ఆల్బర్ట్ ఐన్‌స్టీన్

జేమ్స్‌ హట్టన్‌

ఈయన స్కాట్లాండ్‌కు చెందిన భూవిజ్ఞాన శాస్త్రవేత్త. భూమి నిరంతరం ఏర్పడుతూనే ఉంటుందని విశ్వసించిన హట్టన్‌ క్రమక్షయ, అవక్షేపణ లాంటి ప్రక్రియలు ఇందుకు దోహదం చేస్తాయని పేర్కొన్నారు

ఈయన స్కాట్లాండ్‌కు చెందిన భూవిజ్ఞాన శాస్త్రవేత్త (geologist). భూమి నిరంతరం ఏర్పడుతూనే ఉంటుందని విశ్వసించిన హట్టన్‌ క్రమక్షయం (erosion), అవక్షేపణ sedimentation) లాంటి ప్రక్రియలు ఇందుకు దోహదం చేస్తాయని పేర్కొన్నారు. హట్టన్‌ భూవిజ్ఞానశాస్త్రంలోని ప్రాథమిక సూత్రాల్లో ఒకటైన ఏకరూపతావాదం(uniformitarianism)ను అభివృద్ధి చేశారు. ఆధునిక భూవిజ్ఞానశాస్త్ర స్థాపకుడు/ పితామహుడిగా పేరొందిన హట్టన్‌ జయంతి జూన్‌ 3న. ఈ సందర్భంగా ఆయన జీవితంలోని ముఖ్య విశేషాలు తెలుసుకుందాం..!

జేమ్స్‌ హట్టన్‌ 1726, జూన్‌ 3న స్కాట్లాండ్‌లోని ఎడిన్‌బర్గ్‌లో జన్మించారు. పాఠశాల విద్యను హైస్కూల్‌ ఆఫ్‌ ఎడిన్‌బర్గ్‌లో పూర్తి చేశారు. లాటిన్, గ్రీక్, గణితం అభ్యసించారు. 1785లో స్కాట్లాండ్‌లోని కెయిర్న్‌గార్మ్‌ పర్వతాల సందర్శనకు వెళ్లిన హట్టన్‌ స్కాటిష్‌ హైలాండ్స్‌లోని గ్లెన్‌ టిల్ట్‌లో రూపాంతర శిలలను ఛేదించుకుంటూ వెళ్తోన్న గ్రానైట్‌ సిరలను గమనించారు.
1787-88లో హట్టన్‌ ఉత్తర సముద్ర తీరం వెంట పడవ యాత్ర ప్రారంభించారు. ఆ సమయంలోనే ఆయన నార్త్‌ ఆరన్, జెడ్‌బర్గ్, ప్రసిద్ధ సిక్కర్‌ పాయింట్‌ వద్ద ఉన్న భౌగోళిక అసమానతలను నమోదు చేశారు. ఆయన ఈ పరిశోధనలన్నింటినీ 1788లో ప్రచురితమైన ‘థియరీ ఆఫ్‌ ఎర్త్‌’ గ్రంథంలో రాశారు. ఇది భూగర్భశాస్త్రానికి (geology) పునాదులు వేసింది.
జేమ్స్‌ హట్టన్‌ ఆలోచనలు భూమిని అధ్యయనం చేయడంలో ఎంతగానో తోడ్పడ్డాయి. జియాలజీని ఒక సరైన శాస్త్రంగా నిలబెట్టడంలో ఆయన కృషి ఎంతో ఉంది. ‘వర్తమానం గతానికి తాళం చెవి(The present is the key to the past)’ అని ఆయన చెప్పేవారు. భూగోళం గురించి నాటి సమాజంలో విస్తృతంగా ఉన్న మత, సామాజిక అభిప్రాయాల కారణంగా హట్టన్‌ ప్రసిద్ధికెక్కలేదు. అయితే తర్వాతి కాలంలో ఆయన పరిశోధనలే భూవిజ్ఞానశాస్త్ర అభివృద్ధికి మార్గదర్శకాలయ్యాయి.

హట్టన్‌ నిర్వహించిన ముఖ్యమైన పరిశోధనలు, అభివృద్ధి చేసిన సిద్ధాంతాలు, ఆయన పొందిన పురస్కారాలు, గత పోటీ పరీక్షల్లో అడిగిన ప్రశ్నలు - జవాబులతో రూపొందించిన ఈబుక్‌.. ఇంకా పోటీపరీక్షల్లో వచ్చే కీలక జీకే అంశాలు, మంత్లీ కరెంట్‌ అఫైర్స్‌ ఈబుక్స్, ప్రాక్టీస్‌ టెస్ట్స్‌ కోసం ‘ఈనాడు ఈప్రతిభ జనరల్‌ నాలెడ్జ్‌ & కరెంట్‌ అఫైర్స్‌ కోర్సు’కి సబ్‌స్క్రైబ్‌ చేసుకోండి.వివరాల కోసం లింక్ పై క్లిక్ చేయండి. https://hov.to/69b00978

గత పరీక్షల్లో అడిగిన ప్రశ్నలు

1. ‘వర్తమానమే గతానికి తాళం చెవి’ అనే వాక్యాన్ని పలికింది?

(యూజీసీ నెట్‌ పేపర్‌ 2: జాగ్రఫీ, 2019)

1) డబ్ల్యూ.ఎం.డేవిస్‌ 2) వాల్టర్‌ పెనిక్‌

3) జేమ్స్‌ హట్టన్‌ 4) ఎఫ్‌.వాన్‌ రిచర్డ్స్‌

సమాధానం: 3

2. భూగర్భశాస్త్ర పితామహుడు అని కింది ఎవరిని పేర్కొంటారు?

(ఎస్‌ఎస్‌సీ సీజీఎల్‌ టైర్‌ 1, 2022)

1) జాన్‌ బట్లర్‌ 2) ఆల్ఫ్రెడ్‌ వెజినర్‌

3) జేమ్స్‌ హట్టన్‌ 4) ఆర్ట్‌ స్మిత్‌

సమాధానం: 3

3. ఏకరూపకతా సిద్ధాంతాన్ని ప్రతిపాదించింది?

(యూజీసీ నెట్‌ పేపర్‌ 2: జాగ్రఫీ, 2019)

1) కాటన్‌ 2) డాట్టన్‌ 3) హట్టన్‌ 4) డాల్టన్‌

సమాధానం: 3

4. When the famous geologist James Hutton said "No vestige of a beginning, no prospect of an end"?
(SSC CHSL, 2021)
1) 1785 2) 1783 3) 1788 4) 1792
Ans: 3
5. “The present is the key to the past.” This phrase is related to the concept of :
(UGC NET Paper-2: Geography, 2018)
1) Isostasy 2) Diastrophism
3) Plate tectonics 4) Uniformatarianism
Ans: 4