సుప్రీం కోర్ట్ ఆఫ్ ఇండియాలో జూనియర్ కోర్ట్ అసిస్టెంట్ పోస్టులు

సుప్రీం కోర్ట్ ఆఫ్ ఇండియా గ్రూప్-బి నాన్-గెజిటెడ్ కేడర్‌లో 250 జూనియర్ కోర్ట్ అసిస్టెంట్ (జేసీఏ) పోస్టుల భర్తీకి నోటిఫికేషన్ విడుదల చేసింది.

వివరాలు:

• జూనియర్ కోర్ట్ అసిస్టెంట్ (గ్రూప్‌-బి నాన్‌ గెజిటెడ్‌): 250 పోస్టులు

అర్హత: సెప్టెంబరు 1, 2026 నాటికి అభ్యర్థులు గుర్తింపు పొందిన విశ్వవిద్యాలయం నుంచి ఏదైనా బ్యాచిలర్ డిగ్రీ (గ్రాడ్యుయేషన్) ఉత్తీర్ణులై ఉండాలి. దీనితో పాటు కంప్యూటర్ పరిజ్ఞానంతో పాటు నిమిషానికి 35 పదాల (35 w.p.m.) ఇంగ్లిష్ టైపింగ్ స్పీడ్ కలిగి ఉండాలి.

వయోపరిమితి: 01.09.2026 నాటికి 18 నుంచి 30 ఏళ్ల మధ్య ఉండాలి. ఎస్సీ, ఎస్టీ, ఓబీసీ, దివ్యాంగులు, మాజీ సైనిక ఉద్యోగులకు వయోపరిమితిలో సడలింపు ఉంటుంది.

జీతం: ప్రాథమిక వేతనం రూ.35,400+ ఇతర అలవెన్సులు.

ఎంపిక విధానం: ఎంపిక ప్రక్రియ 4 దశల్లో జరుగుతుంది.

1. ఆబ్జెక్టివ్ టైప్ టెస్ట్ (100 మార్కులు, 1:30½ గంటలు): జనరల్ ఇంగ్లిష్ (20), జనరల్ ఆప్టిట్యూడ్ (15), జనరల్ నాలెడ్జ్ (15), రాజ్యాంగంలోని న్యాయవ్యవస్థ నిబంధనలు (15), సుప్రీంకోర్టు రూల్స్ 2013 (10), సుప్రీంకోర్టు ఆఫీసర్స్ & సర్వెంట్స్ రూల్స్ 1961 (10), కంప్యూటర్ పరిజ్ఞానం (15) లపై 100 ప్రశ్నలు ఉంటాయి (క్వాలిఫై మార్కులు: 50). ఆబ్జెక్టివ్ పరీక్షలో ప్రతి తప్పు సమాధానానికి 0.25 నెగిటివ్ మార్కులు ఉంటాయి. ఈ పరీక్ష మార్కుల ఆధారంగా 1:10 నిష్పత్తిలో అభ్యర్థులను రెండవ దశ (టైపింగ్ & డిస్క్రిప్టివ్) కు ఎంపిక చేస్తారు.

2. కంప్యూటర్ టైపింగ్ టెస్ట్ (50 మార్కులు, 10 నిమిషాలు): ఇంగ్లిషులో కనీసం 35 w.p.m. వేగం ఉండాలి (క్వాలిఫై మార్కులు: 25).

3. రాత పరీక్ష - డిస్క్రిప్టివ్ (100 మార్కులు, 2 గంటలు): ఇంగ్లిష్ కాంప్రహెన్షన్, ప్రిసిస్ రైటింగ్, ఎస్సే రైటింగ్ (క్వాలిఫై మార్కులు: 50). టైపింగ్ పరీక్షలో అర్హత సాధించిన అభ్యర్థుల డిస్క్రిప్టివ్ పేపర్లు మాత్రమే మూల్యాంకనం చేస్తారు.

4. ఇంటర్వ్యూ (25 మార్కులు): క్వాలిఫై మార్కులు-13 (ఇంటర్వ్యూకి 1:3 నిష్పత్తిలో అభ్యర్థులను పిలుస్తారు).

దరఖాస్తు విధానం: ఆన్‌లైన్‌ ద్వారా.

ఆబ్జెక్టివ్ టైప్ టెస్ట్ కేంద్రాలు: దేశవ్యాప్తంగా 131 నగరాల్లో నిర్వహిస్తారు. తెలంగాణలో హైదరాబాద్, కరీంనగర్, ఖమ్మం, వరంగల్; ఆంధ్రప్రదేశ్‌లో కర్నూలు, నెల్లూరు, రాజమహేంద్రవరం, విజయవాడ, విశాఖపట్నం, విజయవాడ, తిరుపతి, గుంటూరు మొదలైనవి.

దరఖాస్తు ఫీజు: జనరల్‌ అభ్యర్థులకు రూ.1500, ఎస్సీ/ఎస్టీ/ఓబీసీ/మాజీసైనికోద్యోగులు/దివ్యాంగులకు రూ.750.

ఆన్‌లైన్ అప్లికేషన్ ప్రారంభం: 07.10.2026

దరఖాస్తు చివరి తేదీ: 28.10.2026

ఆబ్జెక్టివ్ పరీక్ష తేదీ (తాత్కాలికం): 20.11.2026.

ఆన్సర్ కీ & అభ్యంతరాల తేదీలు: నవంబర్ 22 నుంచి 23 వరకు.

Website:https://www.sci.gov.in/