కోటక్ సురక్షా స్కాలర్‌షిప్‌

ఆర్థికంగా వెనుకబడిన కుటుంబాలకు చెందిన వికలాంగ విద్యార్థుల ఉన్నత విద్యకు ఆర్థిక భరోసా కల్పించేందుకు కోటక్ ఎడ్యుకేషన్ ఫౌండేషన్‌ (KEF) కోటక్ సురక్షా స్కాలర్‌షిప్‌ (KSS)ను అందిస్తోంది. దేశవ్యాప్తంగా అమలు చేస్తున్న ఈ స్కాలర్‌షిప్‌ ద్వారా అర్హులైన అండర్‌గ్రాడ్యుయేట్ విద్యార్థులకు గ్రాడ్యుయేషన్‌ పూర్తయ్యే వరకు ఏటా రూ.1,00,000 చొప్పున ఆర్థిక సాయం అందుతుంది. దేశవ్యాప్తంగా పట్టణ, గ్రామీణ ప్రాంతాలకు చెందిన విద్యార్థులు దరఖాస్తు చేసుకోవచ్చు.

వివరాలు:

అర్హత: 2016 నాటి దివ్యాంగుల హక్కుల చట్టం ప్రకారం 40 శాతం లేదా అంతకంటే ఎక్కువ బెంచ్‌మార్క్‌ డిజేబిలిటీ ఉన్న విద్యార్థులు దరఖాస్తు చేసుకోవచ్చు. చెల్లుబాటయ్యే వికలాంగ ధ్రువపత్రం తప్పనిసరిగా ఉండాలి. 12వ తరగతి/ హయ్యర్‌ సెకండరీలో కనీసం 50 శాతం మార్కులు సాధించి ఉండాలి. కుటుంబ వార్షిక ఆదాయం రూ.6 లక్షల కంటే తక్కువగా ఉండాలి.

స్కాలర్‌షిప్‌ ప్రయోజనాలు:

ఎంపికైన ప్రతి విద్యార్థికి అండర్‌ గ్రాడ్యుయేట్‌ కోర్సు/డిగ్రీ పూర్తయ్యే వరకు ఏటా రూ.1 లక్ష స్కాలర్‌షిప్‌ అందుతుంది. ఈ మొత్తాన్ని ట్యూషన్‌ ఫీజు, హాస్టల్‌ ఫీజు, ఇంటర్నెట్‌, రవాణా, ల్యాప్‌టాప్‌, పుస్తకాలు, స్టేషనరీ వంటి విద్యా ఖర్చులకు వినియోగించుకోవచ్చు.

అంతేకాకుండా ప్రతి స్కాలర్‌కు ప్రత్యేకంగా మెంటర్‌ను కేటాయించి విద్యా ప్రగతి, వ్యక్తిగత అభివృద్ధికి మార్గదర్శకత్వం అందిస్తారు. మానసిక ఆరోగ్యం, ఆత్మవిశ్వాసం, సామాజిక-భావోద్వేగ స్థైర్యాన్ని పెంపొందించేందుకు నిపుణులతో ప్రత్యేక సెషన్లు నిర్వహిస్తారు. కమ్యూనికేషన్‌, ఇంటర్‌పర్సనల్‌ స్కిల్స్‌, ప్రొఫెషనల్‌ ఎటికెట్‌, ఉద్యోగానికి అవసరమైన సాఫ్ట్‌ స్కిల్స్‌పై కూడా శిక్షణ ఇస్తారు.

ఎలా దరఖాస్తు చేయాలి?:

ఆన్‌లైన్‌లో ‘Apply Now’ పై క్లిక్‌ చేసి ఈమెయిల్‌, మొబైల్‌ నంబర్‌తో రిజిస్టర్‌ చేసుకోవాలి. అనంతరం పాస్‌వర్డ్‌ సెట్‌ చేసి దరఖాస్తు ఫారంలో అవసరమైన వివరాలను నమోదు చేయాలి. సూచించిన పత్రాలను అప్‌లోడ్‌ చేసి, అప్లికేషన్‌ను మరోసారి పరిశీలించి సబ్మిట్‌ చేయాలి. దరఖాస్తు విజయవంతంగా సమర్పించిన తర్వాత ఈ-మెయిల్‌కు సమాచారం ఇస్తారు.

అవసరమైన ధ్రువపత్రాలు:

• వికలాంగ ధ్రువపత్రం తప్పనిసరి

• విద్యార్థి బ్యాంక్‌ పాస్‌బుక్‌/బ్యాంక్‌ స్టేట్‌మెంట్‌

• 2025-26 కుటుంబ ఆదాయ ధ్రువపత్రం/తల్లిదండ్రుల ఐటీఆర్‌/ఫార్మ్‌ 16

• 2026-27 విద్యా సంవత్సర ఫీజు వివరాలు

• కాలేజీ ఫీజు వివరాలు

• 10వ తరగతి మార్కుల మెమో

• 12వ తరగతి మార్కుల మెమో

• తాజా మార్కుల మెమో

• కాలేజీ ఐడీ కార్డు/బోనఫైడ్‌ సర్టిఫికెట్‌

• విద్యార్థి ఆధార్‌ కార్డు రెండు వైపులా

• సింగిల్‌ పేరెంట్‌/అనాథ విద్యార్థులకు సంబంధిత ఆధారాలు, అవసరమైతే తల్లిదండ్రి మరణ ధ్రువపత్రం

  దరఖాస్తు విధానం: ఆన్‌లైన్‌ ద్వారా

  దరఖాస్తు చివరి తేదీ: 15.10.2026

Website: https://www.kotakeducationfoundation.org/what-we-do/scholarship/kotak-suraksha-scholarship