‘ఆర్టెమిస్‌-2’

అయిదు దశాబ్దాలకుపైగా సుదీర్ఘ విరామం తర్వాత మళ్లీ చందమామ వైపు మానవసహిత యాత్ర ప్రారంభమైంది. అమెరికా అంతరిక్ష పరిశోధన సంస్థ- నాసాకు చెందిన ప్రతిష్ఠాత్మక ‘ఆర్టెమిస్‌-2’ మిషన్‌లో భాగంగా నలుగురు వ్యోమగాములతో కూడిన రాకెట్‌ కెన్నడీ అంతరిక్ష కేంద్రం నుంచి 2026, ఏప్రిల్‌ 2న నింగిలోకి దూసుకెళ్లింది. ఈ వ్యోమగాములు దాదాపు 25 గంటలపాటు భూమి చుట్టూ పరిభ్రమించి.. అనంతరం జాబిల్లి దిశగా ప్రయాణాన్ని మొదలుపెట్టనున్నారు. 10 రోజులపాటు సాగే ఈ యాత్రలో భాగంగా.. వారు చంద్రుడిని దాటి ఆవల కూడా వేల కిలోమీటర్లు ప్రయాణిస్తారు. మొత్తంగా 4 లక్షల కిలోమీటర్లకుపైగా దూరం వెళ్లాక యూటర్న్‌ తీసుకొని భూమికి తిరిగొస్తారు. ఈ మిషన్‌లో వ్యోమగాములు జాబిల్లిపై కాలు మోపరు. చందమామపై మళ్లీ మానవులను దించాలని, అక్కడ మానవ శాశ్వత ఉనికిని ఏర్పాటుచేయాలని నాసా రచిస్తున్న బృహత్‌ ప్రణాళికలకు ఆర్టెమిస్‌-2 ఆరంభం లాంటిది. 2028 కల్లా చంద్రుడి దక్షిణ ధ్రువం వద్ద తమ వ్యోమగాములను దించాలని ఆ సంస్థ భావిస్తోంది.
ఆర్టెమిస్‌-2 కమాండర్‌గా రీడ్‌ వైస్‌మాన్‌ వ్యవహరిస్తున్నారు. ఆయనతో పాటు పైలట్‌ విక్టర్‌ గ్లోవర్, మరో ఇద్దరు వ్యోమగాములు క్రిస్టీనా కోచ్, జెరెమీ హాన్సన్‌ ఈ మిషన్‌లో భాగంగా నింగిలోకి దూసుకెళ్లారు. వీరిలో హాన్సన్‌ మినహా మిగతా ముగ్గురూ అమెరికన్లే. జాబిల్లి దిశగా చేపట్టిన మానవసహిత యాత్రలో పాలుపంచుకున్న తొలి మహిళగా క్రిస్టీనా కోచ్‌ రికార్డు సృష్టించారు.

మరిన్ని కరెంట్ అఫైర్స్

సూక్ష్మ ప్లాస్టిక్‌ రేణువులు

ప్రపంచవ్యాప్తంగా తాగునీటిలో ఆందోళనకరంగా మారిన సూక్ష్మ ప్లాస్టిక్‌ రేణువులను సులువుగా, పర్యావరణహిత మార్గంలో తొలగించడానికి అమెరికాలోని మిస్సౌరీ విశ్వవిద్యాలయానికి చెందిన శాస్త్రవేత్తలు జన్యు మార్పిడి ద్వారా సరికొత్త ఆల్గేను (పాచి) తయారు చేశారు. ...

గగన్‌యాన్‌ ఇంటిగ్రేటెడ్‌ ఎయిర్‌ డ్రాప్‌ టెస్ట్‌

ప్రతిష్ఠాత్మక గగన్‌యాన్‌ మిషన్‌కు సంబంధించి రెండో ఇంటిగ్రేటెడ్‌ ఎయిర్‌ డ్రాప్‌ టెస్ట్‌ (ఐఏడీటీ-02) విజయవంతమైంది. శ్రీహరికోటలోని సతీశ్‌ ధవన్‌ స్పేస్‌ సెంటర్‌ నుంచి 2026 ఏప్రిల్‌ 10న ఈ పరీక్షను చేపట్టారు....

