ఐఐటీ జోధ్పుర్ పరిశోధకులు 1,000 డిగ్రీల సెల్సియస్ వరకు తీవ్రమైన వేడిని తట్టుకోగల అత్యంత తేలికైన, బలమైన లోహపు మిశ్రమాన్ని తయారు చేశారు. దీన్ని ‘నయోబియం ఆధారిత రిఫ్రాక్టరీ కాంప్లెక్స్ లీన్ అలాయ్’గా పిలుస్తున్నారు.
భారత రక్షణ, అంతరిక్ష, విమానయాన రంగాలకు ఇది ఉపయోగపడుతుంది. మెటీరియల్స్ ఇంజినీరింగ్ విభాగం అసోసియేట్ ప్రొఫెసర్ సౌరభ్ నెనె నేతృత్వంలోని బృందం ఈ పరిశోధన చేసింది. ఈ వివరాలు ప్రముఖ అంతర్జాతీయ జర్నల్ ‘మెటీరియల్స్ అండ్ డిజైన్’లో ప్రచురితమయ్యాయి.