ఏపీఎఫ్‌యూలో బ్యాచిలర్‌ ఆఫ్‌ ఫిషరీస్‌ సైన్స్‌ ప్రవేశాలు

ఆంధ్రప్రదేశ్‌ విజయవాడలోని ఫిషరీస్‌ యూనివర్సిటీ 2026-27 విద్యాసంవత్సరానికి నాలుగేళ్ల బ్యాచిలర్ ఆఫ్‌ ఫిషరీస్‌ సైన్స్‌ (బీఎఫ్‌ఎస్‌సీ)లో ప్రవేశాలకు నోటిఫికేషన్‌ విడుదల చేసింది. ఈ కోర్సు ముత్తుకూరు (SPSR నెల్లూరు), నరసాపురం (పశ్చిమ గోదావరి)లోని ఏపీఎఫ్‌యూ కళాశాలల్లో అందుబాటులో ఉంటుంది.

వివరాలు:

బ్యాచిలర్ ఆఫ్‌ ఫిషరీస్‌ సైన్స్‌ 2026-27

1. కాలేజ్ ఆఫ్ ఫిషరీ సైన్స్, ముత్తుకూరు- 40 సీట్లు

2. కాలేజ్ ఆఫ్ ఫిషరీ సైన్స్, నరసాపురం- 60 సీట్లు

మొత్తం సీట్ల సంఖ్య: 100

అదనంగా ఈడబ్ల్యూఎస్‌ కేటగిరీకి 10% సూపర్‌న్యూమరరీ సీట్లు ఉన్నాయి

వ్యవధి: 4 సంవత్సరాలు

కోర్సులు: ఆక్వాకల్చర్, ఆక్వాటిక్‌ యానిమల్‌ హెల్త్‌ మేనేజ్‌మెంట్‌, ఫిషరీస్‌ రిసోర్స్‌ మేనేజ్‌మెంట్‌, ఆక్వాటిక్‌ ఎన్విరాన్మెంట్‌ మేనేజ్‌మెంట్‌, ఫిష్‌ ప్రాసెసింగ్‌ టెక్నాలజీ, ఫిషరీస్‌ ఇంజినీరింగ్‌, ఫిషరీస్‌ ఎక్స్‌టెన్షన్‌, ఎకనామిక్స్‌ అండ్‌ స్టాటిస్టిక్స్‌.

అర్హత: ఇంటర్మీడియట్ (Bi.P.C.) లేదా ఫిషరీ సైన్స్ వృత్తి విద్య లేదా సమాన అర్హతలో ఫిజికల్‌ సైన్సెస్‌, బయాలజీ/నేచురల్‌సైన్సెస్‌ సబ్జెక్టులతో ఉత్తీర్ణులై ఉండాలి.

వయోపరిమితిఏపీ ఈఏపీసెట్‌ 2026 ర్యాంకు తప్పనిసరి.

వయోపరిమితి: 31.12.2026 నాటకి 17 నుంచి 22 ఏళ్ల మధ్య ఉండాలి. ఎస్సీ/ఎస్టీలకు 25 ఏళ్లు, దివ్యాంగ అభ్యర్థులకు 27 ఏళ్లు మించకూడదు.

దరఖాస్తు విధానం: అభ్యర్థులు ఏపీఎఫ్‌యూ అధికారిక వెబ్‌సైట్‌లో ఆన్‌లైన్ ద్వారా నమోదు చేసుకోవాలి. అవసరమైన సర్టిఫికెట్లు స్కాన్ చేసి అప్లోడ్ చేయాలి. రిజిస్ట్రేషన్ ఫీజును ఆన్‌లైన్‌లో చెల్లించిన తరువాత మాత్రమే దరఖాస్తు పూర్తవుతుంది. సీట్ల కేటాయింపు అనంతరం వెబ్ ఆప్షన్లు, కౌన్సెలింగ్, ఒరిజినల్ సర్టిఫికెట్ వెరిఫికేషన్ నిర్వహిస్తారు.

దరఖాస్తు ఫీజు: జనరల్‌ /బీసీలకు రూ.1000, ఎస్సీ/ఎస్టీ/దివ్యాంగులకు రూ.500.

ముఖ్య తేదీలు:

• నోటిఫికేషన్ విడుదల: 28-07-2026

• ఆన్‌లైన్ దరఖాస్తుల ప్రారంభం: 28-07-2026

• ఆలస్య రుసుము లేకుండా చివరి తేదీ: 17-08-2026

• ఆలస్య రుసుము రూ.2000తో చివరి తేదీ: 26-08-2026

• కౌన్సెలింగ్‌ షెడ్యూల్‌: తర్వాత ప్రకటిస్తారు.

Website:https://apfu.ap.gov.in/index