ఆల్బర్ట్ ఐన్‌స్టీన్

చార్లెస్‌ డార్విన్‌

ఈయన ప్రఖ్యాత ప్రకృతి, జీవశాస్త్రవేత్త. మానవ పరిణామక్రమం గురించి ప్రపంచానికి చాటిచెప్పారు. కోతులే పరిణామ క్రమంలో మనుషులుగా మార్పుచెందాయని వెల్లడించారు.

ఈయన ప్రఖ్యాత ప్రకృతి, జీవశాస్త్రవేత్త. మానవ పరిణామక్రమం గురించి ప్రపంచానికి చాటిచెప్పారు. భూమిపై జీవరాశి ఒక్కసారిగా ఆవిర్భవించలేదని.. ఒక జీవ కణం నుంచి కాలక్రమంలో అనేక ప్రాణులు పుట్టుకొచ్చాయని పేర్కొన్నారు. కోతులే పరిణామ క్రమంలో మనుషులుగా మార్పుచెందాయని వెల్లడించారు. ఈ విషయాలన్నింటినీ తన జీవ పరిణామ సిద్ధాంతంలో ప్రతిపాదించారు. నేటికీ అనేక మంది శాస్త్రవేత్తలు, విద్యావేత్తలు డార్విన్‌ సిద్ధాంతాన్ని విశ్వసిస్తారు. ఆధునిక జీవశాస్త్ర పితామహుడిగా పరిగణించే ‘చార్లెస్‌ డార్విన్‌’ జీవితంలోని ముఖ్య విషయాల గురించి తెలుసుకుందాం..!

బాల్యం - పరిశోధనలు

డార్విన్‌ 1809, ఫిబ్రవరి 12న ఇంగ్లండ్‌లోని ష్రూస్‌బరీలో జన్మించారు. తండ్రి రాబర్ట్‌ డార్విన్‌ ప్రముఖ వైద్యుడు. కొడుకును కూడా డాక్టర్‌ చేయాలని ఆయన భావించేవారు. అయితే చార్లెస్‌కు చిన్నతనంలో చదువంటే ఇష్టం ఉండేది కాదు. టీచర్లు ఈయన్ని మంద బుద్ధి కలిగిన పిల్లాడిగా పేర్కొన్నారు. రాబర్ట్‌ కూడా తన కొడుకు ఎందుకూ పనికిరాడేమోనని సందేహించేవారు.
1818లో చార్లెస్‌ ష్రూస్‌బరీ స్కూల్‌లో చేరారు. బట్టీ విధానంలో చదవడం ఆయనకు నచ్చేది కాదు.
తండ్రి ఒత్తిడి మేరకు 1825లో వైద్య విద్యను అభ్యసించేందుకు ఎడిన్‌బర్డ్‌ విశ్వవిద్యాలయంలో చేరారు. ఆయన చదవడం కంటే శాస్త్రవిషయాలపైనే ఎక్కువగా దృష్టి సారించారు. ప్రముఖ బ్రిటిష్‌ జంతుశాస్త్రవేత్త రాబర్ట్‌ ఎడ్మంట్‌కు సహాయకుడిగా చేరి, సముద్ర అకశేరుకాల శరీర నిర్మాణశాస్త్రం, జీవిత చక్రంపై ఆయన చేస్తోన్న పరిశోధనలకు సాయం చేశారు.
మొక్కల వర్గీకరణను తెలుసుకున్నారు. యూనివర్సిటీ మ్యూజియంలో వివిధ వస్తువుల సేకరణలో సాయం చేశారు.
చార్లెస్‌ చదువును నిర్లక్ష్యం చేయడాన్ని తండ్రి తట్టుకోలేకపోయారు. ఏదో ఒక డిగ్రీ సాధించాలని కోరారు. అలా 1828లో తత్వశాస్త్రంలో డిగ్రీ చేసేందుకు కేంబ్రిడ్జ్‌ యూనివర్సిటీలో చేరారు. 1831లో డిగ్రీ పట్టా పొందారు.

డార్విన్‌ సిద్ధాంతం

అర్జెంటీనాలో ఉండే జంతువులకు, ఆస్ట్రేలియాలోని గడ్డి మైదాన ఆవరణ వ్యవస్థలో ఉండే జీవులకు మధ్య పోలిక లేదని డార్విన్‌ గుర్తించారు. ఇవేవీ ఐరోపా జంతువులను పోలి లేవని పేర్కొన్నారు.
ఈ వైవిధ్యాలు జీవ పరిణామ సిద్ధాంతానికి ఒక శాస్త్రీయ ప్రాతిపదికను ఇచ్చాయి.
ఇంగ్లండ్‌కే చెందిన మరో శాస్త్రవేత్త ఆల్ఫ్రెడ్‌ రస్సెల్‌ వాలెస్‌ మలేసియాలో చేసిన క్షేత్రస్థాయి పరిశోధనల్లోనూ జీవులు పరిణామక్రమం ద్వారానే ఆవిర్భవించాయని నిరూపించారు. చివరకు డార్విన్‌ తన సిద్ధాంతాన్ని ‘ఆరిజన్‌ ఆఫ్‌ స్పీసెస్‌ (జాతుల ఆవిర్భావం)’గా ప్రతిపాదించారు.
ఇప్పటి ఆధునిక జీవశాస్త్ర విభాగాలైన మైక్రోబయాలజీ, జెనెటిక్స్, మాలిక్యులర్‌ బయాలజీల అధ్యయనంలో, వంశపారంపర్య లక్షణాలను వివరించే డీఎన్‌ఏ పరీక్షల్లో డార్విన్‌ సిద్ధాంతం ప్రముఖ పాత్ర వహిస్తూనే ఉంది.

అవార్డులు - గౌరవాలు

1839లో ఫెలో ఆఫ్‌ ది రాయల్‌ సొసైటీగా ఎన్నికయ్యారు.
1853లో రాయల్‌ సొసైటీ ఆఫ్‌ లండన్‌ ‘రాయల్‌ మెడల్‌’ను ప్రదానం చేసింది.
1859లో బయోలాజికల్ సొసైటీ ఆఫ్‌ లండన్‌ ‘వోలాస్టన్‌ మెడల్‌’ బహూకరించింది.
1864లో రాయల్‌ సొసైటీ అత్యుత్తమ మెడల్‌ అయిన కోప్లీ మెడల్‌ అందుకున్నారు.
1879లో బాలీ మెడల్‌ పొందారు.

చివరగా

డార్విన్‌ సిద్ధాంతం మనుషుల ఆలోచనలను మార్చడంలో ముఖ్య భూమిక పోషించింది. జెనెటిక్‌ ఇంజినీరింగ్‌ లాంటి పరిశోధనల్లో ఇది కీలకంగా వ్యవహరించింది. మతపరమైన కారణాల వల్ల మొదట్లో ఈయన సిద్ధాంతాన్ని వ్యతిరేకించినా, తర్వాతి కాలంలో అందరూ దీన్ని స్వాగతించారు. జీవవైవిధ్య పరిశీలనలో ముఖ్య అధ్యాయంగా దీన్ని పేర్కొంటారు. జీవశాస్త్ర రంగంలో మహోన్నత వ్యక్తిగా నిలిచిన డార్విన్‌ 1882, ఏప్రిల్‌ 19న ఇంగ్లండ్‌లో మరణించారు.