ఏవీఎన్‌ఎల్‌లో ఉద్యోగాలు 

భారత ప్రభుత్వ రక్షణ మంత్రిత్వ శాఖకు చెందిన ఆర్మ్‌డ్‌ వెహికల్‌, నిగమ్‌ లిమిటెడ్‌ (ఏవీఎన్‌ఎల్‌) దేశవ్యాప్తంగా ఉన్న యూనిట్లలో ఫిక్స్‌డ్‌ టర్మ్‌ ఎంప్లాయింట్‌మెంట్‌ ప్రాతిపదికన ఎగ్జిక్యూటివ్‌ పోస్టులైన జూనియర్‌ టెక్నీషియన్‌, జూనియర్‌ మేనేజర్‌, అసిస్టెంట్‌ మేనేజర్‌, డిప్యూటీ మేనేజర్‌, సీనియర్‌ మేనేజర్‌, డిప్యూటీ జనరల్‌ మేనేజర్‌, అడిషనల్ జనరల్‌ మేనేజర్‌, కన్సల్టెంట్‌ పోస్టులతో పాటు నాన్‌ ఎగ్జిక్యూటివ్‌ పోస్టుల భర్తీకి నోటిఫికేషన్‌ విడుదల చేసింది. 

మొత్తం పోస్టుల సంఖ్య: 1,213.

వివరాలు: 

1. నాన్-ఎగ్జిక్యూటివ్ పోస్టులు- 1,005

సంబంధిత విభాగాల్లో జూనియర్‌ టెక్నీషియన్స్‌ (ఎలక్ట్రికల్, ఎలక్ట్రానిక్‌ మెకానిక్‌, ఫిట్టర్‌, ఫౌండ్రీమెన్‌, మెషినిస్ట్‌, పెయింటర్‌, క్వాలిటీ అస్యూరెన్స్‌ అసిస్టెంట్‌, రిగ్గర్‌, వెల్డర్‌ తదితరాలు)

2. ఎగ్జిక్యూటివ్ పోస్టులు: 208

జూనియర్‌ మేనేజర్‌, అసిస్టెంట్‌ మేనేజర్‌, డిప్యూటీ మేనేజర్‌, సీనియర్‌ మేనేజర్‌, డిప్యూటీ జనరల్‌ మేనేజర్‌, అడిషనల్ జనరల్‌ మేనేజర్‌, కన్సల్టెంట్‌.

అర్హతలు: నాన్‌ ఎగ్జిక్యూటివ్‌ పోస్టులకు సంబంధిత ట్రేడ్‌లో ఎన్‌సీవీటీ గుర్తింపు పొందిన ఎన్‌టీసీ/ఎన్‌ఏసీ ఐటీఐ సర్టిఫికెట్ ఉండాలి. ఎగ్జిక్యూటివ్‌ పోస్టులకు బీఈ/బీటెక్‌, ఎంఈ/ఎంటెక్‌, సీఏ, ఎంబీఏ, పీజీ ఉత్తీర్ణతతో పాటు ఉద్యోగానుభవం ఉండాలి.

జీతం: నెలకు జూనియర్‌ టెక్నీషియన్‌కు రూ.25,050; జూనియర్‌ మేనేజర్‌కు రూ.34,500; అసిస్టెంట్‌ మేనేజర్‌ రూ.45,000; డిప్యూటీ మేనేజర్‌కు రూ.55,500; సీనియర్‌ మేనేజర్‌కు రూ.76,500; డిప్యూటీ జనరల్‌ మేనేజర్‌కు రూ.87,000; అడిషనల్ జనరల్‌ మేనేజర్‌కు రూ.1,008,000; కన్సల్టెంట్‌కు రూ.1,29,000.

వయోపరిమితి: జూనియర్‌ టెక్నీషియన్‌, జూనియర్‌ మేనేజర్‌, అసిస్టెంట్‌ మేనేజర్‌, డిప్యూటీ మేనేజర్‌ పోస్టులకు గరిష్ఠంగా 30 ఏళ్లు; ఇతర పోస్టులకు 65 ఏళ్లు మించకూడదు.

ఎంపిక విధానం: జూనియర్‌ టెక్నీషియన్‌ పోస్టులకు కంప్యూటర్ ఆధారిత పరీక్ష (CBT), ట్రేడ్ టెస్ట్ (క్వాలిఫైయింగ్) పరీక్షల ఆధారంగా.

ఎగ్జిక్యూటివ్‌ పోస్టులను బట్టి కంప్యూటర్‌ ఆధారిత పరీక్ష, ఇంటర్వ్యూ, ప్రెజెంటేషన్‌, ఉద్యోగానుభవం తదితరాల ఆధారంగా ఎంపిక ఉంటుంది.

దరఖాస్తు విధానం: ఆన్‌లైన్‌ ద్వారా.

దరఖాస్తు ఫీజు: రూ.300; ఎస్సీ/ఎస్టీ/దివ్యాంగులు/ఎక్స్‌-సర్విస్‌మెన్‌/మహిళా అభ్యర్థులకు ఫీజు లేదు.

ముఖ్య తేదీలు: 

ఆన్‌లైన్ దరఖాస్తుల ప్రారంభం: 11.07.2026.

చివరి తేదీ: 25.07.2026.

Website: https://cdn.digialm.com//EForms/configuredHtml/1258/100934//Index.html