ఎస్‌బీఐలో అప్రెంటిస్‌ పోస్టులు

స్టేట్ బ్యాంక్ ఆఫ్ ఇండియా (ఎస్‌బీఐ), సెంట్రల్ రిక్రూట్‌మెంట్ & ప్రమోషన్ డిపార్ట్‌మెంట్, ముంబయి.. అప్రెంటిస్ చట్టం 1961 ప్రకారం అప్రెంటిస్‌ల నియామకాల కోసం ప్రకటన విడుదల చేసింది. ఈ నోటిఫికేషన్‌ ద్వారా 7,150 అప్రెంటిస్‌ ఖాళీలను భర్తీ చేయనుంది. 

వివరాలు:

మొత్తం సీట్ల సంఖ్య: దేశవ్యాప్తంగా మొత్తం 7,150 సీట్లు ఉన్నాయి.  

ఆంధ్రప్రదేశ్: 709 సీట్లు (స్థానిక భాష: తెలుగు/ఉర్దూ).  

తెలంగాణ: 491 సీట్లు (స్థానిక భాష: తెలుగు/ఉర్దూ).

అర్హతలు: గుర్తింపు పొందిన విశ్వవిద్యాలయం లేదా సంస్థ నుంచి ఏదైనా డిగ్రీ (గ్రాడ్యుయేషన్) ఉత్తీర్ణులై ఉండాలి. అభ్యర్థులు దరఖాస్తు చేసుకుంటున్న రాష్ట్ర అధికారిక స్థానిక భాషలో ప్రావీణ్యం కలిగి ఉండాలి. (చదవడం, రాయడం, మాట్లాడటం, అర్థం చేసుకోవడం రావాలి), ఎంపిక ప్రక్రియలో భాగంగా స్థానిక భాషా పరీక్ష నిర్వహిస్తారు.

వయోపరిమితి: 01.04.2026 నాటికి 20 నుంచి 28 ఏళ్ల మధ్య ఉండాలి.

ఎంపిక విధానం: కంప్యూటర్‌ ఆధారిత పరీక్ష, స్థానిక భాషా పరీక్ష ఆధారంగా.

ఆన్‌లైన్‌ రాత పరీక్ష (100 మార్కులు) జనరల్/ఫైనాన్షియల్ అవేర్‌నెస్‌, జనరల్ ఇంగ్లీష్, క్వాంటిటేటివ్ ఆప్టిట్యూడ్, రీజనింగ్ ఎబిలిటీ & కంప్యూటర్ ఆప్టిట్యూడ్‌ సబ్జెక్టుల్లో 25 ప్రశ్నల చొప్పున 25 మార్కులకు మొత్తం 100 మార్కులకు ఉంటుంది. జనరల్ ఇంగ్లిష్ విభాగం మినహా మిగిలిన విభాగాలు ఇంగ్లిష్, హిందీతో పాటు అభ్యర్థి ఎంచుకున్న రాష్ట్ర ప్రాంతీయ భాషల్లో (తెలుగు) కూడా రాయవచ్చు. ప్రతి తప్పు సమాధానానికి 1/4 వంతు (0.25) మార్కు కోత ఉంటుంది.

ఆన్‌లైన్ రాత పరీక్షలో సాధించిన మార్కుల ఆధారంగా మెరిట్ జాబితాను తయారు చేసి, అభ్యర్థులకు స్థానిక భాషా పరీక్ష నిర్వహిస్తారు. అభ్యర్థులు తమ 10వ తరగతి లేదా 12వ తరగతి మార్కుల జాబితాలో ఈ స్థానిక భాషను ఒక సబ్జెక్టుగా చదివినట్లు ఆధారాలు చూపిస్తే, వారికి ఈ భాషా పరీక్ష నుంచి మినహాయింపు ఉంటుంది.

దరఖాస్తు విధానం: 

అభ్యర్థులు ముందుగా అధికారిక ఎన్‌ఏపీఎస్‌ (NAPS) పోర్టల్ (www.apprenticeshipindia.gov.in) లో తప్పనిసరిగా నమోదు చేసుకోవాలి. ఆ తర్వాత ఎస్‌బీఐ అధికారిక వెబ్‌సైట్ (sbi.bank.in/web/careers లేదా sbi.bank.in/web/careers/current-openings) ద్వారా ఆన్‌లైన్‌లో మాత్రమే దరఖాస్తు చేసుకోవాల్సి ఉంటుంది. దరఖాస్తు ఫారమ్‌లో వ్యక్తిగత, విద్యా వివరాలు నింపి, ఫోటో, సంతకం స్కాన్ కాపీలను అప్‌లోడ్ చేసి, ఆన్‌లైన్ పేమెంట్ ద్వారా ఫీజు చెల్లించాలి.

ముఖ్య తేదీలు: 

ఆన్‌లైన్ రిజిస్ట్రేషన్ ప్రారంభ తేదీ: 19.05.2026.  

దరఖాస్తు, ఫీజు చెల్లింపునకు చివరి తేదీ: 08.06.2026.  

ఆన్‌లైన్ పరీక్ష నిర్వహణ (తాత్కాలికంగా): జులై 2026 నెలలో.

Website:https://ibpsreg.ibps.in/sbiaapr26/