ఏఎన్‌జీఆర్‌ఏయూలో బీటెక్ అగ్రికల్చరల్ ఫుడ్ టెక్నాలజీ కోర్సుల్లో ప్రవేశాలు

ఆచార్య ఎన్.జి. రంగా వ్యవసాయ విశ్వవిద్యాలయం (ఏఎన్‌జీఆర్‌ఏయూ), గుంటూరు 2026-27 విద్యా సంవత్సరానికి రైతు కోటా (Farmers' Quota) కింద బీటెక్ అగ్రికల్చరల్ ఇంజినీరింగ్, బీటెక్ ఫుడ్ టెక్నాలజీ కోర్సుల్లో ప్రవేశాలకు దరఖాస్తులు ఆహ్వానించింది. ఈ ప్రవేశాలు ఏపీఈఏపీసెట్‌ (AP EAPCET-2026) ర్యాంక్ ఆధారంగా నిర్వహించే మాన్యువల్ కౌన్సెలింగ్ ద్వారా భర్తీ చేస్తారు.

వివరాలు: 

1. బీటెక్ అగ్రికల్చరల్ ఇంజినీరింగ్

డా. ఎన్టీఆర్ కాలేజ్ ఆఫ్ అగ్రికల్చరల్ ఇంజినీరింగ్, బాపట్ల: 25 + 2 (ఈడబ్ల్యూఎస్‌)

కాలేజ్ ఆఫ్ అగ్రికల్చరల్ ఇంజినీరింగ్, మడకశిర: 18 + 2 (ఈడబ్ల్యూఎస్‌)

2. బీటెక్ ఫుడ్ టెక్నాలజీ

డా. ఎన్టీఆర్ కాలేజ్ ఆఫ్ ఫుడ్ సైన్స్ & టెక్నాలజీ, బాపట్ల:  19 + 2 (ఈడబ్ల్యూఎస్‌)

కాలేజ్ ఆఫ్ ఫుడ్ సైన్స్ & టెక్నాలజీ, పులివెందుల: 10 + 1 (ఈడబ్ల్యూఎస్‌)

మొత్తం సీట్ల సంఖ్య: 

బీటెక్ అగ్రికల్చరల్ ఇంజినీరింగ్: 47 సీట్లు

బీటెక్ ఫుడ్ టెక్నాలజీ: 32 సీట్లు

మొత్తం సీట్లు: 79

అర్హత: అభ్యర్థులు ఇంటర్మీడియట్ (10+2) లేదా తత్సమాన అర్హతతో మ్యాథమెటిక్స్ (MPC)లో ఉత్తీర్ణులై ఉండాలి. ప్రవేశాలు ఏపీఈఏపీసెట్‌-2026 ర్యాంక్ ఆధారంగా జరుగుతాయి. రైతు కోటా కింద దరఖాస్తు చేసుకునే వారు కనీసం 1 ఎకరం వ్యవసాయ భూమి తమ తల్లిదండ్రులు లేదా అభ్యర్థి పేరుపై కలిగి ఉండాలి. అదేవిధంగా కనీసం 4 సంవత్సరాలు నాన్-మున్సిపల్ ప్రాంతంలోని పాఠశాలల్లో చదివి ఉండాలి.

వయోపరిమితి: 31 డిసెంబర్ 2026 నాటికి జనరల్ అభ్యర్థులు: 17 నుంచి 22 సంవత్సరాలు, ఎస్సీ/ఎస్టీ అభ్యర్థులు: 17 నుంచి 25 ఏళ్లు, దివ్యాంగులకు 17 నుంచి 27 సంవత్సరాలు ఉండాలి.

దరఖాస్తు విధానం: దరఖాస్తు ఫారాన్ని పూర్తిగా నింపి, అవసరమైన ధ్రువపత్రాలు, దరఖాస్తు రుసుము చెల్లింపు రసీదుతో కలిసి రిజిస్ట్రార్, ఆచార్య ఎన్.జి. రంగా వ్యవసాయ విశ్వవిద్యాలయం, అడ్మినిస్ట్రేటివ్ ఆఫీస్, లాం, గుంటూరు 522034 చిరునామాకు పంపాలి. పూర్తి వివరాలతో దరఖాస్తు చేసిన అభ్యర్థులను మాత్రమే మాన్యువల్ కౌన్సెలింగ్‌కు పిలుస్తారు.

దరఖాస్తు చివరి తేదీ: 10.08.2026 (సాయంత్రం 4:00 గంటల వరకు).

గమనించాల్సిన ముఖ్యాంశాలు: 

రైతు కోటా కింద మాత్రమే ఈ నోటిఫికేషన్ వర్తిస్తుంది.

ప్రవేశాలు ఏపీఈఏపీసెట్‌-2026 ర్యాంక్ ఆధారంగా ఉంటాయి.

కనీసం 1 ఎకరం వ్యవసాయ భూమి తప్పనిసరి.

కనీసం 4 సంవత్సరాలు నాన్-మున్సిపల్ ప్రాంతంలో చదివి ఉండాలి.

ఫారమ్‌-I, ఫారమ్‌-II, Adangal/1B, స్టడీ సర్టిఫికెట్లు తప్పనిసరిగా సమర్పించాలి.

పూర్తి దరఖాస్తులు సమర్పించిన వారికి మాత్రమే కౌన్సెలింగ్ అవకాశం ఉంటుంది.

కౌన్సెలింగ్ తేదీలు తరువాత ప్రకటిస్తారు.

Website:https://angrau.ac.in/