ఇండియన్ ఆర్మీలో 125వ కోర్సు ఎన్‌సీసీ స్పెషల్ ఎంట్రీ స్కీమ్

భారత సైన్యం ఎన్‌సీసీ స్పెషల్ ఎంట్రీ స్కీమ్ 125వ కోర్సు (ఏప్రిల్ 2027) ద్వారా అర్హత కలిగిన అవివాహిత పురుష అభ్యర్థుల నుంచి దరఖాస్తులను ఆహ్వానించింది. ఈ నియామకం షార్ట్ సర్వీస్ కమిషన్ (నాన్-టెక్నికల్) కింద జరుగుతుంది.  

మొత్తం పోస్టుల సంఖ్య: 70 

వివరాలు:

ఎన్‌సీసీ స్పెషల్ ఎంట్రీ స్కీమ్ 125వ కోర్సు (ఏప్రిల్‌ 2027)

కేటగిరీ వారీగా:

ఎన్‌సీసీ పురుషులు: 63 పోస్టులు

ఎన్‌సీసీ మహిళలు: 07 పోస్టులు

అర్హత: సాధారణ ఎన్‌సీసీ అభ్యర్థులు గుర్తింపు పొందిన యూనివర్సిటీ నుంచి బ్యాచిలర్ డిగ్రీ లేదా సమానమైన అర్హత కలిగి ఉండాలి. అలాగే ఎన్‌సీసీ సీనియర్ డివిజన్/వింగ్‌లో నిర్దేశిత కాలం సేవ చేసి, ఎన్సీసీ ‘సి’ సర్టిఫికెట్ పరీక్షలో కనీసం ‘బి’ గ్రేడ్ సాధించి ఉండాలి. ఫైనల్ ఇయర్ డిగ్రీ చదువుతున్న వారు కూడా నిర్దేశిత నిబంధనల ప్రకారం దరఖాస్తు చేసుకోవచ్చు. ఆర్మీ బ్యాటిల్ క్యాజువల్టీస్ వార్డులకు ఎన్‌సీసీ ‘సి’ సర్టిఫికెట్ అవసరం లేదు, అయితే ఇతర విద్యార్హతలు, సంబంధిత పత్రాలు తప్పనిసరిగా ఉండాలి.

వయోపరిమితి: 01-01-2027 నాటికి 19 నుంచి 25 సంవత్సరాల మధ్య ఉండాలి. అంటే అభ్యర్థులు 2 జనవరి 2002 నుంచి 1 జనవరి 2008 మధ్య జన్మించి ఉండాలి.
జీతం / స్టైపెండ్: శిక్షణ సమయంలో రూ.56,100. 

ఎంపిక విధానం: అప్లికేషన్‌ షార్ట్‌లిస్ట్, ఎస్‌ఎస్‌బీ ఇంటర్వ్యూ, మెడికల్ ఎగ్జామినేషన్, ధ్రువపత్రాల పరిశీలన ఆధారంగా ఎంపిక చేస్తారు.  

శిక్షణ, వేతనాలు: ఎంపికైన అభ్యర్థులకు ఆఫీసర్స్‌ ట్రెయినింగ్‌ అకాడెమీ చెన్నైలో 49 వారాల శిక్షణ ఉంటుంది. ఈ సమయంలో ప్రతి నెలా రూ.56,100 స్ట్టైపెండ్‌ చెల్లిస్తారు. విజయవంతంగా శిక్షణ పూర్తిచేసుకున్న వారికి పోస్ట్‌ డిప్లొమా ఇన్‌ డిఫెన్స్‌ మేనేజ్‌మెంట్‌ అండ్‌ స్ట్రాటజిక్‌ స్టడీస్‌ డిగ్రీని మద్రాస్‌ యూనివర్సిటీ ప్రదానం చేస్తుంది. వీరిని లెఫ్టినెంట్‌ హోదాతో విధుల్లోకి తీసుకుంటారు.

దరఖాస్తులు ప్రారంభం: 20.07.2026

దరఖాస్తు చివరి తేదీ: 20.08.2026

Website:https://www.joinindianarmy.nic.in/Authentication.aspx