థామస్‌ ఆల్వా ఎడిసన్‌

తన ఆవిష్కరణల ద్వారా మానవ జాతిని ప్రభావితం చేసిన గొప్ప వ్యక్తుల్లో థామస్‌ ఆల్వా ఎడిసన్‌ ఒకరు. ఈయన అమెరికాకు చెందిన శాస్త్రవేత్త, ఆవిష్కర్త వ్యాపారవేత్త.

తన ఆవిష్కరణల ద్వారా మానవ జాతిని ప్రభావితం చేసిన గొప్ప వ్యక్తుల్లో థామస్‌ ఆల్వా ఎడిసన్‌ ఒకరు. ఈయన అమెరికాకు చెందిన శాస్త్రవేత్త, ఆవిష్కర్త, వ్యాపారవేత్త. ఎలక్ట్రిక్‌ బల్బ్, ఫోనోగ్రాఫ్, మోషన్‌ పిక్చర్‌ కెమెరా, టెలిఫోన్‌ - టెలిగ్రాఫ్‌ పనితీరును మెరుగుపరచడం లాంటివన్నీ ఆయన అద్భుత సృష్టికి నిదర్శనాలు. ప్రస్తుతం మనం ఉపయోగిస్తోన్న అనేక వస్తువులకు ఎడిసన్‌ పరిశోధనలే మూలం. ఇవన్నీ మానవ దైనందిన జీవితాన్ని మార్చివేశాయి. ఈయన వద్ద 1093 పేటెంట్‌ హక్కులు ఉన్నాయి. అలాగే ప్రపంచంలోనే మొట్టమొదటి పారిశ్రామిక ప్రయోగశాలను ఏర్పాటు చేశారు. అక్టోబరు 18న ఎడిసన్‌ వర్ధంతి సందర్భంగా పోటీపరీక్షల కోణంలో ఆయన జీవితంలోని ముఖ్య సంఘటనలు తెలుసుకుందాం..!

• 1862లో ఆయన టెలీగ్రఫీ నేర్చుకున్నారు. మైఖేల్‌ ఫారడే రచించిన ‘ఎక్స్‌పరిమెంటల్‌ రిసెర్చ్‌ ఇన్‌ ఎలక్ట్రిసిటీ’ అనే పుస్తకం చదివాక ఎడిసన్‌ పూర్తిస్థాయి ఆవిష్కర్త కావాలని భావించారు. 1869లో ఆయన మొదట ఎలక్ట్రిక్‌ ఓట్‌ రికార్డర్‌ను కనిపెట్టి, దానికి పేటెంట్‌ తీసుకున్నారు. 1871లో ఆయన రూపొందించిన ‘యూనివర్సల్‌ స్టాక్‌ ప్రింటర్‌’ ఆర్థిక విజయంతోపాటు కీర్తి దక్కేలా చేసింది.
• 1876లో న్యూజెర్సీలో ‘ఇన్వెన్షన్‌ ఫ్యాక్టరీ’ అనే ప్రయోగశాలను ప్రారంభించారు. ఇది ప్రపంచంలోనే మొట్టమొదటి పారిశ్రామిక ప్రయోగశాలగా పేరొందింది. 1877లో ఫోనోగ్రాఫ్‌ (గ్రామఫోన్‌) కనిపెట్టారు. ఆధునిక సంగీత, రికార్డింగ్‌ పరిశ్రమలకు ఇదే పునాది. 1878లో విద్యుత్‌ బల్బ్‌ రూపొందించారు. ఇది ఆయన్ను ఆర్థికంగా మరింత గొప్పవాడిని చేసింది.  
• పాఠశాల, కళాశాల చదువు లేకపోయినా తల్లి వద్ద నుంచి నేర్చుకున్న జ్ఞానంతో ఎడిసన్‌ భావి తరాల అవసరాలను తీర్చే అనేక ఆవిష్కరణలకు కారణమయ్యారు. కష్టాన్నే నమ్ముకుని పట్టుదలతో ఉన్నత శిఖరాలకు ఎదిగారు. ఎడిసన్‌ తనను కలిసిన వారితో విజయాల కంటే వైఫల్యాల గురించే ఎక్కువగా చెప్పేవారు. ప్రతి ఓటమి తన సాధనకు బాటలా ఉపయోగపడిందని పేర్కొన్నారు. ఈయన 1931, అక్టోబరు 18న న్యూజెర్సీలో మరణించారు.
   

