భారతదేశంలోని ప్రధాన గిరిజన తెగలు - విశేషాలు (పార్ట్‌ - 2)

భారతీయ గిరిజన తెగలు తమ ప్రత్యేక సాంస్కృతిక, సామాజిక లక్షణాలకు ప్రసిద్ధి చెందాయి. ప్రతి సమూహంలో తరతరాలుగా అనుసరిస్తున్న సొంత ఆచారాలు, సంప్రదాయాలు, నమ్మకాలు, పద్ధతులు ఉంటాయి. గిరిజనులకు ఏకైక, కచ్చితమైన వర్గీకరణ వ్యవస్థ అంటూ ఏమీ ఉండదు. వీరంతా ఉమ్మడి ఆచారాలు, భాష, జీవనోపాధిని పంచుకుంటారు. సాధారణంగా వీరు భౌగోళికంగా ఏకాంతంగా ఉండే ప్రాంతాల్లో నివసిస్తారు. పార్ట్‌ - 1లో గిరిజనులు అంటే ఎవరు?, రాజ్యాంగంలో పేర్కొన్న విషయాలు, దేశంలో వారి జనాభాతోపాటు ప్రధాన గిరిజన తెగల గురించి ఉంది. ఇప్పుడు ఇతర గిరిజన సమూహాల గురించి తెలుసుకుందాం..!

బైగా 

బైగా తెగ ప్రస్తుతం పర్టిక్యులర్లీ వల్నరబుల్‌ ట్రైబల్‌ గ్రూప్స్‌ (పీవీటీజీ)గా గుర్తించిన 75 సమూహాల్లో ఒకటిగా ఉంది. వీరు భారతదేశంలో ఆవాస హక్కులు పొందిన మొదటి సమాజంగా గుర్తింపు పొందారు. వీరు ఎక్కువగా ఛత్తీస్‌గఢ్, ఝార్ఖండ్, ఒడిశా, పశ్చిమ బెంగాల్, మధ్యప్రదేశ్, ఉత్తర్‌ ప్రదేశ్‌ రాష్ట్రాల్లో ఉన్నారు. వీరు ప్రధానంగా మాట్లాడే భాష బైగాని. పచ్చబొట్టు వేయించుకోవడం వీరి సంస్కృతిలో భాగం. 

కోక్నా  

ఈ సమూహం గుజరాత్, మహారాష్ట్ర, కర్ణాటక, రాజస్థాన్, దాద్రా నగర్‌ హవేలీలో ఎక్కువగా కనిపిస్తుంది. కోక్నా ప్రజలు మాస్క్‌ల తయారీ, వెదురు - చెక్క కళాకృతులు, ఇత్తడి - రాగి నమూనాల రూపకల్పనకు ప్రసిద్ధి. వీరు సాధారణ చెక్క పాత్రలపై అందమైన కళాకృతులు రూపొందిస్తారు. ఈ తెగ ఏటా మార్చి, ఏప్రిల్‌ నెలల్లో బోహడా (Bohada) పండుగను జరుపుకుంటారు.  

మడియా 

మహారాష్ట్రలోని గడ్చిరోలి జిల్లాలో ఈ తెగ ఎక్కువగా కనిపిస్తారు. అలాగే ఛత్తీస్‌గఢ్, మహారాష్ట్ర, మధ్యప్రదేశ్, ఒడిశాలోనూ వీరు నివసిస్తున్నారు. వీరిలో బడా మడియా (దట్టమైన అడవులు, కొండల్లో నివసిస్తారు), చోటా మడియా (మైదాన ప్రాంతాల్లో ఉంటారు) అని రెండు ప్రధాన సమూహాలు ఉన్నాయి. వీరు గోండి భాషా కుటుంబానికి చెందిన మాడియా భాష మాట్లాడతారు. 