మైథోస్‌

అమెరికాకు చెందిన కృత్రిమ మేధ (ఏఐ) సంస్థ ఆంథ్రోపిక్‌ ఇటీవల ‘మైథోస్‌ మోడల్‌’ను ఆవిష్కరించింది. నిర్దిష్ట ప్రాంతాల్లో ఇంటర్నెట్‌ సేవలను దెబ్బతీసే శక్తి ఈ మోడల్‌కు ఉంది. ...

కాముకాజి ఆయుధం

ఆధునిక సాంకేతిక యుద్ధాల్లో కీలకపాత్ర పోషించే ఆత్మాహుతి డ్రోన్లు ‘కాముకాజి’ భారత సైన్యం అమ్ములపొదిలోకి వచ్చాయి. ...

ఆర్టెమిస్‌-2 రికార్డు

చంద్రుడిని చుట్టి వచ్చేందుకు ఏప్రిల్‌ 1న నలుగురు వ్యోమగాములతో అమెరికా అంతరిక్ష సంస్థ-నాసా చేపట్టిన ఆర్టెమిస్‌-2 యాత్ర 2026, ఏప్రిల్‌ 6న మానవాళి చరిత్రలో సరికొత్త రికార్డును స్థాపించింది....

బీఎస్‌ఈ-2 హాట్‌ఫైర్‌ పరీక్ష

హైదరాబాద్‌కు చెందిన అంకుర సంస్థ ‘అబ్యోమ్‌ స్పేస్‌టెక్‌ అండ్‌ డిఫెన్స్‌’ పూర్తి స్వదేశీ పరిజ్ఞానంతో అభివృద్ధి చేసిన పునర్వినియోగ రాకెట్‌ లిక్విడ్‌ ఇంజిన్‌ బీఎస్‌ఈ-2 హాట్‌ఫైర్‌ పరీక్షను విజయవంతంగా పూర్తి చేసింది....

తారాగిరి

రక్షణమంత్రి రాజ్‌నాథ్‌ సింగ్‌ 2026, ఏప్రిల్‌ 3న విశాఖలోని తూర్పు నౌకాదళ ముఖ్యకేంద్రంలో ‘సముద్రశక్తి నౌక’గా నిర్మితమైన ‘ఐఎన్‌ఎస్‌ తారాగిరి’ని జాతికి అంకితం (కమిషన్‌) చేశారు....

రక్షణ ఎగుమతుల్లో భారత్‌ రికార్డు

రక్షణ రంగ ఎగుమతుల్లో మనదేశం సరికొత్త మైలురాయిని అధిగమించింది....

సబ్‌మెర్సిబుల్‌

నీటి అడుగున ప్రయాణించడానికి యూ-బోట్‌ అనే డచ్‌ కంపెనీ సబ్‌మెర్సిబుల్‌ (మినీ జలాంతర్గామి)ను నిర్మించింది. ఇది ప్రపంచంలోనే అత్యంత వేగవంతమైన సబ్‌మెర్సిబుల్‌ (మినీ జలాంతర్గామి)గా గుర్తింపు పొందింది....

లైట్‌ మెషిన్‌ గన్‌లు

స్వదేశీ పరిజ్ఞానంతో తయారు చేసిన 2,000 ప్రహార్‌ 7.62 ఎంఎం లైట్‌ మెషిన్‌ గన్‌ (ఎల్‌ఎంజీ)లను అదానీ డిఫెన్స్‌ అండ్‌ ఏరోస్పేస్‌ భారత సైన్యానికి అందజేసింది....

యాంటీప్రొటాన్ల రవాణా

ఐరోపా అణు పరిశోధన సంస్థ (సెర్న్‌) శాస్త్రవేత్తలు ప్రపంచంలోనే తొలిసారిగా యాంటీప్రొటాన్లను ట్రక్కు ద్వారా ప్రయోగాత్మకంగా రవాణా చేశారు. యాంటీప్రొటాన్‌ వంటి ప్రతిపదార్థం (యాంటీమ్యాటర్‌).. సాధారణ పదార్థం (మ్యాటర్‌)తో కలిస్తే నాశనమవుతుంది....