అమల్లోకి భారత్‌-న్యూజిలాండ్‌ ఎఫ్‌టీఏ

భారత్‌-న్యూజిలాండ్‌ మధ్య కుదిరిన స్వేచ్ఛా వాణిజ్య ఒప్పందం (ఎఫ్‌టీఏ) 2026, అక్టోబరు 20 నుంచి అమల్లోకి వచ్చింది. దీని ద్వారా భారత్‌ నుంచి న్యూజిలాండ్‌కు ఎగుమతి అయ్యే అన్ని రకాల వస్తువులపై దిగుమతి సుంకాలు 100% రద్దవుతాయని కేంద్ర వాణిజ్య, పరిశ్రమల శాఖ మంత్రి పీయూశ్‌ గోయల్‌ తెలిపారు.

• ఈ వాణిజ్య ఒప్పందంపై రెండు దేశాలు 2026, ఏప్రిల్‌ 27న అధికారికంగా సంతకాలు చేశాయి. కార్మిక ఆధారిత రంగాలైన జౌళి, తోలు ఉత్పత్తులు, పాదరక్ష, రెడీమేడ్‌ దుస్తులు వంటి విభాగాల ఎగుమతిదార్లకు ఇది భారీ అంతర్జాతీయ మార్కెట్‌ అవకాశాలను కల్పించనుంది.