సాగు విస్తీర్ణంలో 81 శాతం

తెలంగాణ రాష్ట్రంలో వానాకాలం సీజన్‌లో ఇంతవరకు మొత్తం సాగు విస్తీర్ణంలో 81 శాతం మేర పంటలు వేశారు. 1,32,38,446 ఎకరాలకు గాను 1,07,17,314 ఎకరాల్లో పంటలు సాగవుతున్నాయి. ప్రధాన పంట వరి సాగు.. మొత్తం లక్ష్యంలో 63 శాతానికి చేరింది. లక్ష్యాన్ని మించి పత్తి సాగవుతోంది. పెసర పంట కూడా సాధారణం కంటే 49 శాతం అధికంగా వేశారు. రాష్ట్రంలో ఈ సీజన్‌లో ఇంకా వర్షపాతం లోటుగానే (12.44 శాతం) ఉంది. 11 జిల్లాల్లో, 239 మండలాల్లో తక్కువగానే నమోదైంది. 2025తో పోలిస్తే ఈసారి పంటల విస్తీర్ణం 5 లక్షల ఎకరాల మేర తక్కువగా ఉన్నట్లు వ్యవసాయశాఖ తెలిపింది. ఈ మేరకు 2026, ఆగస్టు 12న ప్రభుత్వానికి నివేదిక ఇచ్చింది. సీజన్‌లో 73 రోజులు పూర్తయిన సందర్భంగా పంటల స్థితిగతులు, వర్షపాతం, ఇతర వివరాలను అందులో వెల్లడించింది.