ఏపీపీఎస్సీ - అసిస్టెంట్ మోటార్ వెహికల్ ఇన్‌స్పెక్టర్ పోస్టులు

ఆంధ్రప్రదేశ్ పబ్లిక్ సర్వీస్ కమిషన్ (ఏపీపీఎస్సీ) ఏపీ ట్రాన్స్‌పోర్ట్ సర్వీస్‌లో అసిస్టెంట్ మోటార్ వెహికల్ ఇన్‌స్పెక్టర్ పోస్టుల భర్తీకి సంబంధించి నోటిఫికేషన్‌ను విడుదల చేసింది.

వివరాలు:

అసిస్టెంట్ మోటార్ వెహికల్ ఇన్‌స్పెక్టర్ (ఏపీ ట్రాన్స్‌పోర్ట్ సర్వీస్): 50 ఖాళీలు

అర్హత: అభ్యర్థులు గుర్తింపు పొందిన విశ్వవిద్యాలయం నుంచి మెకానికల్ ఇంజినీరింగ్ లేదా ఆటోమొబైల్ ఇంజినీరింగ్‌లో డిగ్రీ కలిగి ఉండాలి; లేదా ఆంధ్రప్రదేశ్ స్టేట్ బోర్డ్ ఆఫ్ టెక్నికల్ ఎడ్యుకేషన్ అండ్ ట్రైనింగ్ / హైదరాబాద్‌లోని టెక్నికల్ డిప్లొమా ఎగ్జామినేషన్ బోర్డ్ జారీ చేసిన ఆటోమొబైల్ ఇంజినీరింగ్‌లో డిప్లొమా లేదా తత్సమాన అర్హత కలిగి ఉండాలి. అదనంగా, మోటార్ డ్రైవింగ్ లైసెన్స్ కలిగి ఉండి, కనీసం 3 సంవత్సరాలు మోటార్ వాహనాలు నడిపిన అనుభవం, హెవీ ట్రాన్స్‌పోర్ట్ వెహికల్ ఎండార్స్‌మెంట్ కలిగి ఉండాలి (3 సంవత్సరాల అనుభవం గల వారు అందుబాటులో లేకపోతే, 2 సంవత్సరాల అనుభవం ఉన్నవారిని నియమించవచ్చు).

మహిళా అభ్యర్థుల విషయంలో, లైట్ మోటార్ వెహికల్ డ్రైవింగ్ లైసెన్స్ ఉన్నప్పటికీ, ఉద్యోగంలో చేరిన రెండు సంవత్సరాలలోపు హెవీ ట్రాన్స్‌పోర్ట్ వెహికల్ ఎండార్స్‌మెంట్ పొందవలసి ఉంటుంది.

వయోపరిమితి: 01.07.2026 నాటికి 21 నుంచి 36 ఏళ్ల మధ్య ఉండాలి.

పే స్కేల్: నెలకు రూ.47,440- రూ.1,37,220.

ఎంపిక విధానం: సింగిల్-లెవెల్ రాత పరీక్ష (ఆబ్జెక్టివ్ టైప్, ఆన్‌లైన్) నిర్వహిస్తారు. స్క్రీనింగ్ టెస్ట్ ఉండదు. ప్రతి తప్పు సమాధానానికి సంబంధిత ప్రశ్న మార్కులలో 1/3 వంతు నెగెటివ్ మార్కింగ్ ఉంటుంది. అలాగే కంప్యూటర్ ప్రొఫిషియెన్సీ టెస్ట్ (CPT), నిర్దేశిత శారీరక ప్రమాణాలు కూడా ఉంటాయి.

దరఖాస్తు విధానం: ఆన్‌లైన్‌ ద్వారా.

ఆన్‌లైన్ దరఖాస్తుల ప్రారంభ తేదీ: 06/11/2026

దరఖాస్తులకు చివరి తేదీ: 26/11/2026

Website:https://portal-psc.ap.gov.in/HomePages/RecruitmentNotifications