ఐసీఐ తిరుపతి/ నోయిడాలో బీబీఏ, ఎంబీఏ (కలినరీ ఆర్ట్స్) ప్రోగ్రామ్

భారత ప్రభుత్వ పర్యాటక మంత్రిత్వ శాఖ ఆధ్వర్యంలోని ఇండియన్ కలినరీ ఇన్‌స్టిట్యూట్ (ఐసీఐ), ఇందిరా గాంధీ నేషనల్ ట్రైబల్ యూనివర్శిటీ (ఐజీఎన్‌టీయూ) సహకారంతో 2026-27 విద్యా సంవత్సరానికి ప్రవేశ ప్రకటనను విడుదల చేసింది. తిరుపతి, నోయిడా క్యాంపస్‌లలో కేంద్రాల్లో బీబీఏ, ఎంబీఏ కలినరీ ఆర్ట్స్‌ కోర్సుల్లో రెండో విడత ప్రవేశాలకు దరఖాస్తులు ఆహ్వానిస్తోంది. ప్రవేశం పొందిన విద్యార్థులకు చెఫ్‌, కిచెన్‌ మేనేజ్‌మెంట్- కలినరీ స్పెషలిస్టులుగా ఉపాధి పొందేందుకు అవసరమైన నైపుణ్యాలపై శిక్షణ ఇస్తారు.

వివరాలు:

1. బీబీఏ (కలినరీ ఆర్ట్స్): ప్రోగ్రామ్ వ్యవధి మూడేళ్లు.

సీట్ల వివరాలు: ఐసీఐ తిరుపతిలో 120 సీట్లు; ఐసీఐ నోయిడాలో 120 సీట్లు ఉన్నాయి.

అర్హత: కనీసం 45% మార్కులతో ఇంటర్‌/ 12వ తరగతి ఉత్తీర్ణులై ఉండాలి. ఎస్సీ, ఎస్టీ అభ్యర్థులకు 40 శాతం మార్కులు సరిపోతుంది.

ఎంపిక ప్రక్రియ: సీయూఈటీ(యూజీ) 2026 స్కోరు లేదా ఐసీఐ నిర్వహించే ఐజీఎన్‌టీయూ- జేఈఈ(యూజీ) 2026 స్కోరు తదితరాల ఆధారంగా సీటు కేటాయిస్తారు.

2. ఎంబీఏ (కలినరీ ఆర్ట్స్) ప్రోగ్రామ్: ప్రోగ్రామ్ వ్యవధి రెండేళ్లు.

సీట్ల వివరాలు: ఐసీఐ తిరుపతిలో 30 సీట్లు; ఐసీఐ నోయిడాలో 30 సీట్లు ఉన్నాయి.

అర్హత: కనీసం 45% మార్కులతో బ్యాచిలర్‌ డిగ్రీ ఉత్తీర్ణులై ఉండాలి. ఎస్సీ, ఎస్టీ అభ్యర్థులకు 40 శాతం మార్కులు సరిపోతుంది.

ఎంపిక ప్రక్రియ: సీయూఈటీ(పీజీ) 2026 స్కోరు లేదా ఐసీఐ నిర్వహించే ఐజీఎన్‌టీయూ- జేఈఈ(యూజీ) 2026 స్కోరు తదితరాల ఆధారంగా సీటు కేటాయిస్తారు.

రెండో రౌండ్ దరఖాస్తులు ప్రారంభం: 15.04.2026.

రెండో రౌండ్ దరఖాస్తుకు చివరి తేదీ: 20.05.2026.

జేఈఈ (యూజీ/పీజీ) పరీక్ష: మే 24