ప్రపంచ మానవతా దినోత్సవం

అవసరంలో ఉన్నవారికి వీలైనంత సాయం చేసే గొప్ప గుణమే మానవత్వం.   ఎదుటివారికి సాయపడటం, ప్రతిఫలాన్ని ఆశించకపోవడం, హోదాను బట్టి కాక వ్యక్తిత్వాన్ని బట్టి గౌరవించడం లాంటివన్నీ మానవత్వ చిహ్నాలే. సంక్షోభ సమయాల్లో ఇతరులకు సాయం చేయడానికి ముందుకొచ్చే వారిని గౌరవించే లక్ష్యంతో ఏటా ఆగస్టు 19న ‘ప్రపంచ మానవతా దినోత్సవం’గా (World Humanitarian Day) నిర్వహిస్తారు. ప్రపంచవ్యాప్తంగా కొనసాగుతున్న మానవతా సంక్షోభాల గురించి అవగాహన పెంచడంతోపాటు అవసరంలో ఉన్నవారికి మద్దతు ఇవ్వడానికి చేసే చర్యలను ప్రోత్సహించడం ఈ రోజు ముఖ్య ఉద్దేశం.

• ఐక్యరాజ్యసమితి గణాంకాల ప్రకారం, 2026 మే చివరి నాటికి 252 మిలియన్ల కంటే ఎక్కువమంది ప్రజలకు అత్యవసర మానవతా సహాయం, రక్షణ అవసరమయ్యాయి. 2026, జూన్‌ నాటికి మానవతా సహాయ భాగస్వాములు (humanitarian partners) 143.2 మిలియన్ల మందికి సాయం చేయడానికి ప్రణాళికలు సిద్ధం చేశారు. ఇందులో అత్యంత తీవ్ర అవసరాలున్న దాదాపు 89 మిలియన్ల మందికి ప్రాణ రక్షక సాయం  అందించడానికి ప్రాధాన్యం ఇచ్చారు.
• 2026, ఏప్రిల్‌ చివరి నాటికి మానవతా సహాయ భాగస్వాములు సుమారు 45.2 మిలియన్ల మందికి కనీసం ఒక రకమైన సహాయం లేదా రక్షణ అందించారు. అంటే సహాయం అవసరమైన మొత్తం వ్యక్తుల్లో దాదాపు ప్రతి ఆరుగురిలో ఒకరికి దక్కింది. 2026, మే 31 నాటికి మానవతా సహాయ ప్రణాళికలకు 33.66 బిలియన్‌ డాలర్లు అవసరమవగా, 8.21 బిలియన్‌ డాలర్లు సమకూరాయి. ఇది అవసరమైన మొత్తంలో 24.4%.
• 2025లో 21 దేశాల్లో కనీసం 326 మంది మానవతా సహాయ కార్యకర్తలు మరణించినట్లు ఐక్యరాజ్యసమితికి చెందిన ఆఫీస్‌ ఫర్‌ ది కోఆర్డినేషన్‌ ఆఫ్‌ హ్యుమానిటేరియన్‌ అఫైర్స్‌ (ఓసీహెచ్‌ఏ) వెల్లడించింది. దీంతో గత మూడేళ్లలో మరణించిన వారి సంఖ్య వెయ్యి దాటింది. 2025లో జరిగిన 20 సాయుధ ఘర్షణల్లో 37వేల మందికి పైగా పౌరులు మరణించినట్లు ఐరాస నమోదు చేసింది. అంటే దాదాపు ప్రతి 14 నిమిషాలకు ఒక మరణం నమోదైంది. 

చారిత్రక నేపథ్యం

ప్రపంచ మానవతా దినోత్సవాన్ని ఏటా ఆగస్టు 19న జరుపుకోవాలని ఐక్యరాజ్య సమితి 2008, డిసెంబరులో తీర్మానించింది. సంక్షోభ సమయాల్లో ప్రజలకు నిస్వార్థంగా సేవలు అందించే మానవతావాదుల త్యాగాలను గౌరవించే ఉద్దేశంతో ఐరాస ఈ దినోత్సవాన్ని ఏర్పాటు చేసింది. ప్రపంచ మానవతా దినోత్సవాన్ని మొదటిసారి 2009లో నిర్వహించారు. 

