ఎస్‌కేఎల్‌టీజీహెచ్‌యూలో ఎంఎస్సీ, పీహెచ్‌డీ హార్టికల్చర్‌ ప్రవేశాలు 2026-27

శ్రీ కొండా లక్ష్మణ్‌ తెలంగాణ రాష్ట్ర ఉద్యాన విశ్వవిద్యాలయం (ఎస్‌కేఎల్‌టీజీహెచ్‌యూ) 2026-27 విద్యా సంవత్సరానికి హార్టికల్చర్‌ విభాగంలో ఎంఎస్సీ (ఆనర్స్‌), పీహెచ్‌డీ (హార్టికల్చర్‌) ప్రవేశాలకు నోటిఫికేషన్‌ విడుదల చేసింది.

వివరాలు:

ఎంఎస్సీ (హార్టికల్చర్‌): మొత్తం సీట్లు: 34
(విభాగాలు: ఫ్రూట్‌ సైన్స్‌, వెజిటేబుల్‌ సైన్స్‌, ఫ్లోరీకల్చర్‌ అండ్‌ ల్యాండ్‌స్కేపింగ్‌, ప్లాంటేషన్‌, స్పైసెస్‌, మెడిసినల్‌ అండ్‌ ఆరోమేటిక్‌ క్రాప్స్‌, పోస్ట్‌ హార్వెస్ట్‌ మేనేజ్‌మెంట్‌.

పీహెచ్‌డీ (హార్టికల్చర్‌): 10

(విభాగాలు: ఫ్రూట్‌ సైన్స్‌, వెజిటేబుల్‌ సైన్స్‌, ఫ్లోరీకల్చర్‌ అండ్‌ ల్యాండ్‌స్కేపింగ్‌, ప్లాంటేషన్‌, స్పైసెస్‌, మెడిసినల్‌ అండ్‌ ఆరోమేటిక్‌ క్రాప్స్‌)

అర్హతలు: ఎంఎస్సీ హార్టికల్చర్: నాలుగేళ్ల వ్యవధి కలిగిన బీఎస్సీ (హార్టికల్చర్‌)/బీఎస్సీ(హానర్స్‌) హార్టికల్చర్‌ డిగ్రీతో పాటు ఐసీఏఆర్ ఏఐఈఈఏ (పీజీ)-2026 ప్రవేశ పరీక్షకు హాజరైన అభ్యర్థులే అర్హులు.
పీహెచ్‌డీ హార్టికల్చర్: నాలుగేళ్ల బీఎస్సీ(హానర్స్‌) హార్టికల్చర్‌/బీఎస్సీ (హార్టికల్చర్‌) డిగ్రీతో పాటు సంబంధిత విభాగంలో రెండేళ్ల ఎంఎస్సీ (హార్టికల్చర్‌) పూర్తి చేసి ఉండాలి. ఐసీఏఆర్‌ ఏఐసీఈ-జేఆర్‌ఎఫ్‌/ఎస్‌ఆర్‌ఎఫ్‌(పీహెచ్‌డీ)-2026 ప్రవేశ పరీక్షకు హాజరైనవారే అర్హులు.

వయోపరిమితి: 31.12.2026 నాటికి 40 ఏళ్లు మించకూడదు. దరఖాస్తు
విధానం: ఆన్‌లైన్‌ ద్వారా.

దరఖాస్తు ఫీజు: జనరల్/ఓబీసీ అభ్యర్థులు: ఒక్కో కోర్సుకు రూ.1,500; ఎస్సీ/ఎస్టీ/దివ్యాంగ అభ్యర్థులు: ఒక్కో కోర్సుకు రూ.750. ఆలస్య రుసుముతో జనరల్/ఓబీసీ అభ్యర్థులకు మొత్తం రూ.3,500; ఎస్సీ/ఎస్టీ/దివ్యాంగ
అభ్యర్థులకు మొత్తం రూ.1,750.

ఎంపిక విధానం:

ఎంఎస్సీ: బీఎస్సీ మార్కులకు 40 శాతం, ప్రవేశ పరీక్ష మార్కులకు 60 శాతం వెయిటేజీ ఇస్తారు.
పీహెచ్‌డీ: బీఎస్సీ మార్కులకు 20 శాతం, ఎంఎస్సీ మార్కులకు 20 శాతం, ప్రవేశ పరీక్ష మార్కులకు 60 శాతం వెయిటేజీ ఇస్తారు.

మెరిట్ ఆధారంగా ఆఫ్‌లైన్ కౌన్సెలింగ్ ద్వారా సీట్లు కేటాయిస్తారు.

ముఖ్యమైన తేదీలు..

రిజిస్ట్రేషన్‌ ఫీజు చెల్లింపుకు చివరి తేదీ: 06.11.2026

ఆలస్య రుసుముతో దరఖాస్తుకు చివరి తేదీ: 09.11.2026

Website:https://skltghu.ac.in/