‘అవెండస్‌ వెల్త్‌ హురున్‌ ఇండియా యూ35 లిస్ట్‌ 2026’

దేశంలో యువ సారథుల (35 ఏళ్లలోపు యువతీ యువకుల) నేతృత్వంలోని కంపెనీల విలువ మొత్తం రూ.48 లక్షల కోట్లకు చేరిందని ‘అవెండస్‌ వెల్త్‌ హురున్‌ ఇండియా యూ35 లిస్ట్‌ 2026’ నివేదిక వెల్లడించింది. 2025తో పోలిస్తే ఈ విలువ 23% అధికమని పేర్కొంది. ఈ జాబితాలో చోటు దక్కించుకున్న యువ పారిశ్రామికవేత్తలు, వారసుల సంఖ్య గత ఏడాది (2025) 155 కాగా, 2026లో 16% పెరిగి 180కి చేరుకుంది. వీరిలో 71% మంది సొంతంగా వ్యాపారాలను ప్రారంభించిన తొలితరం పారిశ్రామికవేత్తలేనని నివేదిక తెలిపింది.

సొంతంగా వ్యాపారాలను ప్రారంభించి, కనీసం 5 కోట్ల డాలర్ల (సుమారు రూ.475 కోట్ల) విలువ కలిగిన సంస్థలను నిర్మించిన తొలి తరం వ్యవస్థాపకులతో పాటు, కనీసం 10 కోట్ల డాలర్ల (సుమారు రూ.950 కోట్ల) విలువ కలిగిన కుటుంబ వ్యాపారాలను నిర్వహిస్తున్న తరువాతి తరం నాయకులకు ఈ జాబితాలో స్థానం కల్పించారు.