నీటివనరుల గణన నివేదిక

తెలంగాణలో నీటి వనరుల సంఖ్య 53,685గా ఉన్నట్లు కేంద్ర జల్‌శక్తిశాఖ నిర్వహించిన రెండో జల వనరుల గణాంకాల నివేదిక తేల్చింది. గడిచిన అయిదేళ్లలో ప్రభుత్వం 367 నీటి వనరులను పునరుద్ధరించిందని తెలిపింది. 2017-18 సంవత్సరం ఆధారంగా నిర్వహించిన మొదటి సర్వేతో పోలిస్తే రెండో గణన నాటికి నీటి వనరుల సంఖ్య 64,056 నుంచి 53,685కి (దాదాపు 16.19%) తగ్గిందని పేర్కొంది. 53,685 నీటి వనరుల్లో 3,063 వనరులు ఆక్రమణలకు గురయ్యాయని వెల్లడించింది.

2023-24 లెక్కల ఆధారంగా రూపొందించిన రెండో సర్వే గణాంకాల నివేదికను కేంద్ర జల్‌శక్తి మంత్రి సీఆర్‌ పాటిల్‌ తాజాగా విడుదల చేశారు.