ఆంధ్రప్రదేశ్‌ ఉపాధ్యాయ అర్హత పరీక్ష (ఏపీ టెట్‌-ఇన్-సర్వీస్ టీచర్స్-2026)

ఆంధ్రప్రదేశ్‌ ప్రభుత్వ పాఠశాల విద్యాశాఖ ఇన్-సర్వీస్ ఉపాధ్యాయుల కోసం ఏపీ ఉపాధ్యాయ అర్హత పరీక్ష (ఏపీ టెట్‌ ఇన్-సర్వీస్ టీచర్స్-2026) కోసం ఆన్‌లైన్ దరఖాస్తులను ఆహ్వానిస్తూ నోటిఫికేషన్‌ విడుదల చేసింది. ఇన్‌ సర్వీస్‌ టీచర్లు తప్పనిసరిగా ఉపాధ్యాయ అర్హత పరీక్ష (టెట్‌) పాస్‌ కావాల్సిందేనని గత ఏడాది సుప్రీంకోర్టు తీర్పు వెలువరించింది. 2011 సంవత్సరం కంటే ముందు ఉపాధ్యాయులగా నియమితులై ప్రస్తుతం కొనసాగుతున్న వారందరూ తప్పనిసరి ఉపాధ్యాయ అర్హత పరీక్షలో ఉత్తీర్ణత సాధించాలి.

వివరాలు:

ఆంధ్రప్రదేశ్‌ ఉపాధ్యాయ అర్హత పరీక్ష (ఏపీ టెట్‌-ఇన్-సర్వీస్ టీచర్స్-2026)

అర్హతలు: ఈ పరీక్ష ఆంధ్రప్రదేశ్‌లోని ప్రభుత్వం, స్థానిక సంస్థలు, ఏపీఆర్‌ఈఐఎస్‌/ప్రభుత్వ సంక్షేమ సంఘాల గురుకులాలు, ఏపీ మోడల్ స్కూల్స్, ప్రైవేట్‌ ఎయిడెడ్‌/ఇతర ప్రభుత్వ శాఖలలో పనిచేస్తున్న ఇన్-సర్వీస్ ఉపాధ్యాయులకు మాత్రమే వర్తిస్తుంది.

దరఖాస్తు విధానం: ఆన్‌లైన్‌ ద్వారా దరఖాస్తు చేసుకోవాలి.

ఉత్తీర్ణత మార్కులు: జనరల్/ఈడబ్ల్యూఎస్‌లకు 60%,బీసీ: 50%, ఎస్సీ/ఎస్టీ/దివ్యాంగులు: 40%.

ముఖ్య తేదీలు:

• దరఖాస్తు గడువు: 25-08-2026 నుంచి 24-09-2026 వరకు

• ఆన్‌లైన్ పరీక్షల తేదీలు: 11-10-2026 నుంచి 21-10-2026 వరకు

• హాల్‌ టికెట్ల డౌన్‌లోడ్: 05-10-2026 నుంచి

• ఫలితాల వెల్లడి: 15-11-2026.

• పరీక్ష రుసుము: ప్రతి పేపర్‌కు రూ.1,000.

Website: https://tet2dsc.apcfss.in/