విద్యాదాన్‌ ఉపకార వేతనాలు 2026 

సరోజినీ దామోదర్ ఫౌండేషన్ (ఎస్‌డీఎఫ్‌) ఆర్థికంగా వెనుకబడిన, చదువులో అత్యుత్తమ ప్రతిభ కనబరిచే విద్యార్థుల కోసం 2026 విద్యా సంవత్సరానికి విద్యాదాన్ స్కాలర్‌షిప్ నోటిఫికేషన్‌ను విడుదల చేసింది. ఈ ప్రోగ్రామ్ ద్వారా ఎంపికైన విద్యార్థులకు ఇంటర్మీడియట్ లేదా డిప్లొమా చదువుకోవడానికి ఆర్థిక సహాయంతో పాటు భవిష్యత్తు కోసం మెంటరింగ్ కూడా అందిస్తారు. ఇప్పటి వరకు విద్యాదాన్‌ ప్రోగ్రామ్‌ ద్వారా 15000+ మంది విద్యార్థులు కేరళ, కర్ణాటక, ఆంధ్రప్రదేశ్‌, తెలంగాణ, చెన్నై, గోవా, ఒడిశా ఇతర రాష్ట్రాలనుంచి లబ్దిపొందారు. విద్యార్థి చదివే కోర్సుల, కాలపరిమితిని బట్టి ఏడాదికి రూ.10,000- రూ.75,000 స్కాలర్‌షిప్‌ అందుతుంది. 

వివరాలు: 

అర్హతలు: 2025-2026 విద్యాసంవత్సరంలో 10వ తరగతి (SSC) పూర్తి చేసి, ప్రస్తుతం ఇంటర్మీడియట్ లేదా డిప్లొమా చదువుతున్న విద్యార్థులు దీనికి అర్హులు. అభ్యర్థులు 10వ తరగతిలో కనీసం 90% మార్కులు లేదా 9 సీజీపీఏ సాధించి ఉండాలి (దివ్యాంగులకు 75% లేదా 7.5 సీజీపీఏ ఉంటే సరిపోతుంది). అలాగే, విద్యార్థి కుటుంబ వార్షిక ఆదాయం రూ.2,00,000 లోపు ఉండాలి.  

ఎంపిక విధానం: విద్యార్థి చదువులో చూపిన ప్రతిభ, అప్లికేషన్‌ ద్వారా ఇచ్చిన ద్వారా ఆన్‌లైన్‌, పరీక్ష, మౌఖిక పరీక్ష ద్వారా ఎంపిక చేస్తారు.

దరఖాస్తు ముఖ్య తేదీలు: 

దరఖాస్తు చివరి తేదీ: 20.06.2026.  

ఆన్‌లైన్ పరీక్ష తేదీ: 05.07.2026.

ముఖ్యాంశాలు..

జులై 15- ఆగస్టు 15 మధ్య ఆంధ్రప్రదేశ్‌ విద్యార్థులకు ఇంటర్వ్యూలు/పరీక్షలు నిర్వహిస్తారు. ఎంపికైన అభ్యర్థులందరికి తేదీ, ప్రదేశం ఈమెయిల్‌ ద్వారా తెలియచేస్తారు.

జులై 25- ఆగస్టు 25 మధ్య తెలంగాణ విద్యార్థులకు ఇంటర్వ్యూలు/పరీక్షలు నిర్వహిస్తారు. ఎంపికైన అభ్యర్థులందరికి తేదీ, ప్రదేశం ఈమెయిల్‌ ద్వారా తెలియచేస్తారు.

Website: https://www.vidyadhan.org/web/index.php