కొన్ని ముఖ్యమైన తోక చుక్కలు 

సౌర వ్యవస్థ ఏర్పడే క్రమంలో మిగిలిపోయిన అవశేషాలే తోకచుక్కలు (Comets). ఇవి నక్షత్రాలు కావు. ఘనీభవించిన మంచు, ధూళి, రాతితో కూడిన మంచు గోళాలుగా ఉంటాయి. తోకచుక్కలు సౌర వ్యవస్థ నుంచి చాలా దూరంలో అతి పెద్ద దీర్ఘవృత్తాకార వలయాల్లో పరిభ్రమిస్తాయి. సూర్యుడికి దగ్గరగా వచ్చినప్పుడు మాత్రమే వీటిని మనం కొంతకాలం పాటు చూడగలం. ఇవి సూర్యుడికి దూరంగా ఉన్నప్పుడు అతి శీతలంగా, చిన్న పరిమాణంలో ఉంటాయి. సూర్యుడికి సమీపంలోకి రాగానే అందులోని మంచు కరిగి, వాయువులు వ్యాకోచించి, చాలా పెద్దగా కనిపిస్తాయి. 

• కైపర్‌ బెల్ట్‌ (Kuiper Belt), ఓట్‌ మేఘం (Oort Cloud)లో మిలియన్ల సంఖ్యలో తోకచుక్కలు ఉన్నట్లు శాస్త్రవేత్తల అంచనా. ఇప్పటివరకు సుమారు 3,750 తోక చుక్కలను గుర్తించారు. 
• కైపర్‌ బెల్ట్‌ వంద కిలోమీటర్ల మందంతో, నెప్ట్యూన్‌ గ్రహానికి బయట ఉంటుంది. దీనిలో సుమారు 70,000 తోకచుక్కలు ఉన్నట్లు అంచనా. ఇవన్నీ సూర్యుడి నుంచి సుమారు 3050 AU (Astronomical Units) దూరంలో ఉంటాయి. 
• ఓట్‌ మేఘం సూర్యుడి నుంచి 50100 వేల ఖగోళ ప్రమాణాల దూరంలో ఉంది. ఇందులో ట్రిలియన్ల సంఖ్యలో మంచు గోళాలను గుర్తించారు.
• గతంలో ఆర్‌ఆర్‌బీ ఎన్‌టీపీసీ, ఎస్‌బీఐ పీఓ మెయిన్స్, తెలుగు రాష్ట్రాలకు సంబంధించి పోలీస్‌ పరీక్షల్లో తోక చుక్కలు - వాటిని కనుక్కున్నవారు - ప్రాముఖ్యతపై ప్రశ్నలు వచ్చాయి.  

కొన్ని ముఖ్యమైన తోకచుక్కలను పరిశీలిస్తే..