ఎన్‌పీసీఐఎల్‌లో ఇంటర్న్ ఉద్యోగాలు

న్యూక్లియర్ పవర్ కార్పొరేషన్ ఆఫ్ ఇండియా లిమిటెడ్ (ఎన్‌పీసీఐఎల్‌), భారత ప్రభుత్వ అణుశక్తి విభాగానికి చెందిన ప్రభుత్వ రంగ సంస్థ, ఫైనాన్స్ అండ్ అకౌంట్స్ విభాగంలో సీఏ లేదా సీఎంఏ ఇంటర్ పూర్తి చేసిన అభ్యర్థులకు విభిన్న యూనిట్లు, ప్రధాన కార్యాలయంలో ప్రయోగాత్మక శిక్షణ (ఇంటర్న్‌షిప్) అవకాశం కల్పిస్తోంది.

మొత్తం పోస్టులు: 51

వివరాలు:

అర్హత: అభ్యర్థులు సీఏ లేదా సీఎంఏ ఇంటర్ పరీక్షలో ఉత్తీర్ణులై ఉండాలి. ఇంటర్న్‌షిప్ అర్హతలు, నిబంధనలు సంబంధిత సంస్థల (ICAI / ICMAI) మార్గదర్శకాల ప్రకారం ఉంటాయి. ఇంకా ఫలితాలు లేదా మార్కులు రాని అభ్యర్థులు దరఖాస్తు చేసుకోవడానికి అర్హులు కారు.

స్టైపెండ్‌: నెలకు రూ.20,000.

వ్యవధి: 12 నెలలు. సంస్థ అవసరాలు మరియు విద్యార్థి ప్రతిభ ఆధారంగా మరో 12 నెలల వరకు పొడిగించే అవకాశం ఉంది.

వయోపరిమితి: 18 నుంచి 56 ఏళ్ల మధ్య ఉండాలి.

ఎంపిక విధానం: ఇంటర్ సీఏ/ ఇంటర్ సీఎంఏ పరీక్షలో సాధించిన మొత్తం మార్కుల ఆధారంగా 1:5 నిష్పత్తిలో అభ్యర్థులను ఇంటర్వ్యూకు షార్ట్‌లిస్ట్ చేస్తారు. ఆన్‌లైన్/వర్చువల్ మోడ్ (Virtual Mode) ద్వారా నిర్వహించే వ్యక్తిగత ఇంటర్వ్యూ ఆధారంగా తుది ఎంపిక ఉంటుంది.

దరఖాస్తు విధానం: ఆన్‌లైన్‌ ద్వారా.

దరఖాస్తు చివరి తేదీ: 26.10.2026.

Website:https://npcilcareers.co.in/MainSiten/default.aspx