యూపీఎస్సీ సీడీఎస్‌ఈ-II 2026 నోటిఫికేషన్‌

యూనియన్ పబ్లిక్ సర్వీస్ కమిషన్ (యూపీఎస్సీ), డిఫెన్స్ సర్వీసెస్‌లో ఆయా పోస్టుల భర్తీకి 'కంబైన్డ్ డిఫెన్స్ సర్వీసెస్ ఎగ్జామినేషన్ (సీడీఎస్‌ఈ) (II), 2026' నోటిఫికేషన్‌ను విడుదల చేసింది. 

మొత్తం పోస్టుల సంఖ్య: 451

వివరాలు: 

ఇండియన్ మిలిటరీ అకాడమీ (IMA), డెహ్రాడూన్ – 100   

ఇండియన్ నావల్ అకాడమీ (INA), ఎజిమల – 26   

ఎయిర్ ఫోర్స్ అకాడమీ (AFA), హైదరాబాద్ – 32   

ఆఫీసర్స్ ట్రైనింగ్ అకాడమీ (OTA), చెన్నై (పురుషులు) – 275   

ఆఫీసర్స్ ట్రైనింగ్ అకాడమీ (OTA), చెన్నై (మహిళలు) – 18   

విద్యార్హతలు: 

IMA & OTA:  గుర్తింపు పొందిన విశ్వవిద్యాలయం నుంచి ఏదైనా డిగ్రీ లేదా దానికి సమానమైన అర్హత ఉండాలి. 
ఇండియన్ నావల్ అకాడమీ (INA): గుర్తింపు పొందిన విశ్వవిద్యాలయం/సంస్థ నుంచి ఇంజనీరింగ్‌లో డిగ్రీ లేదా 10+2 స్థాయిలో ఫిజిక్స్, మ్యాథ్స్ సబ్జెక్టులతో పాటు బీఎస్సీ (ఫిజిక్స్ కోర్/ఎలెక్టివ్) డిగ్రీ పూర్తి చేసి ఉండాలి.  
ఎయిర్ ఫోర్స్ అకాడమీ (AFA): 10+2 స్థాయిలో ఫిజిక్స్, మ్యాథ్స్ సబ్జెక్టులతో గుర్తింపు పొందిన విశ్వవిద్యాలయం నుంచి డిగ్రీ లేదా బ్యాచిలర్ ఆఫ్ ఇంజనీరింగ్ ఉత్తీర్ణులై ఉండాలి.  

వయోపరిమితి:

IMA & INA: అభ్యర్థులు 19 నుంచి 24 సంవత్సరాల మధ్య వయస్సు కలిగి ఉండాలి. (01 జులై 2003 కంటే ముందు, 01 జులై 2008 తర్వాత జన్మించి ఉండకూడదు).  

ఎయిర్ ఫోర్స్ అకాడమీ (AFA): 01 జులై 2027 నాటికి 20 నుంచి 24 సంవత్సరాల మధ్య ఉండాలి. (అంటే 02 జులై 2003 కంటే ముందు, 01 జులై 2007 తర్వాత జన్మించి ఉండకూడదు). డీజీసీఏ జారీ చేసిన కమర్షియల్ పైలట్ లైసెన్స్ ఉన్నవారికి గరిష్ఠ వయోపరిమితి 26 సంవత్సరాల వరకు సడలింపు ఉంటుంది.  
OTA (పురుషులు & మహిళలు): 19 నుంచి 25 సంవత్సరాల మధ్య వయస్సు ఉండాలి. (01 జులై 2002 కంటే ముందు, 01 జులై 2008 తర్వాత జన్మించి ఉండకూడదు.  

జీతం: అభ్యర్థులకు శిక్షణ కాలంలో నిర్దేశిత నియమాల ప్రకారం స్టైపెండ్/వేతనం, ఇతర అలవెన్సులు & సైనిక సేవా ప్రయోజనాలు లభిస్తాయి.

దరఖాస్తు విధానం: అర్హులైన అభ్యర్థులు కేవలం యూపీఎస్‌సీ అధికారిక వెబ్‌సైట్ ద్వారా ఆన్‌లైన్‌లో మాత్రమే దరఖాస్తు చేసుకోవాలి. అభ్యర్థులు ముందుగా వన్-టైమ్ రిజిస్ట్రేషన్ (URN) పూర్తి చేసి, ఆపై ఎగ్జామినేషన్ స్పెసిఫిక్ మాడ్యూల్ ద్వారా దరఖాస్తును సమర్పించాల్సి ఉంటుంది.

దరఖాస్తు ప్రారంభ తేదీ: 20.05.2026.  

దరఖాస్తు రుసుము: రూ.200. మహిళలు, ఎస్సీ (SC), ఎస్టీ (ST) అభ్యర్థులకు రుసుము చెల్లింపు నుంచి పూర్తిగా మినహాయింపు ఉంది. 
ఎంపిక ప్రక్రియ: కమిషన్ నిర్వహించే రాత పరీక్ష & అందులో అర్హత సాధించిన వారికి సర్వీసెస్ సెలక్షన్ బోర్డ్ (SSB) ద్వారా నిర్వహించే ఇంటెలిజెన్స్, పర్సనాలిటీ టెస్ట్/ఇంటర్వ్యూ, డాక్యుమెంట్ వెరిఫికేషన్ & మెడికల్ పరీక్షల ఆధారంగా తుది ఎంపిక ప్రక్రియ జరుగుతుంది.

దరఖాస్తు చివరి తేదీ: 09.06.2026 (సాయంత్రం 06:00 గంటల వరకు).

పరీక్ష తేదీ: 2026 సెప్టెంబర్‌ 13.

Website:https://upsc.gov.in/whats-new