భారత వాయుసేనలో మెడికల్ అసిస్టెంట్ ఎయిర్‌మెన్ నియామకం 2027

భారత ప్రభుత్వ రక్షణ మంత్రిత్వశాఖకు చెందిన భారత వాయుసేన ఎయిర్‌మెన్ ఇంటేక్ 02/2027 కోసం గ్రూప్-‘వై’ (నాన్-టెక్నికల్) మెడికల్ అసిస్టెంట్ ట్రేడ్ పోస్టులకు ఆన్‌లైన్ దరఖాస్తులు ఆహ్వానిస్తోంది. 

వివరాలు:

పోస్టు: గ్రూప్- 'Y' (నాన్-టెక్నికల్) మెడికల్ అసిస్టెంట్ (02/2027) 

అర్హత: కనీసం 50 శాతం మార్కులతో 10+2 / ఇంటర్మీడియట్‌లో ఫిజిక్స్, కెమిస్ట్రీ, బయాలజీ, ఇంగ్లిష్ సబ్జెక్టులతో ఉత్తీర్ణత. లేదా ఫిజిక్స్, కెమిస్ట్రీ, బయాలజీ, ఇంగ్లిష్‌తో రెండేళ్ల వృత్తి విద్య (Vocational Course) పూర్తి చేసి ఉండాలి. లేదా డిప్లొమా / బీ.ఫార్మా / బీఎస్సీ (ఫార్మసీ)లో ఉత్తీర్ణత సాధించి నియామక సమయానికి స్టేట్ ఫార్మసీ కౌన్సిల్ లేదా ఫార్మసీ కౌన్సిల్ ఆఫ్ ఇండియా (PCI)లో చెల్లుబాటు అయ్యే రిజిస్ట్రేషన్ కలిగి ఉండాలి.

వయోపరిమితి: ఇంటర్మీడియట్‌ అభ్యర్థులకు 01-07-2006 నుంచి 01-07-2010 మధ్య; డిప్లొమా/బీ.ఫార్మా / బీఎస్సీ (ఫార్మసీ) అవివాహిత అభ్యర్థులకు 01 జులై 2003 నుంచి 01 జులై 2008 మధ్య, వివాహిత అభ్యర్ధులకు 01 జులై 2003 నుంచి 01 జులై 2006 మధ్య జన్మించి ఉండాలి.

వేతనం: శిక్షణ సమయంలో నెలకు రూ.14,600; శిక్షణ పూర్తైన తర్వాత రూ.26,900+ ఇతర అలవెన్సులు.

ఎంపిక విధానం: ఫేజ్‌-1(ఆన్‌లైన్‌ రాత పరీక్ష), ఫేజ్‌-2(పీఈటీ, అడాప్టబిలిటీ టెస్ట్-1,2, సర్టిఫికెషన్‌ వెరిఫికేషన్‌), ఫేజ్‌-3(వైద్య పరీక్షలు, మెరిట్‌ జాబితా) ఆధారంగా ఎంపిక ఉంటుంది. 

దరఖాస్తు విధానం: ఆన్‌లైన్‌ ద్వారా దరఖాస్తు చేసుకోవాలి.

పరీక్ష ఫీజు: రూ.550+ జీఎస్‌టీ.

ముఖ్యమైన తేదీలు...

ఆన్‌లైన్ రిజిస్ట్రేషన్ ప్రారంభం: 06-07-2026.

ఆన్‌లైన్ రిజిస్ట్రేషన్ గడువు: 26-07-2026.

ఆన్‌లైన్ పరీక్షలు ప్రారంభం: 22, 23 సెప్టెంబరు 2026.

ప్రొవిజనల్ సెలెక్ట్ లిస్ట్‌: మే 2027 చివరి వారం

ఎన్‌రోల్‌మెంట్ లిస్ట్: 01 జూన్ 2027.

Website:https://iafrecruitment.edcil.co.in/agniveervayu/