నిజామాబాద్‌ జిల్లా అంగన్వాడిల్లో టీచర్‌, హెల్పర్‌ పోస్టులు

నిజామాబాద్‌ జిల్లాలోని మహిళా, శిశు, దివ్యాంగుల, వమోవృద్ధుల సంక్షేమ శాఖ పరిధిలోని 5 ఐసీడీఎస్‌ ఆర్మూర్‌, బీమ్‌గల్‌, బోదన్‌, డిచ్‌పల్లి, నిజామాబాద్‌ ప్రాజెక్టుల్లో అంగన్వాడి టీచర్‌,  ఆయాలు పోస్టుల భర్తీకి అర్హులైన మహిళా అభ్యర్థుల నుంచి దరఖాస్తులు కోరుతూ మొదటి విడత నియామకాలకు సంబంధించి నోటిఫికేషన్‌ విడుదల చేసింది.  

వివరాలు:  

టీచర్‌, ఆయా పోస్టులు: మొత్తం 179 

అంగన్‌వాడీ హెల్పర్ (Anganwadi Helper) పోస్టుకు సంబంధించి, ఇంటర్మీడియట్ / 12వ తరగతి అర్హత కలిగిన అభ్యర్థులు ఎవరూ అందుబాటులో లేనట్లయితే, తదుపరి పదోతరగతి పాసైన వారిని పరిగణనలోకి తీసుకుంటారు. 

వయోపరిమితి: ఈ పోస్టులకు ఎంపికయ్యే అభ్యర్థుల వయసు 18 నుంచి 35 సంవత్సరాల మధ్య ఉండాలి. స్థానకత కలిగిన మహిళా అభ్యర్థులు, దివ్యాంగులు వినికిడి పరికారాలు వినియోగించి వినగలిగే, అంధత్వం గల ఇతరుల సహాయం లేకుండా విధులు నిర్వర్తించే సామర్థ్యం, అంగవైకల్యంగల ప్రాథమిక విద్యాబోధన, పిల్లలను సంరక్షించగల మహిళా అభ్యర్థులు అర్హులు.

ఎంపిక విధానం: అంగన్‌వాడీ టీచర్, అంగన్‌వాడీ హెల్పర్ పోస్టులకు దరఖాస్తు చేసుకునే అభ్యర్థి తప్పనిసరిగా స్థానిక మహిళ అయి ఉండాలి. పట్టణ ప్రాంతాల్లో అయితే సంబంధిత వార్డులోనూ, గ్రామీణ ప్రాంతాల్లో అయితే అంగన్‌వాడీ కేంద్రం ఉన్న గ్రామ పంచాయతీ పరిధిలోనూ నివసిస్తూ ఉండాలి. గిరిజన, ఆదివాసీ తండాలు, గూడేలు, ఆవాసాల్లో పోస్టులకు సంబంధిత ఆవాస ఎస్టీ మహిళలు అర్హులు. ఎస్సీ వాడల్లోని పోస్టులకు స్థానిక ఎస్సీ మహిళలు అర్హులు. 

ఎంపిక ప్రక్రియ: అంగన్‌వాడీ టీచర్‌ పోస్టుల భర్తీకి జిల్లా కలెక్టర్‌ ఆధ్వర్యంలోని జిల్లా ఎంపిక కమిటీ (డీఎస్సీ)..అభ్యర్థులకు ఇంటర్వ్యూలు నిర్వహిస్తుంది. ఇంటర్వ్యూకు 10 మార్కులు కేటాయించింది. 
ఎంపికలో మార్కులకు వెయిటేజీ ఉంటుంది. ఇంటర్‌లో వచ్చిన మార్కులకు 70 శాతం, వితంతువులకు 5 శాతం, అనాథలకు 10 శాతం, దివ్యాంగులకు 5 శాతం వెయిటేజీ ఉంటుంది. ఇంటర్వ్యూలకు పది మార్కులు ఉంటాయి.

దరఖాస్తు విధానం: ఆన్‌లైన్‌ ద్వారా.

దరఖాస్తుకు చివరి తేదీ: 23.07.2026.

ధ్రువపత్రాల పరిశీలన: 27.07.2026 నుంచి 05.08.2026 వరకు.

Website:https://mis.tgwdcw.in/