హైదరాబాద్‌ ఐఐసీటీలో ప్రాజెక్ట్ స్టాఫ్‌ ఉద్యోగాలు

హైదరాబాద్‌లోని ప్రముఖ ప్రభుత్వ పరిశోధనా సంస్థ అయిన 'కౌన్సిల్ ఆఫ్ సైంటిఫిక్ అండ్‌ ఇండస్ట్రియల్ రిసెర్చ్ - ఇండియన్ ఇన్‌స్టిట్యూట్ ఆఫ్ కెమికల్ టెక్నాలజీ' (సీఎస్‌ఐఆర్‌-ఐఐసీటీ) వివిధ స్పాన్సర్డ్ ప్రాజెక్ట్‌ల కింద తాత్కాలిక ప్రాతిపదికన పనిచేయడానికి అర్హులైన అభ్యర్థుల నుంచి దరఖాస్తులను ఆహ్వానిస్తోంది.

మొత్తం పోస్టుల సంఖ్య: 87

వివరాలు:

పోస్టుల పేర్లు: సీనియర్ ప్రాజెక్ట్ అసోసియేట్, ప్రాజెక్ట్ అసోసియేట్-II, ప్రాజెక్ట్ అసోసియేట్-I, ప్రాజెక్ట్ అసిస్టెంట్-II, రీసెర్చ్ అసోసియేట్, ప్రాజెక్ట్ సైంటిస్ట్-I, ప్రాజెక్ట్ సైంటిస్ట్-III. 

అర్హత: పోస్టులను అనుసరించి సంబంధిత సబ్జెక్టులలో బీఎస్సీ, బీఈ/బీటెక్‌, ఎంఎస్సీ, ఎంఫార్మ, ఎంఈ/ఎంటెక్‌, లేదా పీహెచ్‌డీలో ఉత్తీర్ణత సాధించి ఉండాలి. కొన్ని పోస్టులకు సంబంధిత విభాగంలో పరిశోధన లేదా పని అనుభవంతోపాటు నెట్‌/గేట్‌ అర్హత కలిగి ఉండటం తప్పనిసరి.

వయోపరిమితి: పోస్టులను బట్టి గరిష్ఠ వయోపరిమితి 35 సంవత్సరాలు, 40 సంవత్సరాలు, & 45 సంవత్సరాలుగా నిర్ణయించారు. నిబంధనల ప్రకారం ఎస్సీ, ఎస్టీ, ఓబీసీ, మహిళలు & దివ్యాంగులకు గరిష్ఠ వయోపరిమితిలో సడలింపు ఉంటుంది. వయస్సును ఇంటర్వ్యూ తేదీ ఆధారంగా లెక్కిస్తారు.

జీతం: పోస్టును బట్టి నెలకు రూ.20,000 నుంచి గరిష్ఠంగా రూ.78,000 వరకు స్టైపెండ్/వేతనం చెల్లిస్తారు.  

ఎంపిక విధానం: ఇంటర్వ్యూ ఆధారంగా.

ఇంటర్వ్యూ తేదీ: 2026 జూన్‌ 3, 4, 5, 10.

Website:https://www.iict.res.in/CAREERS