constable Mains, 2017)
1) Atchuta Deva Raya 2) Devaraya-II
3) Krishna Deva Raya 4) Sadasiva Raya
Ans: 2
6. According to which of the foreign visitors "Practice of Sati was in vogue in Qutub Shahi Period"?
(Telangana Police Constable Preliminary, 2015)
1) Tavernier 2) Methwold 3) Bernier 4) Thomas Bowery
Ans: 3
7. Match the following:
List - I List - II
(a) Ibn Battutah (i) Futuh-us- Salatin
(b) Al Beruni (ii) Kitab-i-Hind
(c) Ismi (iii) Tughluq Namah
(d) Amir Khusrau (iv) Tabatqt-i-Nasiri
(e) Minhaj Siraj (v) Kitab-ul-Rahle
Choose the correct answer.
(Telangana Police SI Preliminary, 2018)
1) (a) - (ii), (b) - (iii), (c) - (i), (d) - (iv), (e) - (v)
2) (a) - (i), (b) - (iv), (c) - (v), (d) - (iii), (e) - (ii)
3) (a) - (v), (b) - (ii), (c) - (i), (d) - (iii), (e) - (iv)
4) (a) - (v), (b) - (ii), (c) - (iv), (d) - (i), (e), (iii) 
Ans: 3
8. Match the following travellers with their countries of origin:
A. Al-Biruni I. Afghanistan
B. Ibn Battuta II. Turkey
C. Mahmud Wali Balkhi III. Morocco
D. Seydi Ali Reis IV. Uzbekistan
(APPSC Group 1 Prelims, 2017)
1) A - IV, B - III, C - I, D - II 2) A - III, B - IV, C - II, D - I
3) A - III, B - IV, C - I, D - II 4) A - IV, B - II, C - I, D - III
Ans: 1

Copyright © 2026 Ushodaya Enterprises Pvt Ltd All Rights Reserved

  • Facebook
  • Twitter
  • YouTube
  • Instagram
  • Telegram