పీజేటీఏయూలో మాస్టర్స్‌ డిగ్రీ ప్రోగ్రామ్‌ల్లో ప్రవేశాలు

ప్రొఫెసర్‌ జయశంకర్‌ తెలంగాణ అగ్రికల్చరల్‌ యూనివర్సిటీ (పీజేటీఏయూ) 2026-27 విద్యా సంవత్సరానికి వివిధ మాస్టర్స్‌ డిగ్రీ ప్రోగ్రామ్‌లలో ప్రవేశాలకు నోటిఫికేషన్‌ విడుదల చేసింది. ఎంఎస్సీ అగ్రికల్చర్‌, ఎంబీఏ, ఎంటెక్‌, ఎంఎస్సీ కోర్సుల్లో రెగ్యులర్‌, స్పెషల్‌ కోటా కింద ప్రవేశాలు కల్పించనున్నారు.

వివరాలు:

మాస్టర్స్‌ డిగ్రీ ప్రోగ్రామ్‌ 2026

కోర్సుల వారీగా సీట్ల వివరాలు..

ఎంఎస్సీ అగ్రికల్చర్‌: 97 సీట్లు

ఎంబీఏ (అగ్రిబిజినెస్‌ మేనేజ్‌మెంట్‌): 12 సీట్లు

ఎంఎస్సీ కమ్యూనిటీ సైన్స్‌: 15 సీట్లు

ఎంటెక్‌ అగ్రికల్చర్‌ ఇంజినీరింగ్‌: 11 సీట్లు

రెగ్యులర్‌ కోటా మొత్తం: 135 సీట్లు

ప్రత్యేక కోటాలో అదనంగా 27 సీట్లు, 3 ఈడబ్ల్యూఎస్‌ సీట్లతో ఉన్నాయి.

విభాగాలు: అగ్రికల్చరల్‌ ఎకనామిక్స్‌, అగ్రికల్చరల్‌ ఎక్స్‌టెన్షన్‌ ఎడ్యుకేషన్‌, అగ్రోనమీ, అగ్రికల్చరల్‌ సైన్స్‌, ఎంటమాలజీ, ఎన్విరాన్మెంటల్‌ సైన్స్‌, మైక్రోబయాలజీ, ప్లాంట్‌ పాథాలజీ, ప్లాంట్‌ ఫిజియోలజీ, సాయిల్‌సైన్స్‌, అగ్రిబిజినెస్‌ మేనేజ్‌మెంట్‌, అప్పారెల్‌ అండ్‌ టెక్స్‌టైల్‌ సైన్స్‌, ఫుడ్స్‌ అండ్‌ న్యూట్రిషన్‌, రిసోర్స్‌ మేనేజ్‌మెంట్‌, ప్రాసెసింగ్‌ అండ్‌ ఫుడ్‌ ఇంజినీరింగ్‌, సాయిల్‌ అండ్‌ వాటర్‌ కన్జర్వేషన్‌ ఇంజినీరింగ్‌, డిజిటల్‌ అగ్రికల్చర్‌ అండ్‌ టెక్నాలజీ.

అర్హతలు: రాష్ట్ర/జాతీయ అగ్రికల్చరల్‌ యూనివర్సిటీ లేదా ఐసీఏఆర్‌ గుర్తింపు పొందిన సంస్థ/కాలేజీ నుంచి సంబంధిత 4 సంవత్సరాల బ్యాచిలర్‌ డిగ్రీని పూర్తి చేసి ఉండాలి. ఐసీఏఆర్‌ పీజీ-ఏఐఈఈఏ (ICAR PG-AIEEA 2026)లో అర్హత సాధించి ఉండాలి.

వయోపరిమితి: 2026 డిసెంబర్‌ 31 నాటికి గరిష్ఠ వయసు 40 సంవత్సరాలు.

దరఖాస్తు విధానం: ఆన్‌లైన్‌ ద్వారా.

దరఖాస్తు ఫీజు: జనరల్‌ రూ.3000; ఎస్సీ/ఎస్టీ/దివ్యాంగ అభ్యర్థులు రూ.1500.

దరఖాస్తు ఫీజు చెల్లింపుకు చివరి తేదీ: 22.10.2026.

దరఖాస్తు చివరి తేదీ: 23.10.2026

దరఖాస్తు సవరణ తేదీలు: అక్టోబరు 24, 25.

ఎంపిక విధానం: ఐసీఏఆర్‌ పీజీ-ఏఐఈఈఏ (పీజీ) 2026 ర్యాంక్‌ ఆధారంగా. ఎంబీఏ (ఏబీఎం)కు ఐసీఏఆర్‌ ఏఐఈఈఏ స్కోర్‌తో పాటు పీజేటీఏయూ నిర్వహించే గ్రూప్‌ డిస్కషన్‌, పర్సనల్‌ ఇంటర్వ్యూ ఉంటుంది. తుది ప్రవేశం ఆఫ్‌లైన్‌ కౌన్సెలింగ్‌ ద్వారా జరుగుతుంది.

Website: https://pjtau.edu.in/online-application-for-pg-courses-pjtau-2026-27/