సాంస్కృతిక రంగాల్లో యువ కళాకారులకు స్కాలర్‌షిప్‌లు 

భారత ప్రభుత్వ సాంస్కృతిక మంత్రిత్వ శాఖ ఆధ్వర్యంలోని సెంటర్‌ ఆఫ్‌ కల్చరల్‌ రిసోర్సెస్‌ అండ్‌ ట్రైనింగ్‌ సంస్థ స్కాలర్‌షిప్‌ టు యంగ్‌ ఆర్టిస్ట్స్‌ ఇన్‌ డిఫరెన్స్‌ ఫీల్డ్స్‌ (ఎస్‌వైఏ)- 2026-27 పథకాన్ని అమలు చేస్తోంది. భారతీయ శాస్త్రీయ సంగీతం, నృత్యం, థియేటర్‌, దృశ్య కళలు, జానపద, సంప్రదాయ కళలు తదితర రంగాల్లో ప్రతిభ ఉన్న యువ కళాకారులకు ఉన్నత స్థాయి శిక్షణ పొందేందుకు ఈ స్కాలర్‌షిప్ అందిస్తారు.  

వివరాలు:

సాంస్కృతిక రంగాల్లో యువ కళాకారులకు ఆర్థిక సహాయం (Scholarships to Young Artistes in Different Cultural Fields (SYA)-2026-27)- 400 స్కాలర్‌షిప్‌లు

స్కాలర్‌షిప్‌: ఎంపికైన కళాకారులకు నెలకు రూ.5,000.

జీవన ఖర్చులు, ప్రయాణం, పుస్తకాలు, కళా సామగ్రి, శిక్షణ ఖర్చులకు ఉపయోగించుకోవచ్చు.

స్కాలర్‌షిప్ కాలవ్యవధి: 2 సంవత్సరాలు

అర్హత ఉన్న కళా విభాగాలు:

1. భారతీయ శాస్త్రీయ సంగీతం

హిందుస్థానీ క్లాసికల్ సంగీతం (గాత్ర, వాయిద్య)

కర్ణాటక సంగీతం (గాత్ర, వాయిద్య)

2. భారతీయ శాస్త్రీయ నృత్యం

భరతనాట్యం, కథక్, కూచిపూడి, కథకళి, ఒడిస్సీ, మణిపురి, సత్రియా తదితర నృత్యాలు.

3. థియేటర్‌: నటన, దర్శకత్వం, ఇతర థియేటర్‌ కళలు
(ప్లే రైటింగ్‌, పరిశోధనలకు వర్తించదు).

4. దృశ్య కళలు: పెయింటింగ్, శిల్పకళ, గ్రాఫిక్స్, క్రియేటివ్ ఫోటోగ్రఫీ, మట్టి కళలు తదితరాలు.

5. జానపద, సంప్రదాయ, గిరిజన కళలు: బొమ్మలాట, జానపద, నాటకాలు, జానపద నృత్యాలు, జానపద సంగీతం.

6. లైట్ క్లాసికల్ సంగీతం: తుమ్రీ, దాద్రా, గజల్, కవ్వాలి తదితరాలు.

అర్హతలు:

అభ్యర్థి భారతీయ పౌరుడై ఉండాలి.

ఎంపిక చేసిన కళారంగంలో ఇప్పటికే ప్రాథమిక నైపుణ్యం కలిగి ఉండాలి.

ప్రారంభ స్థాయి కళాకారులు అర్హులు కాదు.

గుర్తింపు పొందిన గురువు/సంస్థ వద్ద కనీసం 5 సంవత్సరాల శిక్షణ పొందాలి.

కళపై సైద్ధాంతిక, ప్రాక్టికల్ పరిజ్ఞానం ఉండాలి.

వయోపరిమితి: 2026-27 బ్యాచ్‌కు దరఖాస్తు చేసుకునేవారు 01-04-2001 నుంచి 31-03-2008 మధ్య ఉండాలి.

ఎంపిక విధానం:

షార్ట్‌లిస్ట్ అయిన అభ్యర్థులకు ఇంటర్వ్యూ/పర్ఫార్మెన్స్ టెస్ట్ నిర్వహిస్తారు.

నిపుణుల కమిటీ ప్రతిభ ఆధారంగా ఎంపిక చేస్తుంది.

తుది ఎంపిక మెరిట్ ఆధారంగా ఉంటుంది

అవసరమైన పత్రాలు:

విద్యార్హతల ధ్రువపత్రాలు

వయస్సు రుజువు (10వ తరగతి సర్టిఫికెట్/జనన ధ్రువపత్రం/ఆధార్ తదితరాలు)

పాస్‌పోర్ట్ సైజు ఫోటో

5 సంవత్సరాల శిక్షణ సర్టిఫికెట్

గురువు/సంస్థ సంతకం చేసిన ధ్రువపత్రం

విజువల్ ఆర్ట్స్ అభ్యర్థులు తమ కళాకృతుల ఫొటోలు సమర్పించాలి.

దరఖాస్తు విధానం:

ఆఫ్‌లైన్ ద్వారా మాత్రమే దరఖాస్తు చేయాలి.

పూర్తి చేసిన దరఖాస్తు ఫారం, పత్రాలను ది డైరెక్టర్‌ సెంటర్‌ ఫర్‌ కల్చరల్‌ రిసోర్సెస్‌ అండ్‌ ట్రైనింగ్‌ (సీసీఆర్‌టీ), 15 ఏ, సెక్టార్‌-7, ద్వారక, న్యూదిల్లీ చిరునామాకు పంపాలి.

చివరి తేదీ: 31.07.2026.

Website: https://ccrtindia.gov.in/