ఎస్‌బీఐలో ఏఐ సేవలు

ప్రభుత్వ రంగ బ్యాంకింగ్‌ దిగ్గజం స్టేట్‌ బ్యాంక్‌ ఆఫ్‌ ఇండియా (ఎస్‌బీఐ) తన 71వ వార్షికోత్సవం సందర్భంగా, 53 కోట్ల మంది వినియోగదారులకు కృత్రిమ మేధ (ఏఐ) ఆధారిత డిజిటల్‌ సేవలను ఆవిష్కరించింది. యోనో ప్లాట్‌ఫామ్‌ వేదికగా ఖాతాదారుల బ్యాంకింగ్‌ లావాదేవీలను మరింత సులభతరం చేసేందుకు, వ్యాపారాలను బలోపేతం చేసేందుకు, ఆర్థిక, పర్యావరణ శ్రేయస్సుకు ఇవి ఉపకరిస్తాయని పేర్కొంది.
3 ఇన్‌ 1 అకౌంట్‌: కొత్త వినియోగదారులు యోనో యాప్‌లో 3 ఇన్‌ 1 అకౌంట్‌ తెరవొచ్చు. పొదుపు ఖాతాతో పాటు, ఎస్‌బీఐక్యాప్‌ సెక్యూరిటీస్‌ ద్వారా డీమ్యాట్, ట్రేడింగ్‌ ఖాతాలనూ ప్రారంభించొచ్చు. అర్హులైన ఖాతాదారులు తమ పొదుపు ఖాతాను కార్పొరేట్‌ వేతన ఖాతాగా మార్చుకోవచ్చు. వేతన ఖాతాను ఆన్‌లైన్‌లోనే అప్‌గ్రేడ్‌ చేసుకోవచ్చు.
బ్యాంకింగ్‌ రంగంలో తొలిసారిగా పర్యావరణ అనుకూల విధానాన్నీ యోనోలో ప్రవేశపెట్టింది. ఖాతాదారులు తమ డిజిటల్‌ లావాదేవీల వల్ల, ఎంత మేరకు కర్బన ఉద్గారాలు ఆదా అయ్యాయో తెలుసుకోవచ్చు.
బిజినెస్‌ బ్యాంకింగ్‌ విభాగంలో, పూర్తి స్థాయి ట్రేడ్‌ ఫైనాన్స్‌ సేవలను అనుసంధానించడం ద్వారా యోనో బిజినెస్‌లో ఇ-ట్రేడ్‌ సేవలను ఎస్‌బీఐ విస్తరించింది. ఉత్పత్తులు, ప్లాట్‌ఫామ్‌ ఫీచర్లు, సేవలకు సంబంధించిన సందేహాలపై తక్షణ మార్గదర్శకత్వం కోసం ‘యోనో జీ’ అనే ఏజెంటిక్‌ ఏఐ ఆధారిత వర్చువల్‌ అసిస్టెంట్‌ను ఎస్‌బీఐ తీసుకొచ్చింది.

మరిన్ని కరెంట్ అఫైర్స్

పీఎల్‌ఐ పథకాలు

దేశీయంగా తయారీ పెంచేందుకు ప్రభుత్వం తీసుకొచ్చిన ఉత్పత్తి అనుసంధానిత ప్రోత్సాహక (పీఎల్‌ఐ) పథకాల వల్ల 2026, మార్చి వరకు రూ.2.4 లక్షల కోట్ల పెట్టుబడులు, 14.15 లక్షలకు పైగా ఉద్యోగాలు వచ్చాయని ...

యూపీఐ లావాదేవీలు

యూపీఐ లావాదేవీలు గత అయిదేళ్లలో (2021-26) భారీగా విస్తరించాయి. లావాదేవీల సంఖ్య పరంగా 425%, విలువలో 273% మేర వృద్ధి నమోదైంది....

డెలాయిట్‌ ఇండియా అంచనా

ప్రస్తుత ఆర్థిక సంవత్సరం (2026-27)లో భారత ఆర్థిక వ్యవస్థ 6.5- 6.8% వృద్ధి రేటును నమోదుచేయొచ్చని డెలాయిట్‌ ఇండియా అంచనా వేసింది. ...

అత్యంత విలువైన కంపెనీ యాపిల్‌

ప్రపంచంలో అత్యంత విలువైన కంపెనీగా మళ్లీ యాపిల్‌ నిలిచింది. చిప్‌ సంస్థ ఎన్‌విడియా షేరు విలువ 3.7% పతనం కాగా, యాపిల్‌ షేరు విలువ 0.4% పెరిగిన నేపథ్యంలో, కంపెనీల మార్కెట్‌ విలువలు మారాయి....

ప్రభుత్వానికి రూ.428 కోట్ల డివిడెండు

2025-26లో ఆర్జించిన రూ.4,273 కోట్ల నికర లాభంలో 10 శాతానికి సమానమైన రూ.428 కోట్లను డివిడెండు కింద భారత ప్రభుత్వానికి ఎగ్జిమ్‌ బ్యాంక్‌ ఆఫ్‌ ఇండియా బదిలీ చేసింది. ...

