ప్రపంచంలోని వివిధ మహాసముద్రాల మీదుగా తొమ్మిది నెలల్లో 22 వేల నాటికల్ మైళ్లకు పైగా ‘లోకాయన్ 26’ సాహసయాత్ర విజయవంతంగా పూర్తి చేసుకున్న ఐఎన్ఎస్ సుదర్శిని 2026, నవంబరు 3న భారత తీరానికి వచ్చింది. జనవరి 26న ప్రారంభమైన ఈ యాత్రలో మొత్తం 11 దేశాల్లోని 17 ఓడరేవులను సందర్శించారు. ఆసియా ఖండం నుంచి సగం ప్రపంచం దాటి అమెరికా వరకు ప్రయాణించిన ఏకైక నౌక ఇది మాత్రమే అని ఐఎన్ఎస్ సుదర్శిని కమాండింగ్ ఆఫీసర్ రవికాంత్ నండూరి చెప్పారు.