సెంట్రల్‌ బ్యాంక్‌ ఆఫ్‌ ఇండియాలో అప్రెంటిస్ ఉద్యోగాలు

ప్రభుత్వ రంగ బ్యాంకింగ్ సంస్థ అయిన సెంట్రల్‌ బ్యాంక్‌ ఆఫ్‌ ఇండియా 2026-27 ఆర్థిక సంవత్సరానికి అప్రెంటిస్ పోస్టుల భర్తీకి నోటిఫికేషన్ విడుదల చేసింది. ఎంపికైన అభ్యర్థులకు దేశవ్యాప్తంగా ఉన్న బ్యాంకు శాఖలు, కార్యాలయాల్లో ఒక సంవత్సరం శిక్షణ ఇస్తారు.

మొత్తం పోస్టులు: 4500

వివరాలు:

ఆంధ్రప్రదేశ్‌లో 128, తెలంగాణలో 100 పోస్టులు ఉన్నాయి.

శిక్షణ కాలం: 12 నెలలు.

అర్హతలు: అభ్యర్థులు గుర్తింపు పొందిన విశ్వవిద్యాలయం నుంచి ఏదైనా విభాగంలో డిగ్రీ ఉత్తీర్ణులై ఉండాలి. 01-01-2022 లేదా ఆ తర్వాత డిగ్రీ పూర్తి చేసి ఉండాలి. 

వయోపరిమితి: 31-05-2026 నాటికి 20 నుంచి 28 ఏళ్ల మధ్య ఉండాలి. ఎస్సీ/ఎస్టీ అభ్యర్థులకు 5 సంవత్సరాలు, ఓబీసీలకు 3 సంవత్సరాలు, పీడబ్ల్యూడీ అభ్యర్థులకు ప్రభుత్వ నిబంధనల ప్రకారం వయోసడలింపు ఉంటుంది.

స్టైపెండ్: శిక్షణ కాలంలో నెలకు రూ.15,000 స్టైపెండ్ చెల్లిస్తారు. 

ఎంపిక విధానం: ఆన్‌లైన్ పరీక్ష, స్థానిక భాషా పరీక్ష, డాక్యుమెంట్ వెరిఫికేషన్, మెడికల్ ఫిట్‌నెస్ పరీక్ష ఆధారంగా.

పరీక్ష విధానం: ఆన్‌లైన్ పరీక్షలో మొత్తం 100 ప్రశ్నలు, 100 మార్కులు ఉంటాయి. నెగెటివ్ మార్కింగ్ లేదు.

దరఖాస్తు విధానం: అభ్యర్థులు ముందుగా ఎన్‌ఏటీ పోర్టల్‌లో నమోదు చేసుకోవాలి. అనంతరం బీఎఫ్‌ఎస్‌ఐ ఎస్‌ఎస్‌సీ పోర్టల్‌లో లాగిన్ అయి దరఖాస్తు ఫారాన్ని పూర్తి చేసి, అవసరమైన ఫీజు చెల్లించాలి. ఆన్‌లైన్ విధానంలో మాత్రమే దరఖాస్తులు స్వీకరిస్తారు.

దరఖాస్తు ఫీజు: జనరల్/ఈడబ్ల్యూఎస్‌/ఓబీసీ (పురుషులు): రూ.944, జనరల్/ ఈడబ్ల్యూఎస్‌/ఓబీసీ (మహిళలు): రూ.708, ఎస్సీ/ఎస్టీ, దివ్యాగ, ట్రాన్స్‌జెండర్ అభ్యర్థులకు రూ.236.

ముఖ్యమైన తేదీలు

ఆన్‌లైన్ దరఖాస్తుల ప్రారంభం: 12 జూన్ 2026

దరఖాస్తు చివరి తేదీ: 22.06.2026.

ఆన్‌లైన్ పరీక్ష (తాత్కాలికంగా): జూలై 2026 మొదటి వారం

Website:https://centralbank.bank.in/en/recruitments