అండర్‌ గ్రాడ్యుయేట్‌ కామన్‌ ఎంట్రెన్స్‌ ఎగ్జామ్‌ ఫర్‌ డిజైన్‌ 2026

ఇండియన్‌ ఇన్‌స్టిట్యూట్‌ ఆఫ్‌ టెక్నాలజీ(ఐఐటీబీ) బాంబే- డిజైన్‌ కోర్సుల్లో ప్రవేశానికి ఉద్దేశించిన ‘అండర్‌ గ్రాడ్యుయేట్‌ కామన్‌ ఎంట్రెన్స్‌ ఎగ్జామ్‌ ఫర్‌ డిజైన్‌ (యూసీడ్‌) 2026’ నోటిఫికేషన్‌ను విడుదల చేసింది. ఈ పరీక్ష ద్వారా ఐఐటీ (హైదరాబాద్‌, బాంబే, దిల్లీ, గువాహటి, రూర్కీ, ఇందౌర్‌), ఐఐఐటీడీఎం(జబల్పూర్‌) సహా దేశవ్యాప్తంగా ఉన్న ప్రముఖ డిజైన్‌ ఇన్‌స్టిట్యూట్‌లలో బీడిజైన్‌ కోర్సు చేసే అవకాశం ఉంటుంది. యూసీడ్‌ స్కోర్‌ వ్యాలిడిటీ ఏడాది. అభ్యర్థులు వరసగా రెండుసార్లు మాత్రమే ఈ టెస్ట్‌ రాయడానికి వీలుంది. 

వివరాలు:

అండర్‌ గ్రాడ్యుయేట్‌ కామన్‌ ఎంట్రెన్స్‌ ఎగ్జామ్‌ ఫర్‌ డిజైన్‌(యూసీడ్‌) 2026

ఐఐటీ బాంబే: 37 సీట్లు

ఐఐటీ దిల్లీ: 20 సీట్లు

ఐఐటీ గువాహటి: 56 సీట్లు

ఐఐటీ హైదరాబాద్‌: 30 సీట్లు

ఐఐటీ ఇందౌర్‌: 16 సీట్లు

ఐఐటీ రూర్కీ: 20 సీట్లు

ఐఐటీ జబల్‌పూర్‌: 66 సీట్లు

మొత్తం సీట్ల సంఖ్య: 245.

అర్హత: గుర్తింపు పొందిన బోర్డు నుంచి సైన్స్‌/ కామర్స్‌/ ఆర్ట్స్‌ అండ్‌ హ్యుమానిటీస్‌ గ్రూప్‌తో ఇంటర్మీడియట్‌ లేదా పన్నెండో తరగతి ఉత్తీర్ణులై ఉండాలి. ఎంపీసీ గ్రూప్‌ చదివినవారుపై 5 విద్యాసంస్థల్లో చేరొచ్చు. ఐఐఐటీడీఎంలో ప్రవేశానికి బైపీసీ అభ్యర్థులు కూడా అర్హులే. బైపీసీ సహా ఆర్ట్స్‌, కామర్స్‌ గ్రూప్‌లు చదివినవారు ఐఐటీ (హైదరాబాద్‌, బాంబే, దిల్లీ)లో చేరవచ్చు. 
నేషనల్‌ డిఫెన్స్‌ అకాడమీ నిర్వహించే రెండేళ్ల జాయింట్‌ సర్వీసెస్‌ వింగ్‌ కోర్సు పూర్తిచేసినవారు; నేషనల్‌ ఇన్‌స్టిట్యూట్‌ ఆఫ్‌ ఓపెన్‌ స్కూలింగ్‌(ఎన్‌ఐఓఎస్‌) నిర్వహించే సీనియర్‌ సెకండరీ స్కూల్‌ ఎగ్జామినేషన్‌ ఉత్తీర్ణులు కూడా అర్హులే. ప్రస్తుతం చివరి సంవత్సరం చదువుతున్నవారు దరఖాస్తు చేసుకోవచ్చు. 

వయో పరిమితి: దరఖాస్తు చేసుకునే అభ్యర్థులు 01-10-2001న లేదా ఆ తర్వాత జన్మించి ఉండాలి. దివ్యాంగులు, ఎస్సీ, ఎస్టీ అభ్యర్థులకు ప్రభుత్వ నిబంధనల మేరకు వయోపరిమితి సడలింపు వర్తిస్తుంది.

ఆన్‌లైన్ రిజిస్ట్రేషన్‌కు చివరి తేదీ: 31.10.2025.

ఆలస్య రుసుంతో ఆన్‌లైన్ రిజిస్ట్రేషన్‌కు చివరి తేదీ: 07.11.2025.

అడ్మిట్ కార్డ్ డౌన్‌లోడ్ ప్రారంభం: 02.01.2026.

పరీక్ష తేదీ: 18.01.2026..

ఫలితాల ప్రకటన: 06.03.2026.

Website:https://www.uceed.iitb.ac.in/2025/