దేశంలో అత్యంత విలువైన బ్రాండ్గా ఎయిర్టెల్ నిలిచింది. హెచ్డీఎఫ్సీ బ్యాంక్ను వెనక్కి నెట్టిందని కాంటార్ నివేదిక తెలిపింది. 2014లో కాంటార్ బ్రాండ్జ్ జాబితా ప్రారంభమయ్యాక, ఒక టెలికాం సంస్థ అగ్రస్థానం దక్కించుకోవడం ఇదే తొలిసారి. ఎయిర్టెల్ బ్రాండ్ విలువ 5% పెరిగి 43.2 బి.డాలర్ల (దాదాపు రూ.4.1 లక్షల కోట్ల)కు చేరింది. 2020 నుంచి ఎయిర్టెల్ బ్రాండ్ విలువ 210% పెరిగింది.
దేశంలో అత్యంత విలువైన టాప్-100 బ్రాండ్ల మొత్తం విలువ గతేడాదితో పోలిస్తే 12% తగ్గి 460.3 బిలియన్ డాలర్ల (రూ.43.26 లక్షల కోట్ల)కు చేరింది. ఇది దేశ జీడీపీలో 11 శాతానికి సమానం. టెక్నాలజీ, ఆర్థిక సేవల రంగాల్లో బ్రాండ్ల విలువ తగ్గడం ఇందుకు కారణం.