గత పరీక్షల్లో అడిగిన ప్రశ్నలు

1. 2025లో మయన్మార్‌ భూకంపం సమయంలో భారత్‌ చేపట్టిన సహాయక చర్యల పేరు?

(ఎస్‌ఎస్‌సీ జీడీ కానిస్టేబుల్, 2026)

1) ఆపరేషన్‌ సముద్ర సేతు            2) ఆపరేషన్‌ సహాయత

3) ఆపరేషన్‌ బ్రహ్మ                4) ఆపరేషన్‌ మైత్రి

సమాధానం: 3

2. ఐక్యరాజ్యసమితి ప్రపంచ మానవతా సదస్సులో పేర్కొన్న గ్రాండ్‌ బార్డెన్‌ కింది దేనికి సంబంధించిన సంస్కరణల హామీలతో వ్యవహరిస్తుంది?

(కేరళ సెట్, 2017)

1) వలస చట్టాలు                        2) టీకా కార్యక్రమాలు

3) మానవతా సహాయ నిధుల సమకూర్పు    4) వలసదారులకు ఉపాధి అవకాశాలు

సమాధానం: 3

3. ప్రపంచ మానవతా దినోత్సవాన్ని ఏటా ఏ తేదీన నిర్వహిస్తారు?

(కేవీఎస్‌ పీఆర్‌టీ, 2017), (బీఎస్‌ఎన్‌ఎల్‌ జేటీఓ(టీ) ఎల్‌ఐసీఈ, 2018)

(ఎన్‌డీఏ జనరల్‌ ఎబిలిటీ, 2019), (ఎన్‌డీఏ జనరల్‌ ఎబిలిటీ, 2017)

1) ఆగస్టు 15                     2) ఆగస్టు 19

3) సెప్టెంబరు 19                  4) సెప్టెంబరు 15

సమాధానం: 2

4. కిందివాటిలో ఏది మానవతా సంక్షోభాల పరిధిలోకి రాదు?

(ఎస్‌ఎస్‌సీ సీజీఎల్‌ టైర్‌ 2, 2022)

1) భూకంపాలు, వరదలు            2) అంతర్యుద్ధం

3) హింస, వేధింపులు                4) సాయుధ ఘర్షణలు

సమాధానం: 1

5. According to the 2025 Financial Tracking Services report by the United Nations Office for the Coordination of Humanitarian Affairs, which two contributors ranked higher than UAE in global humanitarian aid?
(RRB NTPC (Graduate) CBT-I, 2026)
1) Morocco and Denmark            2) United States and European Union
3) India and United Kingdom            4) China and Japan
Ans: 2
6. With which country did India conduct the joint Humanitarian Assistance and Disaster Relief (HADR) exercise in May 2025?
(RRB Group D, 2025)
1) The Philippines        2) The Maldives        3) Sri Lanka        4) Japan
Ans: 2
7. The Indian Army conducted which of the following Multilateral Annual Joint Humanitarian Assistance and Disaster Relief (HADR) Exercises at Ahmedabad and Porbandar in November 2024?
(RPF Constable, 2025)
1) Operation Vijay 2024        2) Operation Kaveri
3) Operation Karuna        4) Sanyukt Vimochan 2024
Ans: 4
8. In response to Cyclone Ditwah in 2025, India expanded which humanitarian mission to deliver aid to Sri Lanka by deploying additional Indian Navy warships?
(RRB NTPC (Graduate) CBT-I, 2026)
1) Operation Samudra Setu    2) Operation Sagar Bandhu
3) Operation Maitri        4) Operation Vanila
Ans: 2