ఏపీ సెంట్రల్‌ యూనివర్సిటీలో ఉద్యోగాలు 

ఆంధ్రప్రదేశ్ కేంద్రీయ విశ్వవిద్యాలయం (సీయూఏపీ), అనంతపురం, 2026-27 విద్యా సంవత్సరానికి గాను వివిధ విభాగాలలో తాత్కాలిక ప్రాతిపదికన అసిస్టెంట్ ప్రొఫెసర్, రిటైర్డ్/సూపర్ యాన్యూయేటెడ్ టీచర్లు, గెస్ట్ ఫ్యాకల్టీల భర్తీకి దరఖాస్తులు ఆహ్వానిస్తోంది.

మొత్తం పోస్టుల సంఖ్య: 60

వివరాలు: 

ఎకనామిక్స్-3, సైకాలజీ-8, పొలిటికల్ సైన్స్-4, కంప్యూటర్ సైన్స్ & ఏఐ-10, ఇంగ్లీష్-5, మేనేజ్‌మెంట్-9, వోకేషనల్ స్టడీస్ (RMIT)-3, కామర్స్-2, తెలుగు-1, మ్యాథమెటిక్స్ అండ్ కంప్యూటింగ్-3, మాలిక్యులర్ బయాలజీ-2, జెనోమిక్ సైన్సెస్-2, కంప్యూటేషనల్ సోషల్ సైన్స్-2, జాగ్రఫీ & జియోఇన్ఫర్మేటిక్స్-2, స్పేస్ సైన్స్ & టెక్నాలజీ-2, కెమిస్ట్రీ-2.

అర్హత: పోస్టులను అనుసరించి సంబంధిత సబ్జెక్టులో కనీసం 55 శాతం మార్కులతో మాస్టర్స్ డిగ్రీ ఉత్తీర్ణత సాధించి ఉండాలి. అభ్యర్థులు యూజీ (UG), పీజీ (PG) డిగ్రీలను సదరు సబ్జెక్టులోనే పూర్తి చేసి ఉండడం తప్పనిసరి. దీంతో పాటు యూజీసీ (UGC) లేదా సీఎస్ఐఆర్ (CSIR) నిర్వహించే నేషనల్ ఎలిజిబిలిటీ టెస్ట్ (NET) లేదా స్లెట్/సెట్ (SLET/SET) ఉత్తీర్ణులై ఉండాలి. యూజీసీ నిబంధనల ప్రకారం పీహెచ్‌డీ (Ph.D.) అర్హత ఉన్నవారికి నెట్/సెట్ నుంచి మినహాయింపు ఉంటుంది.  

వయోపరిమితి: 65 ఏళ్లలోపు ఉండాలి.

వేతనం: నెలకు పోస్టును బట్టి రూ.50,000 నుంచి రూ.75,000.

దరఖాస్తు ప్రక్రియ: ఆన్‌లైన్‌ ఆధారంగా.

దరఖాస్తు ఫీజు: రూ.1,000 చెల్లించాలి. అయితే ఎస్సీ, ఎస్టీ, దివ్యాంగులు (PWD) & మహిళా అభ్యర్థులకు ఎటువంటి దరఖాస్తు రుసుము లేదు.  

ఎంపిక ప్రక్రియ: అకడమిక్ స్కోర్ ఆధారంగా అభ్యర్థులను షార్ట్‌లిస్ట్ చేసి, అనంతరం ఇంటర్వ్యూ నిర్వహిస్తారు. తుది ఎంపిక పూర్తిగా ఇంటర్వ్యూలో కనబరిచిన ప్రతిభ ఆధారంగానే ఉంటుంది. ఈ ఇంటర్వ్యూలు అనంతపురంలోని ఆంధ్రప్రదేశ్ కేంద్రీయ విశ్వవిద్యాలయంలో హైబ్రిడ్ మోడ్‌లో నిర్వహిస్తారు.

దరఖాస్తు చివరి తేదీ: 2026 జూన్‌ 7.

Website: https://cuap.ac.in/vacancy-details/