‘నైపుణ్యం’ పోర్టల్‌

ఆంధ్రప్రదేశ్‌లో యువతకు నైపుణ్య శిక్షణ, ఉపాధి కల్పించేందుకు దేశంలోనే తొలిసారి ఆధునిక సాంకేతిక పరిజ్ఞానంతో రాష్ట్ర ప్రభుత్వం ‘నైపుణ్యం’ పోర్టల్‌ను అందుబాటులోకి తీసుకొస్తోంది. అభ్యర్థుల సామర్థ్యాలను అంచనా వేసేందుకు కృత్రిమ మేధ (ఏఐ)తో ఇంటర్వ్యూను ప్రవేశ పెడుతోంది. ప్లంబర్‌ నుంచి బీటెక్‌ సాంకేతిక విద్య వరకు ప్రతి అభ్యర్థి సామర్థ్యాన్ని ఏఐ అంచనా వేస్తుంది. నిరుద్యోగులు తమ అర్హతలతో ఏఐని వినియోగించి రెజ్యుమెను సైతం తయారు చేసుకునేలా దీన్ని తీర్చిదిద్దారు. నవంబరు 14, 15 తేదీల్లో విశాఖలో జరగనున్న భాగస్వామ్య సదస్సులో ఈ పోర్టల్‌ను ఆవిష్కరించనున్నారు.