భౌతిక శాస్త్రంలో నోబెల్‌

అత్యంత సూక్ష్మ రేణువులైన న్యూట్రినోలపై పరిశోధనల్లో ప్రసిద్ధిపొందిన శాస్త్రవేత్త ఫ్రాన్సిస్‌ హాల్జెన్‌ 2026 ఏడాదికి భౌతిక శాస్త్రంలో నోబెల్‌ బహుమతికి ఎంపికయ్యారు. రాయల్‌ స్వీడిష్‌ అకాడమీ ఆఫ్‌ సైన్సెస్‌ అక్టోబరు 6న దీన్ని తెలిపింది. విశ్వం నుంచి వెలువడే, విద్యుదావేశం ఏమాత్రం లేని హైఎనర్జీ న్యూట్రినోలను కనుగొనడంతోపాటు ఐస్‌క్యూబ్‌ న్యూట్రినో అబ్జర్వేటరీ అనే పరిశోధన కేంద్రం ఏర్పాటు కోసం చేసిన కృషికి గుర్తింపుగా ఆయనకు ఈ గౌరవం దక్కింది. విశ్వం రూపాంతరం చెందిన తీరు గురించి ఈ సూక్ష్మ రేణువులు కొత్త విషయాలను వెలుగులోకి తెస్తాయని శాస్త్రవేత్తలు చెబుతున్నారు.