ఆచార్య ఎన్.జి. రంగా వ్యవసాయ విశ్వవిద్యాలయం- బీఎస్సీ అగ్రికల్చర్‌ ప్రవేశాలు 

ఆచార్య ఎన్.జి. రంగా వ్యవసాయ విశ్వవిద్యాలయం (ఏఎన్‌జీఆర్‌ఏయూ) 2026-27 విద్యా సంవత్సరానికి బీఎస్సీ (ఆనర్స్‌) అగ్రికల్చర్‌ కోర్సులో ప్రవేశాల కోసం అగ్రిసెట్‌-2026 కంప్యూటర్ ఆధారిత ప్రవేశ పరీక్ష నిర్వహిస్తోంది. ఆంగ్రూలో అగ్రికల్చర్‌, సీడ్‌ టెక్నాలజీ, ఆర్గానిక్‌ ఫార్మింగ్‌ డిప్లొమా పూర్తి చేసిన లేదా 2025-26లో పూర్తి చేయనున్న అభ్యర్థులు ఆన్‌లైన్ ద్వారా దరఖాస్తు చేసుకోవచ్చు. 

వివరాలు:

ఆంగ్రూ అగ్రిసెట్‌-2026 ద్వారా బీఎస్సీ (ఆనర్స్‌) అగ్రికల్చర్‌ ప్రవేశాలు 2026-27

డిప్లొమా వారీగా సీట్ల వివరాలు:

అగ్రికల్చర్‌: 282

సీడ్‌ టెక్నాలజీ: 11

ఆర్గానిక్‌ ఫార్మింగ్‌: 04

మొత్తం సీట్లు: 297 (తాత్కాలికం)

విభాగాలు:

1. బీఎస్సీ (ఆనర్స్‌) అగ్రికల్చర్‌
2. డిప్లొమా ఇన్‌ అగ్రికల్చర్‌
3. డిప్లొమా ఇన్‌ సీడ్‌ టెక్నాలజీ
4. డిప్లొమా ఇన్ ఆర్గానిక్‌ ఫార్మింగ్‌

అర్హత: అభ్యర్థులు ఆంగ్రూ నుంచి రెండేళ్ల డిప్లొమా ఇన్‌ అగ్రికల్చర్‌, సీడ్‌ టెక్నాలజీ, ఆర్గానిక్‌ ఫార్మింగ్‌ ఉత్తీర్ణులై ఉండాలి. 2025-26 విద్యా సంవత్సరంలో డిప్లొమా పూర్తి చేయనున్న విద్యార్థులు కూడా దరఖాస్తు చేసుకోవచ్చు. అభ్యర్థులు తాము పూర్తి చేసిన డిప్లొమా విభాగానికే అగ్రిసెట్‌ పరీక్ష రాయాలి.

వయోపరిమితి: 17 నుంచి 22 ఏళ్లు, ఎస్సీ/ఎస్టీ అభ్యర్థులకు: 25 ఏళ్లు, దివ్యాంగులకు 27 ఏళ్లు మించకూడదు.

దరఖాస్తు విధానం: అభ్యర్థులు ఆంగ్రూ అధికారిక వెబ్‌సైట్ ద్వారా ఆన్‌లైన్‌లో దరఖాస్తు చేసుకోవాలి. దరఖాస్తు ఫీజును ఆన్‌లైన్‌లో చెల్లించిన తరువాత, దరఖాస్తు ప్రింట్‌తో పాటు అవసరమైన ధ్రువపత్రాలను రిజిస్టర్డ్ పోస్టు/స్పీడ్ పోస్టు ద్వారా కన్వీనర్‌కు పంపాలి. హార్డ్ కాపీ సమర్పించడం తప్పనిసరి.

పరీక్ష విధానం: కంప్యూటర్‌ ఆధారిత పరీక్షలో మొత్తం 120 ఆబ్జెక్టివ్‌ ప్రశ్నలు వస్తాయి. ప్రతి ప్రశ్నకు 1 మార్కు. పరీక్ష వ్యవధి 1 గంట 30 నిమిషాలు. నెగటివ్ మార్కింగ్ లేదు. ప్రశ్నాపత్రం తెలుగు, ఇంగ్లిష్ భాషల్లో ఉంటుంది.

ముఖ్య తేదీలు:

ఆన్‌లైన్ దరఖాస్తుల ప్రారంభం: 01-07-2026

చివరి తేదీ (లేట్ ఫీజు లేకుండా): 27-07-2026

ఆలస్య రుసుముతో: 28-07-2026 నుంచి 31-07-2026 వరకు

హార్డ్ కాపీ చేరవలసిన చివరి తేదీ: 03-08-2026.

పరీక్ష తేదీ: తర్వాత ప్రకటిస్తారు.

Website: https://angrau.ac.in/ANGRU/ADMISSIONS_AY_2022_23.aspx