రైల్వేలో జూనియర్ ఇంజినీర్, డిపో మెటీరియల్ సూపరింటెండెంట్ పోస్టులు

భారతీయ రైల్వేలో జూనియర్ ఇంజినీర్ (జేఈ), డిపో మెటీరియల్ సూపరింటెండెంట్ (డీఎంఎస్‌) పోస్టుల భర్తీకి రైల్వే రిక్రూట్‌మెంట్ బోర్డు నోటిఫికేషన్ విడుదల చేసింది.

వివరాలు:

• జూనియర్ ఇంజినీర్, డిపో మెటీరియల్ సూపరింటెండెంట్: 3,993 పోస్టులు.

ఆర్‌ఆర్‌బీ రీజియన్లు: అహ్మదాబాద్, అజ్‌మేర్, బెంగళూరు, భోపాల్, భువనేశ్వర్, బిలాస్‌పూర్, చండీగఢ్, చెన్నై, గువాహటి, గోరఖ్‌పూర్, జమ్ము & శ్రీనగర్, కోల్‌కతా, మాల్దా, ముంబయి, ముజఫర్‌పూర్, పట్నా, ప్రయాగ్‌రాజ్, రాంచీ, సికింద్రాబాద్, సిలిగురి, తిరువనంతపురం.

విభాగాలు: ఎలక్ట్రికల్‌, ఇంజినీరింగ్‌, మెకానికల్‌, ఎస్‌ అండ్‌ టీ, స్టోర్‌
అర్హత: పోస్టును బట్టి సంబంధిత ఇంజినీరింగ్‌ విభాగాల్లో డిప్లొమా/ఇంజినీరింగ్, బీఎస్సీ ఉత్తీర్ణత ఉండాలి.

వయోపరిమితి: 01-01-2027 నాటికి 18 నుంచి 33 సంవత్సరాలు ఉండాలి. ఎస్సీ/ఎస్టీలకు 5 సంవత్సరాలు, ఓబీసీ-ఎన్‌సీఎల్‌కు 3 సంవత్సరాల గరిష్ఠ వయో సడలింపు ఉంది. పీడబ్ల్యూబీడీ, ఎక్స్‌సర్విస్‌మెన్‌ తదితర కేటగిరీలకు నిబంధనల ప్రకారం అదనపు సడలింపు ఉంటుంది.

ప్రారంభ వేతనం: నెలకు: రూ.35,400.

ఎంపిక విధానం: స్టేజ్‌-1, స్టేజ్‌-2 కంప్యూటర్‌ ఆధారిత రాత పరీక్షలు, ధ్రువపత్రాల పరిశీలన, రైల్వే మెడికల్‌ టెస్ట్‌ ఆధారంగా ఎంపిక ఉంటుంది.

పరీక్ష విధానం: 100 మార్కుల అబ్జెక్టీవ్‌ ప్రశ్నపత్రంలో గణితం 30 ప్రశ్నలు- 30 మార్కులు; జనరల్‌ ఇంటలిజెన్స్‌ అండ్‌ రీజనింగ్‌ 25 ప్రశ్నలు 25 మార్కులు; జనరల్‌ అవేర్‌నెస్‌ 15 ప్రశ్నలు 15 మార్కులు; జనరల్‌ సైన్స్‌ 30 ప్రశ్నలు 30 మార్కులు. 100 మార్కులకు పరీక్ష ఉంటుంది. వ్యవధి 90 నిమిషాలు. ప్రతి తప్పు సమాధానానికి 1/3 మార్కు కోత విధిస్తారు.
సీబీటీ-IIలో మొత్తం 150 ప్రశ్నలకు సీబీటీ నిర్వహిస్తారు. జనరల్‌ అవేర్‌నెస్‌ 15 ప్రశ్నలు 15 మార్కులు; ఫిజిక్స్ & కెమిస్ట్రీ 15 ప్రశ్నలు 15 మార్కులు; కంప్యూటర్ బేసిక్ & అప్లికేషన్స్‌కు 10 ప్రశ్నలు 10 మార్కులు; బేసిక్‌ ఆఫ్‌ ఎన్విరాన్మెంట్‌ అండ్‌ పొల్యూషన్‌ కంట్రోల్‌ 10 ప్రశ్నలు 10 మార్కులు; టెక్నికల్‌ ఎబిలిటీస్‌లో 100 ప్రశ్నలు 100 మార్కులకు పరీక్ష ఉంటుంది. వ్యవధి 120 నిమిషాలు. ప్రతి తప్పు సమాధానానికి 1/3 మార్కు కోత విధిస్తారు.

ముఖ్య తేదీలు...

ఆన్‌లైన్‌ దరఖాస్తు, ఫీజు చెల్లింపు ప్రారంభం: 14.08.2026

ఆన్‌లైన్‌ దరఖాస్తు చివరి తేదీ: 13.09.2026

ఫీజు చెల్లింపునకు చివరి తేదీ: 15.09.2026

దరఖాస్తు సవరణ విండో: 16.09.2026 నుంచి 25.09.2026 వరకు.

Website: https://www.rrbapply.gov.in/#/auth/home