స్వనాథ్ స్కాలర్‌షిప్ 2026

ఉన్నత విద్యను అభ్యసిస్తున్న అనాథలు, కోవిడ్-19 కారణంగా తల్లిదండ్రులను కోల్పోయిన విద్యార్థులు, విధి నిర్వహణలో అమరులైన సాయుధ దళాలు/కేంద్ర పారామిలిటరీ దళాల సిబ్బంది పిల్లలు, అలాగే తీవ్రమైన ప్రాణాంతక వ్యాధులతో బాధపడుతున్న లేదా ప్రమాదంలో మరణించిన/80 శాతం కంటే ఎక్కువ వైకల్యం పొందిన తల్లిదండ్రుల పిల్లలకు ఆర్థిక సహాయం అందించేందుకు ఏఐసీటీఈ.. స్వానాథ్ స్కాలర్‌షిప్ పథకం అమలు చేస్తోంది. 2026 ఏడాది స్కాలర్‌షిప్‌లకు సంబంధించి నోటిఫికేషన్‌ విడుదలైంది.

వివరాలు:

ఏఐసీటీఈ స్వనాథ్ స్కాలర్‌షిప్ 2026

మొత్తం స్కాలర్‌షిప్‌లు: 2,000

డిగ్రీ విద్యార్థులకు: 1,000

డిప్లొమా విద్యార్థులకు: 1,000

స్కాలర్‌షిప్ మొత్తం: సంవత్సరానికి రూ.50,000

అర్హతలు:

కోవిడ్-19 వల్ల తల్లిదండ్రులను కోల్పోయిన వారు, అమరులైన సాయుధ దళాలు లేదా కేంద్ర పారామిలిటరీ దళాల సిబ్బంది పిల్లలు, తీవ్రమైన ప్రాణాంతక వ్యాధితో బాధపడుతున్న లేదా ప్రమాదంలో మరణించిన/80% కంటే ఎక్కువ వైకల్యం పొందిన తల్లిదండ్రుల పిల్లలు ఏఐసీటీఈ ఆమోదించిన డిగ్రీ/డిప్లొమా కోర్సుల్లో రెగ్యులర్‌గా చదువుతూ ఉండాలి. కేంద్ర లేదా రాష్ట్ర ప్రభుత్వ ఇతర స్కాలర్‌షిప్‌లు పొందుతూ ఉండకూడదు.

కుటుంబ వార్షిక ఆదాయం రూ.8 లక్షలకు మించరాదు

ఎంపిక విధానం: డిగ్రీ విద్యార్థులు ఇంటర్‌ (10+2) లేదా సమాన అర్హత పరీక్షలో సాధించిన మార్కుల ఆధారంగా మెరిట్ ఎంపిక.

డిప్లొమా విద్యార్థులు: 10వ తరగతి లేదా సమాన అర్హత పరీక్షలో సాధించిన మార్కుల ఆధారంగా ఎంపిక.

దరఖాస్తు విధానం:

జాతీయ స్కాలర్‌షిప్ పోర్టల్ (NSP) ద్వారా ఆన్‌లైన్‌లో దరఖాస్తు చేయాలి.

విద్యార్థి చదువుతున్న విద్యాసంస్థ దరఖాస్తును ధ్రువీకరిస్తుంది.

అనంతరం సంబంధిత రాష్ట్ర/కేంద్ర పాలిత ప్రాంత విద్యాశాఖ పరిశీలిస్తుంది.

అవసరమైన ధ్రువపత్రాలు:

మరణ ధ్రువీకరణ పత్రాలు (అవసరమైతే)

ఆదాయ ధ్రువీకరణ పత్రం

బోనాఫైడ్ సర్టిఫికేట్

10వ తరగతి, ఇంటర్ మార్కుల మెమోలు

కుల ధ్రువీకరణ పత్రం (వర్తిస్తే)

ఇతర సంబంధిత ధ్రువీకరణ పత్రాలు

ముఖ్యమైన అంశాలు:

ఆధార్ నంబర్ తప్పనిసరి.

ప్రతి సంవత్సరం NSP ద్వారా దరఖాస్తులు ఆహ్వానిస్తారు.

ఇతర స్కాలర్‌షిప్‌లు పొందుతున్న వారు అర్హులు కారు.

స్కాలర్‌షిప్ మొత్తం నేరుగా DBT ద్వారా విద్యార్థుల ఖాతాల్లో జమ అవుతుంది.

దరఖాస్తు చివరి తేదీ: 31.10.2026.

Website: https://scholarships.gov.in/All-Scholarships