స్వాతంత్య్ర దినోత్సవం

ఆగస్టు 15 భారతదేశ చరిత్రలో సువర్ణాధ్యాయం. ఎందుకంటే 200 ఏళ్లకు పైగా ఆంగ్లేయుల పాలనలో అణచివేతకు, దోపిడీకి గురైన భారత జాతి స్వేచ్ఛా వాయువులు పీల్చుకుంది ఈ రోజే. ప్రజలందరి ఆశలు, ఆశయాలు, ఆకాంక్షలు, ఐకమత్యానికి ప్రతిరూపంగా త్రివర్ణ జెండా రెపరెపలాడింది. ఎందరో మహనీయుల త్యాగాలు, సుదీర్ఘ పోరాటాల ఫలితంగా ప్రజలు బానిస సంకెళ్లను తెంచుకుని స్వతంత్ర భారతావనిలో సంబరాలు జరుపుకున్నారు. 1947, ఆగస్టు 15న మన దేశానికి స్వాతంత్య్రం వచ్చిన రోజు. నేడు మనం 80వ స్వాతంత్య్ర దినోత్సవాన్ని నిర్వహించుకుంటున్నాం. ఈ సందర్భంగా దేశ జాతీయోద్యమంలోని ముఖ్య ఘట్టాలతోపాటు భారత స్వాతంత్య్ర చట్టం 1947 గురించి తెలుసుకుందాం..!

• అహింసతో దేన్నైనా సాధించవచ్చని భారత స్వాతంత్య్ర పోరాటం చాటిచెప్పింది. భారత స్వాతంత్య్రోద్యమాన్ని మితవాదుల దశ (1885-1905); అతివాదుల దశ (1905-1919); గాంధీయుగం (1919-1947)గా విభజించారు. మితవాదులు రాజ్యాంగబద్ధ ఉద్యమంతో బ్రిటిషర్లపై ఒత్తిడి తెచ్చి స్వాతంత్య్రాన్ని సాధించాలనుకున్నారు. అతివాదులు ఉద్యమాల ద్వారా స్వరాజ్యాన్ని పొందాలనుకున్నారు. స్వరాజ్యాన్ని సాకారం చేయడంలో కీలక భూమిక పోషించిన గాంధీజీ జాతిపితగా ప్రసిద్ధి చెందారు.
• స్వరాజ్యం కోసం జరిగిన జాతీయోద్యమంలో విభిన్న వర్గాల ప్రజలు పాల్గొన్నారు. మహాత్మా గాంధీ, జవహర్‌లాల్‌ నెహ్రూ, సర్దార్‌ వల్లభ్‌భాయ్‌ పటేల్, సుభాష్‌ చంద్రబోస్, బాలగంగాధర్‌ తిలక్, భగత్‌ సింగ్, సరోజినీనాయుడు లాంటి ఎందరో నేతలు స్వాతంత్య్ర పోరాటంలో ముందు నిలిచారు. పెరుగుతున్న రాజకీయ ఒత్తిడులు, మతహింసల నేపథ్యంలో బ్రిటిష్‌ పార్లమెంట్‌ 1947 భారత స్వాతంత్య్ర చట్టాన్ని ఆమోదించింది.  

భారత స్వాతంత్య్ర చట్టం, 1947

ఈ చట్టం బ్రిటిష్‌ పార్లమెంట్‌ ఆమోదించిన ఒక చరిత్రాత్మక శాసనం. ఇది బ్రిటిష్‌ ఇండియాను భారతదేశం, పాకిస్థాన్‌ అనే రెండు స్వతంత్ర రాజ్యాలుగా విభజించింది. ఈ చట్టం 1947, జులై 5న బ్రిటిష్‌ పార్లమెంట్, జులై 18న రాజు ఆమోదం పొందింది. భారతదేశ చివరి వైస్రాయ్‌ లూయిస్‌ మౌంట్‌బాటెన్‌ బ్రిటిష్‌ రాచరికం నుంచి అధికారాన్ని స్థానిక ప్రజలకు అప్పగించడానికి ఒక ప్రణాళిక రూపొందించారు. దీన్ని 1947, జూన్‌ 3న ప్రకటించారు. 

గత పరీక్షల్లో అడిగిన ప్రశ్నలు

1. ప్లాసీ యుద్ధం ఎప్పుడు జరిగింది?

(ఎస్‌ఎస్‌సీ సీజీఎల్, 2022)

1) 1789, జూన్‌ 23            2) 1757, జూన్‌ 23

3) 1758, జూన్‌ 24            4) 1750, జూన్‌ 25

సమాధానం: 2

2. సహాయ నిరాకరణోద్యమం ఏ సంవత్సరంలో ప్రారంభమైంది?

(ఏఎఫ్‌సీఏటీ, 2013)

1) 1900   2) 1920   3) 1940   4)1935

సమాధానం: 2

3. 1857 సిపాయి తిరుగుబాటు మే 10న ఏ ప్రాంతంలో ప్రారంభమైంది?

(ఆర్‌ఆర్‌బీ ఎన్‌టీపీసీ, 2025)

1) అవధ్‌            2) మీరట్‌            3) కాన్పూర్‌          4) మైసూర్‌

సమాధానం: 2

4. కింది ఏ జాతీయోద్యమాన్ని వందేమాతర ఉద్యమం అని కూడా పిలుస్తారు?

(డీఎస్‌ఎస్‌ఎస్‌బీ జేఈ సీఈ, 2019)

1) సహాయ నిరాకరణోద్యమం            2) స్వదేశీ ఉద్యమం

3) హోమ్‌రూల్‌ ఉద్యమం            4) చంపారన్‌ సత్యాగ్రహం

సమాధానం: 2

5. The Indian Mutiny of 1857 effectively ended in the city of ______.
(SSC CHSL, 2021)
1) Amritsar        2) Lucknow        3) Gwalior        4) Vadodara
Ans: 3
6. During the Swadeshi Movement in Bengal, a tricolour flag was designed having colours:
(RRB NTPC CBT-I, 2021)
1) orange, white and green    2) red, green and white
3) red, green and yellow        4) green, white and yellow
Ans: 3
7. In 1905, the Swadeshi and Boycott movement was formally proclaimed in Bengal during a meeting held at:
(RRB NTPC (UG) CBT-I, 2026)
1) Nagpur Congress    2) Dacca Town Square
3) Calcutta Town Hall    4) Benaras Congress
Ans: 3
8. Which of the following institutions was set up during the Swadeshi movement?
(RRB NTPC (Graduate) CBT-I, 2026)
1) Bengal National College    2) Shantiniketan
3) Bethune School            4) Banaras Hindu University
Ans: 1