కట్కారీ 

ఈ తెగ ప్రజలు ఎక్కువగా మహారాష్ట్రలోని పుణె, రాయ్‌గఢ్, థేనే జిల్లాల్లో నివసిస్తారు. గుజరాత్‌లోని కొన్ని ప్రాంతాల్లోనూ వీరిని చూడొచ్చు. వీరు ముఖ్యంగా అడవుల్లో నివసిస్తారు. ఖైర్‌ (అకేసియా కేటెచు) చెట్టు కాండం నుంచి కేటెచు (కథ) అని పిలిచే చిక్కటి రసాన్ని సేకరిస్తారు. అందుకే వీరిని కథోరీలు అని కూడా పిలుస్తారు. ఈ రసాన్ని పాన్‌ మసాలా, ఆయుర్వేద మందులు, సహజ రంగుల అద్దకంలో విస్తృతంగా ఉపయోగిస్తారు.

పహారీ కోర్వా 

వీరు ప్రధానంగా ఛత్తీస్‌గఢ్‌లోని జస్‌పూర్, సర్గుజా, రాయ్‌గఢ్‌ జిల్లాలో ఉన్నారు. వీరు కోలారియన్‌ తెగకు చెందిన ఒక శాఖ. ముండారీ భాష మాట్లాడతారు. దట్టమైన అటవీప్రాంతంలో నివసించే వీరు పూర్వీకుల నుంచి వారసత్వంగా పొందిన జ్ఞానంతో అటవీ ఉత్పత్తులను ఉపయోగించి అనారోగ్యాలకు చికిత్స చేసుకుంటారు. వీరి గిరిజన పాటల్లో ధాంక్, డఫ్లీ, మందార్, మృంగం, నగారా, డ్రమ్, టింకీ లాంటి వాయిద్యాలు వినియోగిస్తారు. 

గత పరీక్షల్లో అడిగిన ప్రశ్నలు

1. బిర్హోర్‌ తెగవారు అడవుల అంచున ఏమని పిలిచే చిన్న నివాసాల్లో నివసిస్తారు?

(ఎన్‌వీఎస్‌ ఎంటీఎస్, 2022)

1) వాడి      2) ఖుంట్‌        3) ఠాకర్‌వాడి  4) తండా

సమాధానం: 4

2. బైగా తెగకు చెందిన బైగా జానపద సంగీతం కింది ఏ రాష్ట్రానికి చెందింది?

(ఎస్‌ఎస్‌సీ సీహెచ్‌ఎస్‌ఎల్‌ టైర్‌ 1, 2024)

1) ఉత్తరాఖండ్‌    2) మధ్యప్రదేశ్‌

3) అస్సాం        4) బిహార్‌

సమాధానం: 2

3. కిందివాటిలో ఏది బైగా తెగ ఉప-తెగ కాదు?

(ఎంపీపీఎస్సీ ఏఈ మెకానికల్, 2022)

1) బిజ్‌వార్‌                    2) నరోటియా

3) బడోయా                4) కత్‌మైనా

సమాధానం: 4

4. నృత్యం, నాటక కలయికతో కూడిన ప్రసిద్ధ బోహడా పండుగను ఏ తెగవారు జరుపుకుంటారు?

(ఎన్‌వీఎస్‌ జూనియర్‌ సెక్రటేరియట్, 2022)

1) భిల్‌    2) ముండా          3) బైగా        4) కోక్నా

సమాధానం: 4

5. The peasant struggle of the Warli tribe in the year 1945 occurred in which of the following states of India?
(RRB NTPC Graduate Level CBT-I, 2025)
1) Gujarat        2) Mizoram        3) Maharashtra        4) Kerala
Ans: 3
6. The Katkari Tribes, sometimes seen in the news, is largely found in which of the following states?
(SSC JE (Mechanical Engineering), 2025)
1) Maharashtra        2) Telangana        3) Karnataka        4) Tamil Nadu
Ans: 1
7. Who among the following personalities has been conferred with the Padma Shri in 2022 for his contribution to Baiga dance and Music?
(SSC CHSL, 2022)
1) Girdhari Ram            2) Savaji Bhai Dholakia
3) Arjun Singh Dhurve        4) Chandra Prakash
Ans: 3
8. Barash is similar to the hindu festival Diwali, which is celebrated by which of following tribes?
(SSC GD Constable, 2024)
1) Varli and Kokna            2) Santhal        3) Munda        4) Gond and Bhil
Ans: 1