యూనికార్న్‌ జాబితాలోకి ఎమర్జెంట్‌

ఏఐ (కృత్రిమమేధ) సాఫ్ట్‌వేర్‌ క్రియేషన్‌ ప్లాట్‌ఫామ్‌ అయిన ఎమర్జెంట్‌కు యూనికార్న్‌ (కనీసం 100 కోట్ల డాలర్లు/రూ.9500 కోట్లు అంతకంటే అధిక విలువ కలిగిన సంస్థ) హోదా దక్కింది....

భారత సెమీకండక్టర్‌ మిషన్‌

దేశంలో సెమీకండక్టర్లు.. మొబైల్‌ డిజైన్, తయారీ వ్యవస్థను అభివృద్ధి చేయడానికి కేంద్ర ప్రభుత్వం రూ.1.89 లక్షల కోట్లు (22 బి. డాలర్లు) కేటాయించింది. ...

తొలి సేవా సూచీ విడుదల

ప్రభుత్వం తొలిసారిగా ఉప రంగాల ప్రయోగాత్మక సేవా ఉత్పత్తి సూచీ (ఐఎస్‌పీ)ని 2026 ఏప్రిల్‌ నెలకు విడుదల చేసింది....

ప్రత్యక్ష పన్నుల్లో 16% వృద్ధి

ప్రస్తుత ఆర్థిక సంవత్సరం (2026-27)లో ప్రత్యక్ష పన్నుల నికర వసూళ్లు జులై 13 వరకు రూ.6.51 లక్షల కోట్లకు చేరినట్లు ప్రభుత్వం తెలిపింది. ...

ఎన్‌ఎస్‌ఈ నుంచి అహింస సూచీ

నేషనల్‌ స్టాక్‌ ఎక్స్ఛేంజీ (ఎన్‌ఎస్‌ఈ) అనుబంధ సంస్థ ఎన్‌ఎస్‌ఈ ఇండిసిస్‌ లిమిటెడ్‌ సరికొత్త సూచీని ఆవిష్కరించింది. దేశంలో నిఫ్టీ 500లోని కంపెనీల్లో, అహింసా సూత్రాలతో పనిచేస్తున్న వాటి ఆధారంగా ఈ సూచీని తీసుకొచ్చారు....

భారత వృద్ధి రేటు 6.6 శాతం

ప్రస్తుత ఆర్థిక సంవత్సరం (2026-27)లో భారత వృద్ధి రేటు 6.6 శాతానికి పరిమితం కావొచ్చని ఏషియన్‌ డెవలప్‌మెంట్‌ బ్యాంక్‌ (ఏడీబీ) అంచనా వేసింది. ...

ఐఎంఎఫ్‌ అంచనాలు

భారత ఆర్థిక వ్యవస్థ 2026లో 6.4%, 2027లో 6.7% వృద్ధిరేటును సాధిస్తుందనిఅంతర్జాతీయ ద్రవ్య నిధి (ఐఎంఎఫ్‌) అంచనా వేసింది. ...

భారత వృద్ధి 6.4%

భారత ఆర్థిక వ్యవస్థ ప్రస్తుత ఆర్థిక సంవత్సరం (2026-27)లో 6.4 శాతం వృద్ధిని నమోదు చేయొచ్చని అంతర్జాతీయ ద్రవ్య నిధి(ఐఎమ్‌ఎఫ్‌) అంచనా వేస్తోంది. ...

భారత్‌లోకి పెరిగిన ఎఫ్‌డీఐలు

2025లో భారత్‌లోకి విదేశీ ప్రత్యక్ష పెట్టుబడులు (ఎఫ్‌డీఐ) 44 శాతం పెరిగి 39 బిలియన్‌ డాలర్లు (సుమారు రూ.3.7 లక్షల కోట్లు)గా నమోదయ్యాయని ఐక్యరాజ్యసమితి తెలిపింది....

విదేశీ రుణాలు రూ.72.46 లక్షల కోట్లు

భారత మొత్తం విదేశీ రుణాలు 2026 మార్చి చివరకు 762.8 బిలియన్‌ డాలర్ల (సుమారు రూ.72.46 లక్షల కోట్ల)కు చేరాయని రిజర్వ్‌ బ్యాంక్‌ ఆఫ్‌ ఇండియా (ఆర్‌బీఐ) వెల్లడించింది....

భారత్‌- ఇజ్రాయెల్‌ ఒప్పందం

భారత్, ఇజ్రాయెల్‌ మధ్య సురక్షిత, స్థిరమైన పెట్టుబడి వాతావరణానికి వీలు కల్పించే ద్వైపాక్షిక పెట్టుబడి ఒప్పందం 2026, జులై 4 నుంచి అమల్లోకి వచ్చిందని ఆర్థిక శాఖ తెలిపింది....