ఐసీఏఆర్‌ - టెక్నికల్‌ అసిస్టెంట్, సీనియర్ టెక్నిల్‌ సైంటిస్ట్‌ పరీక్ష

ఐసీఏఆర్‌ - టెక్నికల్‌ అసిస్టెంట్, సీనియర్ టెక్నిల్‌ సైంటిస్ట్‌ పరీక్ష

భారతీయ వ్యవసాయ పరిశోధనా మండలి (ఐసీఏఆర్‌) ఆధ్వర్యంలోని వివిధ ఇన్‌స్టిట్యూట్‌లు, కృషి విజ్ఞాన కేంద్రాలలో (కేవీకే) టెక్నికల్ అసిస్టెంట్ (T-3), సీనియర్ టెక్నికల్ అసిస్టెంట్ (T-4) పోస్టులను భర్తీ చేయడానికి అగ్రికల్చరల్ సైంటిస్ట్స్ రిక్రూట్‌మెంట్ బోర్డ్ (ఏఎస్‌ఆర్‌బీ) నోటిఫికేషన్‌ను విడుదల చేసింది.

మొత్తం పోస్టుల సంఖ్య: 1393

వివరాలు:

  1. టెక్నికల్ అసిస్టెంట్ (T-3) - ఐసీఏఆర్‌ ఇన్‌స్టిట్యూట్లు: మొత్తం 1,254 పోస్టులు

  • అగ్రికల్చర్ (ఫీల్డ్/ఫార్మ్ & ల్యాబ్ టెక్నీషియన్): 699

  • యానిమల్ సైన్స్: 115

  • ఫిషరీస్ సైన్స్: 90

  • సోషల్ సైన్స్ (హోమ్ సైన్స్/కమ్యూనిటీ సైన్స్): 5

  • వర్క్‌షాప్ స్టాఫ్ (సివిల్, అగ్రికల్చరల్‌, ఎలక్ట్రికల్, ఎలక్ట్రానిక్స్ ఇంజినీరింగ్): 153

  • లైబ్రరీ/ఇన్ఫర్మేషన్/డాక్యుమెంటేషన్ స్టాఫ్: 59

  • ఇన్ఫర్మేషన్ టెక్నాలజీ (IT): 133

  1. సీనియర్ టెక్నికల్ అసిస్టెంట్ (T-4) - కేవీకేలు: 139 పోస్టులు
    (అగ్రికల్చర్-73, యానిమల్ సైన్స్-09, ఫిషరీస్-7, సోషల్‌ సైన్స్‌-హోమ్ సైన్స్-2, ఐటీ-48)

అర్హత: గుర్తింపు పొందిన విశ్వవిద్యాలయం లేదా ఇన్‌స్టిట్యూట్ నుంచి సంబంధిత విభాగంలో డిగ్రీ లేదా తత్సమాన విద్యార్హత కలిగి ఉండాలి.

వయోపరిమితి: దరఖాస్తుల స్వీకరణకు చివరి నాటికి 21 నుంచి 30 సంవత్సరాల మధ్య ఉండాలి.
ఎస్సీ/ఎస్టీ అభ్యర్థులకు 5 సంవత్సరాలు, ఓబీసీ అభ్యర్థులకు 3 సంవత్సరాలు, దివ్యాంగ అభ్యర్థులకు 10 సంవత్సరాలు, ఎక్స్-సర్వీస్‌మెన్, ఐసీఏఆర్‌ ఇన్-సర్వీస్ ఉద్యోగులకు ప్రభుత్వ నిబంధనల ప్రకారం వయోసడలింపు వర్తిస్తుంది.

జీతం: నెలకు టెక్నికల్‌ అసిస్టెంట్ పోస్టులకు రూ.29,200- రూ.92,300; సీనియర్ టెక్నికల్ అసిస్టెంట్‌కు రూ.35,400- రూ.1,12,400.

ఎంపిక విధానం: రాత పరీక్షలు(ప్రిలిమినరీ, మెయిన్స్‌) ద్వారా.

తుది ఎంపిక: ఈ పోస్టులకు ఇంటర్వ్యూ ఉండదు. కేవలం మెయిన్స్ పరీక్షలో సాధించిన మార్కుల ఆధారంగానే ఫైనల్ మెరిట్ జాబితా తయారు చేసి ఎంపిక చేస్తారు.

ప్రిలిమినరీ పరీక్ష (సీబీటీ - ఆబ్జెక్టివ్ టైప్): ఇది కేవలం అర్హత పరీక్ష. ఇందులో జనరల్ నాలెడ్జ్, జనరల్ ఇంగ్లిష్, క్వాంటిటేటివ్ ఆప్టిట్యూడ్, జనరల్ అగ్రికల్చర్ నుంచి 1 మార్కు చొప్పున 100 ప్రశ్నలు ఉంటాయి (వ్యవధి: 1 గంట). ప్రతి తప్పు సమాధానానికి 0.25 మార్కులు కోత విధిస్తారు.

మెయిన్స్ పరీక్ష (సీబీటీ - ఆబ్జెక్టివ్ టైప్): ప్రిలిమ్స్ లో అర్హత సాధించినవారిని 1:15 నిష్పత్తిలో మెయిన్స్ కు ఎంపిక చేస్తారు. మెయిన్స్ పరీక్షలో అభ్యర్థి ఎంచుకున్న సబ్జెక్ట్/ఫంక్షనల్ గ్రూప్ నుంచి 100 ప్రశ్నలు (300 మార్కులకు) ఇస్తారు (వ్యవధి: 2 గంటలు). ప్రతి తప్పు సమాధానానికి 1 మార్కు నెగెటివ్ మార్కింగ్ ఉంటుంది.

దరఖాస్తు విధానం: ఆన్‌లైన్‌ ద్వారా.

పరీక్ష ఫీజు: రెండు పోస్టులకు విడివిడిగా రూ.300; రెండింటికీ కలిపి రూ. 600. ఈడబ్ల్యూఎస్‌/ఓబీసీలకు విడివిడిగా రూ.150; రెండింటికీ కలిపి రూ.300.

ఆన్‌లైన్ దరఖాస్తులు ప్రారంభం: 18.11.2026

దరఖాస్తు చివరి తేదీ: 17.12.2026

అప్లికేషన్ సవరణ విండో: 18.12.2026 నుంచి 20.12.2026 వరకు

Website:https://www.asrb.gov.in/

Copyright © 2026 Ushodaya Enterprises Pvt Ltd All Rights Reserved

  • Facebook
  • Twitter
  • YouTube
  • Instagram
  • Telegram