  ఎడిసన్‌ ముఖ్యమైన ఆవిష్కరణలు - నెలకొల్పిన సంస్థలు, అందుకున్న ముఖ్య పురస్కారాలు - గౌరవాలతోపాటు గతంలో ఈ టాపిక్‌పై వివిధ పోటీపరీక్షల్లో అడిగిన ప్రశ్నలు - జవాబులతో రూపొందించిన ఈబుక్‌ కోసం ‘ఈనాడు ఈప్రతిభ జనరల్‌ నాలెడ్జ్‌ & కరెంట్‌ అఫైర్స్‌ కాంబో కోర్సు’కి సబ్‌స్క్రైబ్‌ చేసుకోండి. ఇప్పుడు దసరా పండుగ సందర్భంగా ప్రత్యేక ఆఫర్‌ మీ కోసం..! వివరాల కోసం లింక్ పై క్లిక్ చేయండి. https://hov.to/69b00978

గత పరీక్షల్లో అడిగిన ప్రశ్నలు

1. థామస్‌ ఆల్వా ఎడిసన్‌ కింది ఏ దేశానికి చెందినవారు? (డీఎస్‌ఎస్‌ఎస్‌బీ టీజీటీ నేచురల్‌ సైన్స్, 2018)

1) ఇటలీ            2) అమెరికా            3) జర్మనీ        4) ఫ్రాన్స్‌

సమాధానం: 2

2. కదిలే చిత్రాలను ప్రదర్శించే ‘కైనెటోస్కోప్‌’ను ఎవరు కనుక్కున్నారు? (ఎస్‌ఎస్‌సీ స్టెనో, 2019)

1) నికోలస్‌ టెస్లా                  2) లియోనార్డో విన్సీ

3) థామస్‌ ఎడిసన్‌                 4) ఎవరూ కాదు

సమాధానం: 3

3. కింది శాస్త్రవేత్తల్లో ఎవరు ‘ఫోనోగ్రాఫ్‌’ను కనుక్కున్నారు? (డీఎస్‌ఎస్‌ఎస్‌బీ టీజీటీ (సోషల్‌ సైన్స్‌), 2025)

1) గెలీలియో గెలీలీ          2) థామస్‌ ఎడిసన్‌

3) నైసెఫోర్‌ నీప్స్‌            4) రాల్ఫ్‌ బేర్‌

సమాధానం: 2

4. విద్యుత్‌ బల్బును కనుక్కున్న వారు? (ఒడిశా ఫైర్‌మ్యాన్, 2023)

1) ఆల్బర్ట్‌ ఐన్‌స్టీన్‌     2) థామస్‌ ఆల్వా ఎడిసన్‌

3) రైట్‌ బ్రదర్స్‌       4) గ్రహం బెల్‌

సమాధానం: 2

5. Who among the following scientists invented the first long-lasting incandescent light bulb? (ICAR Assistant, 2022)

1) Michael Faraday              2) Enrico Fermi

3) Thomas Edison                4) Neils Bohr and Ernest Rutherford

Ans: 3

6. As Edison is related to light, similarly which one of the following is correct? (SSC Graduation Level, 2019)

1) Darwin : Machine        2) Newton : Evolution

3) Graham Bell : Phone        4) Colombus : Africa

Ans: 3

7. Which of the given options arranges the following sentences in the most logical sequence to form a meaningful paragraph?

i. Thomas Edison was a great inventor.

ii. This invention changed the way people lived.

iii. He invented numerous devices.

iv. Perhaps, the most important was the electric bulb.
(SSC Selection Post (Matriculation Level), 2025)

1) i, iii, iv, ii        2) i, ii, iv, iii        3) ii, iii, iv, i        4) iv, i, ii, iii

Ans: 1
 
8. Thomas Edison is a role model for :  (SSC Matric Level, 2022)

1) self-control        2) intelligence        3) despair        4) determination

Ans: 4

Link copied to clipboard!